陳凱琳大晒與弟弟童年照再掀熱議！媽媽親解混血樣貌之謎！鄭嘉穎童年照與仔仔超似樣？！

娛樂新聞

By Stephanie on 14 Mar 2022

Digital Content Writer

2013年港姐冠軍陳凱琳（Grace）憑深邃嘅五官，令唔少人都覺得佢外貌好似混血兒。日前，佢於IG上載童年時期嘅5張唔同階段嘅照片，再度引起網民熱議！而過往Grace媽媽曾經喺電台節目中大爆子女似混血兒可能同居住環境有關？！

Photo from 陳凱琳IG

現年30歲嘅陳凱琳（Grace）自從2018年同鄭嘉穎結婚後，已經大大減少於幕前工作，但依然活躍於社交平台。仲會經常大晒2位仔仔嘅可愛照片，一家四口幸福滿瀉～

Photo from 陳凱琳IG

# 大晒歷年來齊蔭髮型～

日前，陳凱琳於IG分享剪咗齊蔭新髮型，仲大晒自己歷年來嘅齊蔭造型。Grace細細個就已經眼仔碌碌，五官輪廓當時就已經非常精緻；而且同細佬樣貌好似，果然係雙胞胎啊～

Photo from 陳凱琳IG

後來，Grace就等到大約18歲嘅時候先再重新剪返齊蔭，相信當時嘅佢已經喺加拿大讀緊大學，樣貌同宜家差唔多！

Photo from 陳凱琳IG

# 因外貌與父母並不相似，多次引起熱議！

其實陳凱琳由參選港姐嘅時候，就已經被誤會係混血兒，而雙胞胎細佬Derek嘅外貌亦十分有異國風味；但就同大家姐Joyce睇落冇咁似。然而，二人嘅父母卻係擁有華人血統，而且外表亦冇咁似混血兒，令佢哋一家人經常都引起網民熱議！

Photo from 陳凱琳IG

Photo from CBNHK @Youtube

Photo from CBNHK @YouTube

# Grace媽媽曾透露外貌改變原因！

過往，Grace媽媽們Connie曾於電台節目《舊日的足跡》罕有地回應過子女樣貌嘅疑團。佢透露Grace同Derek剛出生嘅時候，皮膚白淨同大家姐Joyce一樣；直到二人14、15歲嘅時候突然變到眼大大、面尖尖，Derek仲開始長出鬍根！

Photo from 陳凱琳IG

# 可能同居住/飲食習慣有關？！

Connie仲大爆自己嘅媽媽係馬來西亞人，所以子女亦擁有部分亞裔樣貌。加上二人成長時期都喺加拿大，「佢哋細個鍾意戶外活動，又或者去加拿大讀書時，嗰度嘅食物好多荷爾蒙！」

Photo from 陳凱琳IG

Photo from CBNHK @YouTube

# Grace仔仔都眼大大超得意～

其實Grace嘅大仔Rafael同細仔Yannick 樣貌都非常得意，仲同Grace細個嘅可愛圓嘟嘟嘅面型有幾分相似㗎！不過有網民覺得大仔樣貌越大越似爸爸，但笑容就同Grace一樣；細仔嘅眼睛就比較似爸爸！

Photo from 陳凱琳IG

# 鄭嘉穎童年照曝光！

而鄭嘉穎就曾於拍攝電視劇《星空下的仁醫》海報時，罕有地喺證件中公開童年照片。雖然照片非常細，但都可以見到佢細個嘅時候都同Grace一樣眼大大，肉嘟嘟嘅面頰同仔仔們一模一樣～

Photo from TVB

相關文章：陳凱琳自爆迷戀鄭嘉穎夠靚仔！老公大感不滿：老咗唔靚仔咁點算？

相關文章：陳凱琳稱無諗過同鄭嘉穎結婚！自爆拍第一套劇即被老公睇中帶挈上位！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳凱琳鄭嘉穎何文田豪宅公開! 開放式廚房設備齊全/曝光老公模型收藏

10 Nov , 2021

鄭嘉穎同陳凱琳（Grace）結婚後誕下2個仔仔，非常幸福，兩人不時都會於IG上大晒溫馨家庭照。最近，陳凱琳就上載自己整甜品嘅影片，無意中令佢哋嘅豪宅內部曝光！

Photo from 陳凱琳IG

# 2018年結婚！

視帝鄭嘉穎同陳凱琳於2018年結婚，據悉佢哋係因為拍攝電視劇《殭》而擦出愛火。由於兩人相差22歲，所以一開始佢哋嘅感情都不被網民睇好，不過佢哋而家已經係圈中出名嘅「模範夫婦」之一。

Photo from 陳凱琳IG

Photo from TVB

# 大晒一家4口溫馨畫面！

兩人婚後育有2個可愛嘅兒子：大仔鄭承悅（Rafael）同細仔鄭承亮（Yannick），一家四口十分幸福！兩夫婦經常於IG上載家庭照，大晒幸福畫面，而2個仔仔嘅可愛樣貌亦獲網民大讚。

Photo from 陳凱琳IG

# 開放式廚房設備超多！

最近，陳凱琳就於內地社交平台「小紅書」上載自己整甜品「紅絲絨布郎尼」嘅影片，不過就無意中將自己嘅屋企曝光咗！從影片中所見，佢哋所居住嘅豪宅大多以簡約風格為主，而開放式嘅廚房就令屋內空間感更加大。廚房內嘅煮食設備非常齊全，攪拌器、超大嘅焗爐等，睇得出陳凱琳真係好鍾意煮嘢食～

Photo from 陳凱琳小紅書

# 公開鄭嘉穎玩具收藏公仔！

影片中就見到廚房對出就放置咗細嘅鞋架，而旁邊就有2隻Be@rbick玩具模型，相信應該係鄭嘉穎嘅收藏品～而呢款嘅玩具模型嘅價值都幾高㗎，其中「比卡超」模型係限量發售，並且係通過抽籤選出買家，原價只係$58,000日圓（約$4,000港幣），現時該玩具喺二手網嘅炒價已經逾$30,000，升值咗好幾倍！