家族榮耀|楊怡抱孕肚狂奔掀熱話!網民爆笑改圖合集!瞬間成為萬能Key

家族榮耀|楊怡抱孕肚狂奔掀熱話!網民爆笑改圖合集!瞬間成為萬能Key

電視電影 娛樂新聞
By Stephanie on 03 Mar 2022
Digital Content Writer

電視劇《家族榮耀》正在熱播中,日前劇情就演到甄芯(楊茜堯 飾演)從車禍中幸存,懷有身孕嘅佢身穿高跟鞋都依然可以飛快狂奔。呢個畫面瞬間成為網民嘅焦點,仲有唔少網民開始惡搞改圖,惹人爆笑!

楊茜堯(楊怡)於《家族榮耀》逃跑嘅畫面成功掀起熱話!Photo from TVB

# 《家族榮耀》劇情

喺TVB播出嘅《家族榮耀》,日前播出到楊茜堯(原名楊怡)同黃浩然於車中發生爭吵,駕車嘅黃浩然情緒激動,意外撞上大貨車昏迷;而楊怡就依然清醒,嘗試救丈夫不果。眼見勢色不妙,佢自行逃離,成功保住肚裡嘅BB以及逃離爆炸現場!

劇情講述黃浩然同楊茜堯喺駕車途中發生口角!Photo from TVB

二人因此發生車禍,而楊茜堯就依然清醒!Photo from TVB

# 網民發現破綻?!

唔少網民都覺得劇情太過唔符合現實,認為孕婦能夠喺發生意外後飛快奔跑係冇可能,直斥劇情離地!而且有眼利嘅網民仲疑似發現楊茜堯喺狂奔嘅時候,假肚好似移咗位,令大家難以投入於劇情當中。

楊茜堯嘗試拯救丈夫但唔成功,最終獨自離開現場Photo from TVB

有網民覺得楊茜堯逃走畫面有破綻,肚子位已經歪咗Photo from TVB

# 逃離場面被網民爆笑改圖!

而楊怡逃離嘅場面好快就被網民cap低,仲成為改圖嘅素材,唔少網民都發揮創意,P上唔同嘅場景,意外地同佢逃跑嘅神情非常匹配,超級搞笑~

唔少網民都講佢逃走嘅畫面變成改圖!Photo from TVB

超市掃貨版

現時唔少超市嘅貨架都被一掃而空,睇嚟楊茜堯都正預備為屋企「捕貨」,趕往下個超市掃貨!

有網民將楊茜堯放到空空如也嘅超級貨架旁邊,同大家面臨緊同一情況!Photo from 網民改圖

逃離竹篙灣

一直以來有唔少隔離人士都表示竹篙灣嘅膳食麻麻,而且最近亦有隔離人士因為唔知幾時可以走,而感到崩潰!不過楊茜堯就似乎因為趕著逃走,忘記戴返口罩~

有網民仲搞笑以竹篙灣作為背景!Photo from 網民改圖

趕巴士生B

懷孕最驚就係突然喺街發現作動,有網民仲話覺得呢張圖簡直就體現每位孕婦臨盆在即嘅緊張心情!

網民覺得似趕著去醫院生B!Photo from 網民改圖

「Finding楊怡」

有網民就將楊茜堯放喺人海茫茫嘅沙灘中,令大家難以一眼搵到佢!就好似玩緊英國Puzzle書「Finding Wally」咁~你哋又搵唔搵到楊怡嘅身影呢?!

同英國puzzle game Finding Wally好似!Photo from 網民改圖

同孔劉一齊跑

即使將背景P成韓國著名喪屍電影都毫無違和感,圖中仲變成咗2個孕婦一齊跑,果然係為母則強!

有網民仲講佢擺落韓國人氣電影《屍速列車》!Photo from 網民改圖

做埋Avengers

MARVEL嘅超級英雄一向都體力超卓,而懷孕嘅楊茜堯即使受傷都硬撐住,同佢哋一樣擁有強大嘅意志力,有資格可以加入復仇者聯盟!

就算同Avengers一齊出動都冇問題!Photo from 網民改圖

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

榮耀|黃浩然戲內花心男 現實係愛妻號!挺過健康+婚姻危機 結婚16年依然恩愛

2 Mar , 2022

劇集《家族榮耀》中除了有幾位女主角大鬥演技外,當中飾演二少爺馬耀祖嘅黃浩然都相當搶眼,雖然佢在劇中有外遇,係一名渣男,但現實中佢係一名愛妻號。黃浩然同太太莫家嘉(KaKa)結婚16年,當中雖出現過不少危機,但最終都只令二人更恩愛。

黃浩然係圈中出名嘅愛妻號,二人挺過不少危機,結婚16年至今非常恩愛。Photo from 微博

拍《新紮師妹》結識太太

46歲黃浩然在拍攝電影《新紮師妹》時認識了當時擔任電影形象指導嘅莫家嘉(KaKa),而KaKa曾在電台訪問中透露,早於電影開拍前一年,佢舅父已想做媒人介紹雙方認識,但二人都覺得相睇太尷尬而婉拒。KaKa亦表示在參與電影工作初期,也未有被黃浩然吸引,但經過一番相處了解後,佢漸漸發現大家個性相投,最後決定展開交往。

黃浩然早在拍攝電影《新紮師妹》時結識了太太。Photo from 黃浩然 FB

黃浩然早婚,笑言對事業無咩影響

黃浩然曾笑稱太太係發現佢工作態度認真,待人溫柔才答應交往,而黃浩然則喜歡對方善良顧家。黃浩然同KaKa拍拖4年後於2005年結婚,男方當時30歲,喺圈中屬早婚之人。黃浩然稱自己係一名傳統人,認為人生除了事業就係家庭,兩者兼備才圓滿,而且佢都想有小朋友,所以搵到適合嘅人就結婚。佢亦笑言自己當年唔算大紅大紫,所以即使結婚對事業都唔會有太大影響「都冇嘢輸㗎啦!」

黃浩然自認傳統,又不認為早婚會對其事業有太大影響。Photo from 黃浩然 FB

太太家境顯赫

雖然黃浩然認為早婚對佢嘅演藝發展無咩影響,但當時都引起不少人關注其太太背景。莫家嘉係億萬馬主莫英儒嘅千金,外父為多家企業嘅董事長,相當猛料。據聞外父家住市值港幣過億元嘅九龍塘別墅,仲有多台豪華名車。二人婚後入住外父嘅千萬豪宅,正式榮升駙馬爺。兩夫婦現時育有兩子,一家四口生活幸福。

家庭拜年照可略略看到其家居環境相當闊落。Photo from 黃浩然 FB

黃浩然曾因健康停工,太太不離不棄

黃浩然2006年加入TVB後備受力捧,自2010年起佢擔正多套電視劇,更奪得「飛躍進步男藝員」獎項。不過,可以因為工作太頻密,黃浩然在2014年被確診患有免疫系統疾病「貝賽特氏症」,並需辭演剛接拍嘅新劇《張保仔》,更要停工休養一年。

黃浩然多年前出現健康問題,更需要停工一年養好身體。Photo from 黃浩然 FB

黃浩然被逼暫時放下事業,心情一定唔好受,但幸好佢太太對佢不離不棄,除了悉心照顧家庭,更擔任公關角色,代表老公回覆外界關心。所以黃浩然康復後都寧願減產,更珍惜與家人相處嘅時間。

KaKa在黃浩然生病時打理家頭細務,令老公可安心休養。Photo from 黃浩然 FB

太太曾被爆與男子親密照

兩夫妻雖然挺過健康危機,但到2018年又面對了另一問題。當年有人向傳媒發放長達19頁嘅告密信,更附上KaKa同一名男子嘅親密照,以及佢同該男嘅私訊圖,仲稱KaKa搞亂別人家庭。不過,黃浩然並無因此動搖,佢受訪回應時稱,嗰啲照片都係舊照,而照片內展示嘅行為屬朋友間正常舉動,並無不妥,佢又坦言唔認識照片內男子,但仍絕對信任太太,同時表示事件只係已過去嘅小問題。

即使有人大爆老婆黑材料,黃浩然都絕對信任太太。Photo from 黃浩然 FB

黃浩然不時在社交網放閃,早前亦上載了太太和家庭合照,慶祝結婚16周年,並寫道:「珍惜和你走過的每一天,我愛你!」真係幸福滿瀉~

黃浩然一番愛的宣言非常甜蜜~Photo from 黃浩然 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel