日本節目介紹香港Donki盛讚呢樣嘢 大揭10大必買排行榜!

日本節目介紹香港Donki盛讚呢樣嘢 大揭10大必買排行榜!

生活熱話 電視電影
By Cheryl on 11 Mar 2022
Digital Editor

日本百貨店Don Don Donki於2019年登陸香港,自此成為本港購物熱點。有見及此,有日本電視節目就搵嚟居港日本人親身介紹香港Donki,大談與日本店嘅差別,以下即刻帶大家睇下日本人點睇啦!

最近,有日本電視節目為當地人介紹香港Donki。Photo from 《世界くらべてみたら》

日本節目介紹香港Donki

日本TBS電視台節目《世界くらべてみたら》最近介紹了Donki在香港嘅分店,當中搵嚟在香港居住了3年嘅日本人Riko擔任主持,帶拍攝組到位於荃灣西港鐵站上蓋,海之戀商場裡面嘅Donki。

居港日本人Riko帶觀眾進入海之戀商場內嘅Donki。Photo from 《世界くらべてみたら》

日本人對香港Donki歌感新奇

Riko首先介紹店內狂loop嘅廣東話版本Donki主題曲,更稱自己身為日本人,聽到呢個版本都覺得好新奇。

節目介紹香港分店會播放廣東話版Donki主題曲。Photo from 《世界くらべてみたら》

連日本人都對歌曲感到新奇~Photo from 《世界くらべてみたら》

香港分店比日本店更有空間感

Riko表示呢間分店佔地約2,500平方米,而且相比起日本店,佢大讚呢間香港分店空間感十足,佈置較整齊,又言香港Donki具備安心、安全、和美味三項優點。相比之下,日本Donki則比較凌亂,和狹窄擠逼。

海之戀分店佔地大約2500平方米。Photo from 《世界くらべてみたら》

裝潢富有空間感Photo from 《世界くらべてみたら》

片中亦可見海之戀Donki掛滿紙燈籠、彩帶、搖鼓等裝飾,令環境充滿日本夏日祭典氣色。

節目形容此間分店嘅裝飾好有夏日祭典氣色。Photo from 《世界くらべてみたら》

海之戀Donki無POP牌?

另外,Riko留意到一樣嘢,就係呢間香港分店內無日本有嘅手寫優惠資訊POP牌。佢就此向店長詢問原因,店長就解釋,因為香港分店追求時尚風格裝修,故此未有在店內擺POP牌。

圖中右下角為日本Donki有嘅POP牌。Photo from 《世界くらべてみたら》

零食名有縣府名字特別受歡迎?

廣告
廣告

店長又指,因為「日本都道府縣」在香港係一個品牌,而有縣府名字出現在零食名稱上,對香港顧客嚟講係一個誘因,客人會認為產品品質更有保證、更美味。所以店長特意設計期間限定嘅「熊本節」和「和歌山節」,專門售賣該地食品,結果成功吸引不少香港顧客購買。

有日本都道府縣名嘅產品都好受香港顧客歡迎。Photo from 《世界くらべてみたら》

仲有其他地方嘅特產。Photo from 《世界くらべてみたら》

香港Donki必買產品

節目亦提到香港Donki必買產品排行榜,排第一位係大金槍魚壽司,第二位係新鮮海膽,而第三位則為日清食品推出嘅腐皮烏龍麵,其餘則包括大拖羅刺身,2種番薯類產品、蒲燒鰻魚、燒烤和牛、大拖羅飯糰等。唔知大家又試過未呢?

節目列出在香港Donki嘅必買產品。Photo from 《世界くらべてみたら》

睇嚟大家都好愛識海膽。Photo from 《世界くらべてみたら》

第三位係日清食品推出嘅腐皮烏龍麵。Photo from 《世界くらべてみたら》

入面有好大塊腐皮。Photo from 《世界くらべてみたら》

香港擁首間Donki迴轉壽司店

最後,Riko為觀眾介紹連日本Donki都無嘅東西,就係香港擁有全球首間Donki迴轉壽司店,店內售賣約90種壽司及甜品,主打平價壽司,最平只需$12碟。節目嘉賓們都睇到相當好奇,相信如果將來有機會開關,不少日本人都會想來港一嘗Donki迴轉壽司~

呢間香港Donki仲設有全球首間Donki迴轉壽司店,唔知你又試過未呢?Photo from 《世界くらべてみたら》

內部環境Photo from 《世界くらべてみたら》

迴轉壽司店內有近百款壽司等食品。Photo from 《世界くらべてみたら》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel