許紹雄打本700萬畀女兒開Cafe 逆市開3間分店 直言賺幾多唔重要!

許紹雄打本700萬畀女兒開Cafe 逆市開3間分店 直言賺幾多唔重要!

娛樂新聞
By Cheryl on 18 Feb 2022
Digital Editor

TVB藝人許紹雄(Benz雄)已移居新加坡,作為爸爸嘅佢於前年打本畀愛女許惠菁(Charmaine)開Cafe做生意,雖然近年全球都受疫情影響,但都無阻Charmaine為自家店開設第二間店,並準備開第三間分店!

許紹雄愛女非常,打本約700萬港元畀女兒開三間cafe!Photo from 許惠菁 IG

許紹雄2018年移居新加坡

73歲許紹雄(Benz雄)係本港嘅資深演員,曾獲《第19屆香港電影金像獎》提名「最佳男配角」,亦拍過唔少TVB劇,直到2018年佢約滿TVB離巢,並表示自己有機會以自由身形式回歸大台工作,之後佢於2018年移居新加坡。

許紹雄係本港知名嘅「綠葉演員」,2018年離巢TVB。Photo from TVB

許紹雄女兒去年回港慶生+被男友求婚

許紹雄1992年與龍嬿而結婚,並育有一女許惠菁(Charmaine)。Charmaine現年24歲,佢去年曾同家人回港慶祝生日,期間男友Shane更成功向佢求婚!身為爸爸嘅Benz雄都非常開心,一家人在許家豪宅內合照好溫馨。

許惠菁去年回港被男友求婚!Photo from 許惠菁 IG

許紹雄與太太和女兒及其未婚夫合照。Photo from 許惠菁 IG

廿四孝爸爸打本畀女兒開Cafe

許紹雄作為廿四孝爸爸,曾在新加坡花費約$400萬新加坡幣(逾2,300萬港幣)買下面積約4,000呎嘅3層半豪宅,據聞歸寶貝女名下!佢亦與去年初花了約百萬港幣畀Charmaine在新加坡開咖啡店,畀佢年紀輕輕就打理自家生意!

許昭雄豪宅內有游泳池!Photo from 許惠菁 IG

許昭雄前年打本畀女兒開第一間咖啡店。Photo from 許惠菁 IG

女兒賺幾多唔緊要,為事業奮鬥更重要

近年全球行業都受疫情影響,許紹雄近期接受新加坡媒體訪問時稱,女兒嘅第一間店至今仍未回本,但唔緊要,因為佢認為生意有起有落,有危才有機。而且,佢見到女兒充滿熱誠非常感動,佢同太太作為父母有能力都會支持。

廣告
廣告

許昭雄與太太非常支持女兒嘅cafe生意。Photo from 許惠菁 IG

許紹雄更表示女兒賺幾多,做唔做女強人,對佢同太太嚟講都唔重要,最緊要係女兒為自己事業努力奮鬥,為自己做出成績。到今個農曆年,Charmaine嘅咖啡店已正式開設第二間分店,選址更在新加坡黃金地段Orchard Road(烏節路)。

許紹雄不時到女兒cafe坐鎮。Photo from 許紹雄 IG

許紹雄落力宣傳囡囡咖啡店

另外,Charmaine透露現已準備開設第三間分店,並將以特色小食為主。佢表示三間店嘅總投資約6、7百萬港元。而爸爸兼最大金主許紹雄亦不時會落舖做人肉招牌,仲好親民,對合照等要求都有求必應,又會在個人社交網po相宣傳cafe,真係賣力~

許紹雄經常在IG宣傳女兒咖啡店。Photo from 許紹雄 IG

真係好支持囡囡事業~Photo from 許紹雄 IG

Charmaine除咗係咖啡店老闆,本身仲係一名高材生,佢讀傳理系以一級榮譽佳績畢業,之後本來想攻讀碩士,但因疫情影響,而轉開網店售賣親手整嘅曲奇和蛋糕,生意更係唔錯,在父母鼓勵與支持下,Charmaine第一間cafe在去年底開業,佔地1600呎,而第二間店則位於Orchard Road嘅大型購物商場Wheelock Place,面積雖比第一間店少,但人流更勝一籌。

許惠菁大學畢業後專心打理咖啡店生意。Photo from 許惠菁 IG

許惠菁與爸爸許紹雄感情相當好。Photo from 許惠菁 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel