港男呻同老婆一齊WFH好難頂!聽老公開視像會 事後加口評論工事

港男呻同老婆一齊WFH好難頂!聽老公開視像會 事後加口評論工事

生活熱話
By Cheryl on 03 Mar 2022
Digital Editor

近日疫情嚴重,不少人都要在家工作(WFH),一名港男就因與老婆同在家中WFH而產生磨擦,繼而到網上討論區發文大吐苦水,唔知你又會唔會有共鳴呢?

近日,一名港男在網上大呻同老婆一齊WFH好難頂。Photo from TVB

同老婆一起WFH中伏?

最近,一名港男(下稱樓主)到香港討論區發文,表示佢同老婆因疫情而在家工作。工作區方面,樓主和老婆分別在飯廳和書房做嘢。樓主本以為有一棟門,和十多呎之差嘅距離下,雙方可以河水不犯井水,平靜地處理自己事務。

疫情下,好多人都被公司安排在家工作。Photo from TVB

與同事開會,老婆一齊聽

不過,事情總不似預期發展。樓主指,佢不時要跟同事開視像會議,當眾人正商討解決方案時,在書房嘅老婆都會聽到討論過程,事後老婆竟然會批評樓主與同事確立嘅方案,例如會直批方案不切實際,更直言如果佢下屬咁蠢,就會一早炒佢哋。

樓主老婆聆聽老公開視像會議嘅內容,之後仲會出聲評論。Photo from TVB

老婆太煩,寧願返公司做嘢?!

樓主又稱,自己有時會口花花在視像會中撩女同事,老婆聽到會呷醋,又言:「女同事咁好,不如同我離婚去娶女同事」,樓主大呻:「一有空就拿出來煩我,令我不勝其煩,真想回公司上班。」

老婆亦不滿樓主WFH時flirt女同事。Photo from TVB

網民建議事先約法三章

對此,不少網民認為樓主應該同老婆好好商量,約法三章,等大家唔好踩到對方界線;亦有人建議樓主開視像時記得戴耳筒,說話時也可細聲一點;或者選擇出街開會,會議完結才返屋企。但樓主就認為最後建議只係斬腳趾避沙蟲,倒不如回公司上班更好,亦唔想有機會被客人撞到佢「企街」。

廣告
廣告

樓主寧願返公司做嘢開會。Photo from TVB

網民:樓主撩女同事都有唔啱

有網友就認為兩公婆一起在家工作,就等於同老婆在同一家公司共事般「實出事」,而樓主都表示希望疫情快點完結,大家可以恢復回公司上班。另有網民則認為錯在樓主身上,「我覺得倒返轉,個導火線係你撩女同事,所以好多嘢佢都睇唔順眼喎。」不過,樓主卻認為老婆小題大做,更直言自己平時去滾老婆都無反應,相當囂張。

同伴侶一齊WFH就猶如大家喺同一間公司做嘢?Photo from 香港討論區

網民直指樓主flirt女唔啱,但樓主就唔多認為自己有問題。Photo from 香港討論區

喺老婆眼前flirt女同事,當然被人鬧啦~Photo from TVB

應互相體諒,河水不犯井水

有人則認為大家應該各有各做,唔好隨便對非自己工作嘅事情指指點點,「唔知頭唔知路,最好唔好俾意見!」其他人都同意,指現時很多人都必須WFH,難免產生更多爭執,但各人應互相體諒,盡量以討論方式尋求共識。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel