新手詢問露營瞓覺應否上鎖！引起網民熱議！大量幽默回應惹爆笑

疫情令大家未能出國旅遊，所以唔少人都選擇去郊區露營，希望好好感受大自然～有一位露營新手就喺FB群組中詢問露營時應否上鎖，隨即引起網民熱議！

Photo from TVB

# 戶外活動超受歡迎！

近年，唔少市民都會選擇進行戶外活動，例如：行山、水上運動等，好好放鬆緩解平時嘅壓力～其中露營就係其中一個非常受歡迎嘅活動，喺大自然中渡假！

Photo from TVB

Photo from TVB

# 網民擔心露營安全！

露營嘅時候，大家瞓覺嘅時候都只能夠拉上帳篷嘅拉鍊，無法上鎖，可能會令唔少網民覺得冇安全感；一方面害怕自己嘅財物被偷走；或者擔心瞓覺時會有人突襲等！

Photo from TVB

# 露營新手詢問瞓覺會唔會上鎖？！

有露營新手於FB群組中詢問「大家露營瞓覺嘅時候會唔會上鎖啊？」引發網民廣泛關注。

Photo from FB群組「香港人露營分享谷」

# 網民細心回答～

部分網民就細心解答表示唔會，而且露營時多數都唔會帶備貴重物品，建議手機銀包等跟身就唔洗擔心！而且有網民就話若果真係有人拉開拉鍊都會醒來，唔需要過分憂慮。

Photo from TVB

# 亦有大量幽默回應～

當中亦有唔少網民就搞笑回應「請個夜班看更睇住」、「鎖人哋個營就得」、「用空城計！紮完個營但去第二度瞓」等留言，惹人爆笑～

Photo from FB群組「香港人露營分享谷」

相關文章：香港10大Glamping營地推介！透明觀星營＋露營車｜露營好去處

相關文章：Goofy Waves｜西貢兩手揈揈海景Glamping 出海睇日落＋戶外電影院＋BBQ｜露營好去處

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

露營撞正隔離大聲播歌跳舞！展現大媽式舞步！網民提供爆笑解決方法

12 Jan , 2022

唔少人都會趁住天氣清涼選擇去感受下大自然，而露營就成為咗其中一個熱門活動～最近，有網民就喺FB群組分享自己嘅露營經歷，表示遇到其他露營人士大聲播歌跳舞，玩得非常忘我，令唔少網民都覺得行為好過分！

Photo from TVB

# 露營人士喺FB分享親身經驗！

疫情之下，大家冇得出國旅遊，唔少人都會選擇喺戶外露營，遠離城市嘅煩囂生活，希望可以好好釋放壓力～日前，有位露營人士就喺FB群組「香港人露營分享谷」分享自己露營時所遭遇嘅經歷，令唔少網民睇完之後都覺得好嬲？！

Photo from TVB

# 其他露營人士晚上用喇叭播歌跳舞！

樓主喺群組中表示露營時，遇到隔離營嘅人士開住喇叭大聲播歌，載歌載舞。從影片中所見，該帳篷下大約有4至5人，而其中嘅3位就似乎玩得非常盡興，企咗起身跟隨音樂節奏咁搖晃身體及扭腰，表現得非常忘我！

Photo from FB群組「香港人露營分享谷」

# 仲有夢幻七彩燈，彷如置身派對！

而佢哋嘅party設備亦好齊全，除咗喇叭外仲有七彩嘅閃光燈。喺夜空之下，燈光一閃一閃不停變色，十分顯眼！不過樓主就表示「好彩11點就停咗！無嘈住我訓」，認為至少對方都並未到通宵達旦咁開派對，尚可接受。

Photo from FB群組「香港人露營分享谷」

Photo from FB群組「香港人露營分享谷」

# 網民認為行為過火！

不過，大部分嘅網民都認為喺郊外地方大聲播歌跳舞嘅行為非常過份，「搞到好似去咗廟街咁」、「想開跳舞就唔好去露營啦！」等留言，覺得佢哋咁樣做依然會影響其他人或者大自然

Photo from FB群組「香港人露營分享谷」

Photo from TVB

# 有網民提供無厘頭建議！

有網民就建議下一次再遇到同類事件，可以加入佢哋一齊跳舞，並乘機扮飲醉關掉音樂等；亦有網民分享曾經見過有人露營跳舞直到凌晨3點先停，非常擾民！

Photo from FB群組「香港人露營分享谷」

相關文章：【露營用品清單】露營裝備攻略逐一睇！四大類準備方向懶人包！附新手入門需知貼士！

相關文章：【露營好去處】香港7大Glamping豪華營地推薦！適合新手/懶人！觀星+BBQ+水上活動+寵物友善！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）