超能使者|TVB將推時裝版《鐵拳英雄》?!原版人馬大玩超能力變A貨《復仇者》?

超能使者|TVB將推時裝版《鐵拳英雄》?!原版人馬大玩超能力變A貨《復仇者》?

娛樂新聞
By Cheryl on 23 Feb 2022
Digital Editor

近日TVB劇《鐵拳英雄》剛播映完畢,其實同一班底早於2020年另拍了一套時裝動作劇《超能使者》,當中講述主角陳展鵬唐詩詠等人因意外獲得超能力,預告片可見劇集大玩特效,有網民更認為當中不少場面令人聯想起《Avengers》、《X-Men》等超級英雄片!

《鐵拳班底》製作時裝超能作喜劇《超能使者》》Photo from TVB

《鐵拳英雄》班底打造《超能使者》

近日播畢嘅劇集《鐵拳英雄》(原名《唐人街》)其實早於2019年拍完,當時慘成倉底貨,到了今年才成功「見光」。而劇集監製文偉鴻及一班演員亦於前年拍畢了另一劇集《超能使者》,由於係同一班底拍嘅動作劇,所以有人將《超》劇視為時裝版《鐵拳英雄》!而預告片已包括在《TVB節目巡禮2021》,相信劇集在不久將來就會開播。

《鐵拳英雄》在今年終於播放。Photo from TVB

《超能使者》拜神儀式Photo from TVB

《超能使者》係TVB版X-Men?!

故事講述男主角陳展鵬、女主角唐詩詠、及主演之一陳山聰發生一場車禍後意外獲得超能力。陳展鵬角色原是一名按摩師,意外後擁有時間停止能力,展鵬早前透露過佢為演好角色更多次去按摩順便偷師。

陳展鵬在劇中展示超能力,好有威力咁。Photo from TVB節目巡禮2021《超能使者》預告片

預告片中可見佢除了將時間停頓,幫唐詩詠彈走子彈外,仲始乎可以幫人醫病,深得街坊愛戴。當中時間停頓嘅場面令網民想起《X-Men: Days Of Future Past》內快銀幫忙移開子彈等物件一幕。

陳展鵬在時間停頓時彈走子彈。Photo from TVB節目巡禮2021《超能使者》預告片

讓人諗起Xmen中快銀在時間停止中幫磁力王移走子彈嘅場面。Photo from 《X-Men: Days Of Future Past》

時間停頓場面。Photo from TVB節目巡禮2021《超能使者》預告片

有無人諗起Xmen?Photo from 《X-Men: Days Of Future Past》

而唐詩詠角色本是一名臨時演員領班,佢發動能力時頭髮及瞳孔會轉紅,令人想起Marvel角色紅女巫,佢將與陳展鵬有感情線。

唐詩詠展現能力。Photo from TVB節目巡禮2021《超能使者》預告片

部分網民回想起Marvel紅女巫。Photo from 《Wandavision》

有網民認為佢「發狂」一幕同《X-Men:Dark Phoenix》中黑鳳凰毀滅敵人一幕有相似。

TVB節目巡禮2021《超能使者》預告片Photo from TVB節目巡禮2021《超能使者》預告片

唐詩詠show大技。Photo from TVB節目巡禮2021《超能使者》預告片

似唔似黑鳳凰?Photo from 《X-Men: Dark Phoenix》

陳山聰則飾演一名國術隊成員,預告片可見佢刀槍不入,更以肉身擋下一架車輛,令人想起Amazon美劇《The Boys》中Queen Maeve以身體擋車嘅場面。

廣告
廣告

陳山聰肉身擋車。Photo from TVB節目巡禮2021《超能使者》預告片

《The Boys》Queen Maeve擋車。Photo from 《The Boys》

王君馨TVB時期最後作品

已離巢嘅王君馨都會亮相,相信《超能使者》暫時會係佢最後一套TVB劇,當中佢飾演黑幫頭目,預告中可見佢有槍戰戲份。

王君馨離巢TVB前最後作品。Photo from TVB節目巡禮2021《超能使者》預告片

劉穎鏇在預告中打扮清涼,並有多場打戲,佢將與陳山聰有感情線,有人認為佢角色受DC電影嘅小丑女啟發。

劉穎鏇做打女。Photo from TVB節目巡禮2021《超能使者》預告片

劉穎鏇造型搶眼。Photo from TVB節目巡禮2021《超能使者》預告片

有網民覺得有被小丑女啟發。Photo from 《Suicide Squad》

片中亦大騷陳山聰及沈震軒打到穿牆,令人聯想起《X-Men: The Last Stand》中紅坦克與幻影貓嘅穿牆追逐戰。

陳山聰和沈震軒打得相當激烈。Photo from TVB節目巡禮2021《超能使者》預告片

由Ellen Page飾演嘅幻影貓有穿牆能力,追打佢嘅紅坦克衝破多面牆。Photo from 《X-Men: The Last Stand》

同劇演員仲有劉佩玥、林子善等,仲有《愛回家》飾演KC嘅歐瑞偉,佢一身西裝加滿臉鬍子造型令人聯想起Iron Man。

歐瑞偉造型幾有Iron Man味道。Photo from TVB

歐瑞偉在預告中有搶戰戲。Photo from TVB節目巡禮2021《超能使者》預告片

陳展鵬曾表示《超能使者》係一套喜劇,相信劇集內會有不少笑料,雖然未有確實播映日期,但不少人認為今年內播放機會頗高。

陳展鵬話《超能使者》係一套喜劇。Photo from TVB節目巡禮2021《超能使者》預告片

劇中運用了好多特效。Photo from TVB節目巡禮2021《超能使者》預告片

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel