大S老公具俊曄3千呎豪宅曝光!浴缸都望到漢江景!宋慧喬李秉憲都係鄰居

大S老公具俊曄3千呎豪宅曝光!浴缸都望到漢江景!宋慧喬李秉憲都係鄰居

娛樂新聞
By Cheryl on 10 Mar 2022
Digital Editor

大S徐熙媛再婚消息震驚亞洲,其韓藉老公具俊曄關注度瞬間暴升,雖然佢無大S前夫汪小菲咁有錢,但環境仍相當不錯,佢現居於首爾漢南洞最高級嘅地區,入住超過3千呎豪宅,而頂級韓星宋慧喬、李秉憲等都係鄰居。

具俊曄與大S徐熙媛閃婚消息一出,具俊曄隨即被網民起底,佢入住嘅豪宅亦都相當靚。Photo from 具俊曄 IG

具俊曄與母同住3千尺星級豪宅

出身於組合酷龍,52歲嘅具俊曄同母親同住在首爾漢南洞 UN Village 內一間豪宅,UN Village 環境清幽、私隱度高、交通方便,所以有好多明星居民,例如宋慧喬、李秉憲、李鍾碩等等。UN Village 面向漢江背靠南山,所以被指風水極佳。而其樓價亦相當高,入場費要2,470萬至3,860萬港元不等,外界估計具俊曄豪宅市值已超過2,750萬港元。

首爾漢南洞嘅「UN Village」吸引好多知名韓流明星入住。Photo from 地產網截圖

木系裝潢舒適清新

具俊曄曾在韓國節目《On & Off》中表示其豪宅面積約3,665呎,單係房間同洗手間都各有3間,真係唔驚唔夠用!豪宅內部以木色為主,富有清新樸素感,亦好有空間感。其客廳飽覽漢江景色,非常舒適。

客廳Photo from tvN

可欣賞漢江景色Photo from tvN

客廳連接飯廳,飯廳隔離就係廚房,節目中可見具俊曄同媽媽一起烹飪和用膳,相當溫馨。

廚房Photo from tvN

飯廳Photo from tvN

2個衣帽間別出心裁

具俊曄係時尚達人,不時在IG大曬穿搭照,所以佢睡房內除了擺有工作椅桌外,亦擺有不少衣服,並整齊地放置在大櫃中。房間內同樣可欣賞漢江景致。

睡房Photo from tvN

睡房都有唔少衣物Photo from tvN

廣告
廣告

身為時尚愛好者,屋內當然唔少得衣帽間。具俊曄有多達2個衣帽間,而2個衣帽間中間亦有一個空間,讓佢對著鏡子進行穿搭,非常有心思。

其中一個衣帽間Photo from tvN

2個衣帽間之間仲有穿搭空間。Photo from tvN

而洗手間嘅設計都好簡潔企理,亦可由窗觀看無敵江景。

浴室Photo from tvN

具俊曄抵台入住高級防疫酒店

另外,具俊曄日前已抵達台灣,並先入住防疫酒店,完成10天隔離後便可與大S見面。其入住嘅防疫酒店「瀚寓酒店」配套高級,每晚房租價亦不低,最平一晚需8,000至9,500元台幣(約2,200至2,620港元),具俊曄入住10天嘅話,便最少需付8萬台幣(約2.2萬港元)。

瀚寓酒店係台灣防疫酒店之一,裝潢高級。Photo from 瀚寓酒店官網

酒店房間內有微波爐、雪櫃、WiFi、獨力冷氣等設備應有盡有,更會為客人準備米芝蓮級美食,仲可以幫住客購買日用品、食物等,可謂豪華隔離體驗。

房價不便宜Photo from 瀚寓酒店官網

一晚房價超過2千港元。Photo from 瀚寓酒店官網

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel