download HolidaySmart 假期日常 app
【祝文君逝世】患肺癌離世 終年55歲!主持人形象深入民心!《城市追擊》訪問最經典!

【祝文君逝世】患肺癌離世 終年55歲!主持人形象深入民心!《城市追擊》訪問最經典!

娛樂新聞
By Stephanie on 02 Mar 2022
Digital Content Writer

TVB綠葉演員祝文君突然傳來離世消息,有指佢因患上肺癌而逝世,終年55歲,令唔少網民覺得惋惜!過往佢經常擔任主持人角色,其中佢喺《城市追擊》嘅表現可以話係深入民心,隨後亦有參與唔同嘅電視劇拍攝。

廣告
廣告

祝文君因不敵肺癌逝世,終年55歲!Photo from TVB

# 飽受肺癌困擾2年!

藝員祝文君因不敵肺癌喺睡夢中安詳離世,終年55歲。佢加入TVB至今已經32年,圈中人脈甚廣,仲係「藝進同學會」嘅永遠榮譽會長,唔少藝人好友鄧英敏、黃澤鋒等聽聞後都傷心欲絕!據悉,身邊嘅好友都唔知道佢患病嘅消息,直到宜家先知道原來祝文君已經受病魔折磨2年。

祝文君係藝進同學會嘅永遠榮譽會長!Photo from 祝文君微博

佢喺圈中嘅人脈甚廣,擁有唔少圈中好友!Photo from 祝文君微博

# 1990年正式加入TVB

祝文君入行前曾任職銀行職員,喺1989年參加《歡樂今宵》歌唱比賽獲得第5名,並決定加入藝員訓練班。入行初期,口條清晰嘅佢擔任主持人居多,包括:《香港早晨》、《K-100》、《都市閒情》等,就連周星馳都邀請佢出演電影《食神》飾演主持人!

廣告
廣告

祝文君入行後擔任主持人居多!Photo from TVB

主持人形象深入民心,連星爺都搵佢扮演節目主持~Photo from 《食神》

# 《城市追擊》表現深入民心!

祝文君曾經表示主持工作十分刺激,仲學會咗唔少「執生」技巧。而佢喺《城市追擊》就有唔少「代表作」,當中最出名嘅就係1996年嘅鄧家爭產事件,仲同亞視《今日睇真D》互相力撼爭奪訪問機會,一度引起熱議!

其中佢喺《城市追擊》表現亮眼,仲有份直擊鄧家爭產事件!Photo from TVB

而祝文君喺1994年訪問城城嘅時候就詢問對方會否派利是,當時城城就話「傳統思想係話,結婚後先派」,仲講笑咁話「我講過嘅全港市民都會收到我嘅利是!」搞到唔少人喺城城結婚後曾召起「一人一like要城城找數」~

祝文君曾表示做主持人令佢獲益良多!Photo from TVB

# 劇集中扮演綠葉角色!

廣告
廣告

此外,祝文君亦有出演電視劇,但多數都係扮演綠葉角色,當中唔少都係TVB經典劇集如《溏心風暴》、《妙手仁心II》等。上年,佢就出演《愛回家之開心速遞》扮演根叔(劉丹飾)逝去嘅妻子,雖然佢當時只係露出背影,但故事感人令唔少人都注意到佢亮眼嘅演出!

祝文君參與嘅電視劇逾百部Photo from TVB

大多於劇中飾演綠葉角色Photo from TVB

# 《童時愛上你》成最後作品!

祝文君上年依然非常活躍於電視劇拍攝,有份出演嘅《童時愛上你》、《痞子殿下》都尚未播出!

佢上年亦有持續拍劇,仲有2部作品尚未播出!Photo from 祝文君微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【廖啟智逝世】發哥、郭富城等圈中好友聞噩耗感惋惜:佢係一個好好嘅演出對手

29 Mar , 2021

資深演員廖啟智(智叔)昨日(28日)不敵胃癌離世,終年66歲。智叔入行逾40年,圈中人脈甚廣,喺其逝世嘅消息公布後,多位跟智叔合作嘅演員隨即發文悼念,包括曾合作《C+偵探》、《B+偵探》及《無雙》的郭富城,亦撰文分享感受。

智叔與周潤發多年來合作無間,近年作更成為「周潤發行山隊」嘅成員。有指去年年尾發哥已得悉智叔患病,但因疫情未有前往探望,但一直非常關心並給予鼓勵,希望對方成功擊敗病魔,可以再次一起行山,奈何最終事與願違。發哥對於好拍檔離世大感心痛,他直言:「永遠的懷念,祝願智哥一路好走,敏兒要堅強面對將來。」

廣告
廣告

與智叔同屬「周潤發行山團」嘅江美儀亦上載二人與米雪行山時嘅舊相,並留言:「智叔,有緣認識到你是我的榮幸,遺憾是一直沒有機會同你合作,我會永遠記住你跑得好快但成日都返轉頭等埋我哋!」

而同樣喺多部電影中都有合作嘅郭富城亦有喺社交平台分享多張跟智叔合作嘅劇照及幕後合照,寫道:「?知道智叔離世的消息,我非常難過。我同智叔合作嘅電影都多,佢係一個好好嘅演出對手,亦係一個真心熱愛演戲的好演員,非常專業,為人非常君子!希望智叔家人節哀順變,大家係會永遠懷念廖啟智這位優秀的好演員。??」

電影《無間道II》拍檔余文樂則喺 IG story 上傳智叔嘅相悼念並寫上:「很榮幸曾經有跟智叔合作的機會,智叔是一位很謙虛,很友善,很願意教後輩的長輩,電影圈少了一位很值得尊重的好演員,心很痛...」

廣告
廣告

曾跟廖啟智學戲嘅藝人楊偲泳坦言難以接受,指數月前才與對方聚會:「您是我人生中第一位演戲導師,早幾個月前我們還在婚宴派對上聊聊天說說笑,實在太難接受,願安息。」

蘇玉華在社交平台悼念:「智叔我們2005年合作過一次,然後在不同的場合碰面,然後我們會傾談,然後我們會互相祝福,然後你今天去了一個更美的世界,然後會一直活在我們的心裏」。

任達華對於老朋友離世萬般不捨,指:「我同佢由電視開始合作,之後,又喺出面一齊拍咗好多電影,真係萬般不捨,亦係電視界同電影圈嘅損失,佢會賦予作品生命,希望佢家人節哀!」

黃秋生在社交平台悼念並同時教大家喺寫上「一路好走」同「一路走好」嘅分別,提醒大家路好用錯:「智叔,安息。 ( 中文的倒裝文法不可亂用,好走和走好是两種不同的意思,例如喜歡和歡喜。走好是走得很好,很順利,好走是,好走了,是時候走了,應該走了的意思。請大家注意。? ) 」

而除咗同智叔合作多年嘅圈中好友外,一眾圈中後輩亦有先後發文悼念。

廣告
廣告

何廣沛懷念與智叔對戲嘅點滴:「真心唔知應該講咩好,演藝圈又少左一個渾身是戲既前輩;作為後輩,當年既我,好鍾意係無我既場口都唔休息去睇 KC 同師父既每一場對決;作為後輩,那怕只係旁邊觀察,我都覺得每一刻都係獲益良多;作為後輩,可以同你同場演繹,完全感覺到你既氣場,對角色既投入,每一字一句都有該有的變化,令我呢個後輩更容易入戲;作為後輩,多麼希望能再有跟你合作的可能性,還記得影呢張相當日我問過你「智叔呀,你幾時再番黎拍劇呀?我真係好想再同你同一套劇,俾機會我再係你身上偷師」呢一切,都係我呢個後輩多麼奢侈的要求⋯⋯最後,作為後輩,多謝你當年跟我的一場戲,個一幕,永遠都係我腦海中,記憶猶新,你永遠係我最尊重既KC」

合作過電影《男人唔可以窮》的黃宗澤表示:「敬愛的智叔,跟你合作過是我的榮幸,再見智叔!」

廖碧兒上傳二人合照並留言:「Over the years from the old TVB station to the new, regardless if we were shooting the same drama or project, u always asked how I was doing... ?Ur speech. I still remember sitting in the audience and it was just the rehearsal but I sat there in awe, listening to ur every word and ur honesty, passion, and care for others... U will be missed dearly. RIP」

另外,多位影星亦分別留言悼念智叔,如甄子丹、馮德倫、舒淇、黃心美、周家怡、王宗堯、杜汶澤等等。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel