HKTVmall 18區送貨時間|3大措施補救送貨人手短缺!增餐廳臨時自取點

HKTVmall 18區送貨時間|3大措施補救送貨人手短缺!增餐廳臨時自取點

時事熱話 生活熱話
By Cassie Chan on 04 Mar 2022
Reporter / Anchor

第五波疫情嚴峻,不少商舖都縮短營業時間,甚至限制市民購買食品數量,大家多轉為網上購物。日前(3/3)HKTVmall上載公告,因為人手極為短缺,導致已付款訂單有機會被取消,引起大批網民湧入其官方Facebook鬧爆。HKTVmall最近回覆3大補救方案,會高薪增聘人手送貨,同時新增餐廳作臨時自取點。

網上超市品牌HKTVmall今日(3/3)宣布因人手極為短缺,畀咗錢嘅訂單都有機會被取消。Photo from HKTVmall

HKTVmall人手超短缺 顧客或被cut單

消息盛傳港府會因應全民檢測而實施禁足令,大批市民聽罷即湧到各區超市搶貨,所以近期有不少「貨架空空如也」照片在網上流傳。實體店無貨下,不少人即轉向網購。不過,知名網上超市HKTVmall貼出公告表示,由於疫情嚴重下訂單量同時急升,而確診及隔離個案都上升,即使全體員工已盡力維持運作,前線人手仍極之短缺,而供應商、物流夥伴嘅服務都有延誤或暫停,各種因素加上或將公佈「全民強制檢測」下,2月底開始陸續有少部份訂單因上述因素被迫取消及退款,為顧客帶來不便感到抱歉。

HKTVmall發出公告,向客人表示訂單有機會被cut嘅消息和原因。Photo from HKTVmall

顧客湧入官方專頁表達不滿

但好多受影響嘅客人則非常不滿,紛紛留言控訴官方各種送貨問題,例如「訂單遲遲唔送貨,到呢家仲有機會被cut單」,有顧客稱:「真係送到貨?送咗我嗰個先啦!2月15日落單,今日都送唔到!」,亦有人呻2月24日落單,原定3月5日送貨,豈料被官方取消整張訂單,「係有貨我先落到單,太過分了,我急住用啲日用品!」

顧客到HKTVmall FB page留言投訴訂單情況。Photo from HKTVmall FB

有人仲有兩日就送貨,豈料突然被官方cut單。Photo from HKTVmall FB

3大措施 補救送貨人手短缺

現今HKTVmall發表最新回覆,表示HKTVmall正面對前所未有的營運困難,確診人數急升,供應商亦因為人手問題未能供貨、物流夥伴服務亦被逼暫停。對於受影響客戶,官方表示感到非常抱歉,並公布3大措施,補救送貨人手短缺的問題。

現今HKTVmall公布3大措施,補救送貨人手短缺的問題。Photo from HKTVmall FB

1.加倍日薪招聘

截至3月2日,HKTVmall將會不計成本,加倍日薪招聘,目前已有36位新入職同事,望能加強派送服務。其實早前HKTVmall已發帖希望聘用大量兼職,個別職位日薪更高達2,000元。

目前已有36位新入職同事,望能加強派送服務。Photo from HKTVmall FB

2.新增餐廳作臨時自取點

另外HKTVmall亦會主動聯絡餐廳作臨時自取點,目前有11間已簽約,157間仍在商談中。

目前有11間已簽約,157間仍在商談中。Photo from HKTVmall FB

廣告
廣告

3.文職同事自願調派到倉工作 加強配貨服務

除了以上兩個措施外,文職同事將會以自願性質調派到貨倉工作,主要於貨倉協助行政等運作,減輕前線壓力。

 

文職同事自願調派到倉工作加強配貨服務。Photo from HKTVmall FB

每區平均送貨時間最多至21日

HKTVmall同時公布各區送貨、自取點提貨的等待時間。目前以沙田區的送貨時間最耐,長達最少21日才能送貨。港島區包括東區丶灣仔區亦需至少14至16日;另外包括元朗丶屯門丶大埔的送貨時間大概15日才能送貨。

HKTVmall亦於貼文中公布每區送貨時間,沙田區高達21日才能送貨。Photo from HKTVmall FB

即使於自取點取貨,不少區域要等10日,例如沙田丶西貢丶大埔及元朗區。

不少區域要等10日,例如沙田丶西貢丶大埔及元朗區。 Photo from HKTVmall FB

港島區包括東區丶灣仔區亦要14至16日;新界區包括元朗丶屯門丶大埔亦要15日才能送貨。Photo from HKTVmall FB

不少網民明白前線人手短缺,仍然會體諒漫長送貨時間,但最希望HKTVmall不會再Cut單。大家若想透過HKTVmall訂購日常用品,記得留意最新送貨時間!

不少網民明白前線人手短缺!Photo from HKTVmall FB

最重要是不突然取消訂單,仍然會體諒漫長送貨時間。Photo from HKTVmall FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel