80後、90後常用「老餅」網絡潮語,舊時代用語暴露年齡

80後、90後常用「老餅」網絡潮語,舊時代用語暴露年齡

時事熱話
By Jennifer on 25 Mar 2022
Digital Editor

年輕人不時會喺討論區使用唔同嘅網絡用語,但潮語「改朝換代」得非常快,有唔少曾經流行嘅網絡潮語依家已好少人再用,甚至已經被淘汰。有啲潮語依家已經成為「老餅」嘅象徵!

年輕人不時會喺討論區使用唔同嘅網絡用語Photo from TVB

1. Kai子

「Kai」係來自台灣國語中「凱」嘅發音。形容一件事「Kai」即表示呢件事好「無聊」、「可笑」等,例如「kai少陣啦你!」即指唔好再做啲無聊嘅行為。至於「Kai子」即係指人「傻傻哋」,不過依家已經好少人會用呢個潮語。

「Kai」係來自台灣國語中「凱」嘅發音。形容一件事「Kai」即表示呢件事好「無聊」、「可笑」等Photo from TVB

2. 見鬼勿O嘴,潛水怕屈機

原句出自2008年香港中學會考中國語文試卷五「綜合能力考核」,用咗當年嘅一啲「網絡潮語」,其中「O嘴」解驚訝到個嘴張大到好似英文字母「O」字咁,形容十分震驚;「潛水」即指喺網絡世界消失一段時間;「屈機」則代表利用不公平方式達到目的,引申成因為實力太強大而令他人無招架之力。

「O嘴」解驚訝到個嘴張大到好似英文字母「O」字咁Photo from ViuTV

呢幾個潮語現時已少咗喺網絡上出現,不過都未至於被淘汰,仍然有人會用。

「屈機」則代表利用不公平方式達到目的,引申成因為實力太強大而令他人無招架之力。Photo from TVB

3.吾系甘牙

呢啲被認為係「MK仔、MK妹」先會用嘅火星文,但依家已成為回憶,年輕一代已好少再用呢啲火星文打字。

「吾系甘牙」被認為係「MK仔、MK妹」先會用嘅火星文Photo from TVB

4. 886

以粵語或普通话讀「886時,會出現類似「拜拜囉」嘅音調,意思等於「再見」。年輕人玩online game同朋友對話時會使用,但依家好少見以數字代替文字。

以粵語或普通话讀「886時,會出現類似「拜拜囉」嘅音調,意思等於「再見」。Photo from 886

5. 囧

「囧」字因為字型似委屈八字眉嘅人樣,有人以呢個字表示尷尬、無奈、委屈、頂唔順嘅意思。

「囧」字因為字型似委屈八字眉嘅人樣,有人以呢個字表示尷尬、無奈Photo from TVB

6. 十卜

都係「火星文」嘅一種,係英文「support」嘅諧音字。以前網民喺討論區回覆帖文時經常用「十卜」表示支持。

以前網民喺討論區回覆帖文時經常用「十卜」表示支持。

7. chok

形容人耍帥、扮有型。曾經有唔少網友以「chok樣」形容林峯,亦可以形容人影相時特登擺出引人注目嘅表情或pose。

形容人耍帥、扮有型。曾經有唔少網友以「chok樣」形容林峯Photo from TVB

8. 好𤓓

「𤓓」形容做咗一啲尷尬嘅事而感到丟架,不過依家真係好少聽到。

「𤓓」形容做咗一啲尷尬嘅事而感到丟架Photo from TVB

9. 嘔電

代表覺得某事物好厭煩,可以用「攞命」代替。

「嘔電」都好少人用Photo from TVB

10. 去wet

意指「去玩」或「去蒲」,wet有出去吃喝玩樂嘅意思,不過近年已經好少再出現。

wet有出去吃喝玩樂嘅意思Photo from TVB

11. 鬼馬

用嚟形容人「古靈精怪」,其實多數有正面意思。

用嚟形容人「古靈精怪」Photo from 鬼馬雙星

12. 爆seed

有「爆發潛能」嘅意思,起源係動畫《機動戰士GUNDAM SEED》嘅男女主角,喺緊急關頭時會引發佢哋內在嘅力量,主角眼前就會有代表佢哋能量嘅「種子」爆發,從而打敗敵人,「爆seed」亦因而引申成「一瞬間爆發潛力」。

「爆seed」有「爆發潛能」嘅意思,起源係動畫《機動戰士GUNDAM SEED》Photo from TVB

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《尋人記》「雙失青年」阿源已成人夫!阿舜、凱婷等網友最想搵話題人物近況公開!

13 Apr 2021

TVB《尋人記》由方東昇、黃曉瑩、黃靖婷及李曉欣主持,開播後大獲好評,節目成功搵返80、90年代經典新聞人物引起關注,有網友希望可以搵返幾位話題人物,現身了解一下近況。

TVB《尋人記》由方東昇、黃曉瑩、黃靖婷及李曉欣主持,開播後大獲好評Photo from TVB

《尋人記》開播以嚟話顯不斷,節目搵返「大家姐」倩儀、「肥仔」成栢熙、「電腦神童」Louie Chan、「校草」偉約瑟等,喚起唔少觀眾昔日嘅回憶。

《尋人記》開播以嚟話顯不斷Photo from TVB

節目播出後有唔少網民討論最想搵到嘅經典新聞人物,其中呼聲最高嘅莫過於曾出演《星期日檔案》嘅「雙失青年」阿源。

曾出演《星期日檔案》嘅「雙失青年」阿源。Photo from YouTube

「阿源」全名梁文源,2005年得22歲嘅佢接受訪問,中學畢業後一直搵唔到工,平日又唔出門只留喺家中,成當年「隱蔽青年」嘅典型代表。

網友想搵返阿源Photo from LIHKG

佢喺節目中金句百出,「我覺得自己係零」、「這些機會不是屬於我的」至今仍為人津津樂道,甚至成為網絡潮語。2013年曾有媒體採訪阿源近況,佢已經搵到嘢做,曾做過社區青年中心助理、香港大學圖書館管理員,更同相識8年、拍拖5個月嘅女友結婚。阿源又不忘再爆金句:「做男仔梗係要 cool,唔可以做兵!」

「阿源」全名梁文源,2005年得22歲嘅佢接受訪問Photo from YouTube

「這些機會不是屬於我的」Photo from YouTube

除咗阿源之外,仲有其他人選:凱婷、阿舜等。其中「凱婷」係出於網絡上一篇潮文,樓主指中一女仔入面最壞嘅就係佢同凱婷,嘲笑另一位同學連續食兩支煙都做唔到,根本唔算壞學生,之後就引申出「壞過凱婷」嚟指責人好壞或諷刺人扮壞。

「凱婷」係出於網絡上一篇潮文Photo from LIHKG

連登有自稱係同一間中學嘅同學嘅網友公開咗凱婷真身,樓主透露凱婷依家已結咗婚,仲生埋女升呢做媽媽。

連登有自稱係同一間中學嘅同學嘅網友公開咗凱婷真身Photo from LIHKG

樓主透露凱婷依家已結咗婚,仲生埋女Photo from LIHKG

「阿舜」2001年上《都市閒情》唱「娃娃愛天下」一曲成名,主要係因為佢詭異唱功同奇特舞姿,加上「MK」造型而引起討論區網民嘅關注。佢於比賽後銷聲匿跡,多年嚟有唔少網友想得知阿舜近況,阿舜2015年出席活動,再唱首本名曲《娃娃愛天下》,佢留咗長髮,不過外貌變化不大。

「阿舜」2001年上《都市閒情》唱「娃娃愛天下」一曲成名Photo from TVB

奇特舞姿Photo from TVB

阿舜2015年出席活動,再唱首本名曲《娃娃愛天下》Photo from YouTube

阿舜《娃娃愛天下》2015版:

另外有網民想搵返打風下嘅小學生,當時掛8號風球,學校提早放學,有小學生接受訪問時表現興奮,表示有好多功課做:「希望聽日10號風球、雷暴警告、黑色暴雨警告加龍捲風!」

有網民想搵返打風下嘅小學生Photo from LIHKG

時掛8號風球,學校提早放學,有小學生接受訪問時表現興奮Photo from TVB

「希望聽日10號風球、雷暴警告、黑色暴雨警告加龍捲風!」Photo from TVB

小學生遇上打風嘅心聲:

除咗新聞人物外,仲有網民表示想知「生命滿希望」嘅四眼仔近況如何,佢喺廣告中嘅句子「打波先嚟落雨,唔通連個天都唔中意我」、「其實落雨又有咩好怕喎!」成為經典,近年有報道指佢參加健美比賽,與舊日「四眼仔」形象截然不同!

「生命滿希望」嘅四眼仔Photo from YouTube

近年有報道指佢參加健美比賽Photo from Eric Cheng Facebook

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel