又一間主題餐廳！全球首間Hello Kitty中菜軒登錄香港啦～呢次仲同布甸狗一齊合作！

全球首間Hello Kitty中菜軒登錄香港啦！以天然、健康同有機原則，每日製作出色彩繽紛、匠心獨韻嘅Hello Kitty粵式點心同埋精緻小菜，身為Hello Kitty迷嘅你，唔知朝聖咗未呢？
Photo from PressLogic

呢間中菜軒地點好方便，就係佐敦。金紅色嘅門，外貌已經好靚，入面環境更加古典！好難想像係佐敦可以搵到一間咁古色古香又可愛嘅餐廳。依加7月份Hello Kitty仲同布甸狗Cafe一齊聯手推出活動，同時間可以享用中、西菜式！真係好吸引！
Photo from PressLogic

Hello Kitty加埋布甸狗嘅甜品，好可愛～唔捨得食都要搶先打卡！2個好朋友萌到7月底，齊齊變成中式點心！小編最喜愛Hello Kitty個流沙奶皇包，輕輕一拉開流沙餡澎湃地湧出嚟，奶皇味道出眾並帶有蛋黃香，熱辣辣超級美味啊！
Photo from PressLogic

仲有Hello Kitty布甸狗星夜乘涼飯，炸蝦丸熱辣辣好香口～再淋上一層番茄雞絲汁，真係無得輸！不過小編較喜愛佢用麵粉炸過嚟個底～卜卜脆！
Photo from PressLogic

除咗Hello Kitty同布甸狗嘅甜品會係呢段特別嘅時期推出外，平日都可以食到好多可愛嘅Hello Kitty點心～呢個大大個嘅Hello Kitty包，真係好適合用嚟做生日蛋糕！Photo from PressLogic
打開個kitty頭，內裡有三個小包，唔同口味！小編覺得如有朋友生日，用嚟做生日蛋糕就最啱不過啦～
Photo from PressLogic

令小編覺得最驚喜嘅係Hello Kitty爆炸炒飯 ，雖然外表就唔太討好，但加堆唔同口味嘅爆炸糖，食落口飯同糖一齊係口腔爆炸嘅感覺都幾有趣！

餐廳仲有好多好精緻嘅點心～～～而且周圍都係打卡位，喜歡Hello Kitty嘅朋友仔唔好錯過啦～
Photo from PressLogic

呢間餐廳咗一段時間，唔知你幫襯過未！？！而同布甸狗個合作，就只宣傳到月底！仲有半個月～快D齊齊約你嘅好朋友嚟打卡啦～

地址：佐敦廣東道332-338號利來洋樓A至C地舖（港鐵柯士甸站 F 出口, 步行約3分鐘）
電話：2375 8077／8202 8203

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）