袁嘉敏疑不滿鍾培生與女星來往爆內幕?林作出售對話紀錄賺錢被鬧爆

袁嘉敏疑不滿鍾培生與女星來往爆內幕?林作出售對話紀錄賺錢被鬧爆

娛樂新聞
By Jennifer on 04 Apr 2022
Digital Editor

袁嘉敏早前連環爆料斥鍾培生,兩人關係撲朔迷離。有指袁嘉敏之所以咁嬲係為咗鍾培生爭風呷醋,不滿佢同另一女星來往,於是大爆料。另一方面林作就喺IG公開出售同袁嘉敏嘅對話紀錄,被袁嘉敏直指「這種男人也真悲哀」。

袁嘉敏早前連環爆料斥鍾培生父子,兩人關係撲朔迷離Photo from 袁嘉敏 IG

鍾培生承認有向袁嘉敏提供經濟支持

雖然鍾培生發文指因為性格不合早就無再同袁嘉敏見面,但佢承認的確有向袁嘉敏提供經濟支持。而袁嘉敏亦極速回應,表示有收過錢:「他自己堅持要畀,全部是他主動提議。」

鍾培生發文指因為性格不合早就無再同袁嘉敏見面,但佢承認的確有向袁嘉敏提供經濟支持Photo from 鍾培生 IG

林作晒對話紀錄抽水賺錢惹袁嘉敏不滿

袁嘉敏又爆自己當鍾培生係細佬咁,唔止陪對方練拳,仲幫佢改伴郎份講稿,兩人關係非常密切!與此同時同鍾培生甚有淵源嘅林作亦喺Facebook公開與袁嘉敏嘅對話紀錄,並表示:「本人已和飛離香港的袁小姐取得聯繫。欲知對話內容,請DM本人。位位5舊。本人只接受PayMe / 轉數快。」

袁嘉敏又爆自己當鍾培生係細佬咁,唔止陪對方練拳,仲幫佢改伴郎份講稿,兩人關係非常密切Photo from 袁嘉敏 IG

同鍾培生甚有淵源嘅林作亦喺Facebook公開與袁嘉敏嘅對話紀錄Photo from 林作 IG

林作:「本人已和飛離香港的袁小姐取得聯繫。欲知對話內容,請DM本人。位位5舊。本人只接受PayMe / 轉數快。」Photo from 林作 Facebook

其後林作再晒一個轉帳紀錄:「你地係咪痴線架!搞到我成晚都冇訓過!收錢收到手軟」,又指收$500太少。袁嘉敏不忿被林作擺上台,喺IG Story怒斥對方,佢稱自己提供唔少拳賽免費門票畀林作,但林作為$500就出賣朋友:「這種男人也真悲哀」。

林作再晒一個轉帳紀錄:「你地係咪痴線架!搞到我成晚都冇訓過!收錢收到手軟」Photo from 林作 IG

袁嘉敏不忿被林作擺上台,喺IG Story怒斥對方Photo from 林作 IG

袁嘉敏指林作為$500就出賣朋友:「這種男人也真悲哀」。Photo from 袁嘉敏 IG

袁嘉敏稱曾與鍾培生關係要好

袁嘉敏曾表示唔會再回應事件,但有關爆料涉及嘅人越嚟越多,除咗陳詩欣老公外,再有一名女星都與事件有關?!

袁嘉敏曾表示唔會再回應事件Photo from 袁嘉敏 IG

有指袁嘉敏之所以咁嬲,全因佢同鍾培生喺去年感情要好,袁嘉敏亦提及過鍾培生事無大小都同佢傾訴,又聲稱對方主動打電話同佢傾心事「叫我每個電話收返他錢」。

袁嘉敏提及鍾培生事無大小都同佢傾訴,又聲稱對方主動打電話同佢傾心事「叫我每個電話收返他錢」。Photo from 袁嘉敏 IG

有傳袁嘉敏不滿鍾培生與葉蒨文來往

但兩人嘅關係卻從未公開,傳袁嘉敏不滿鍾培生與女星葉蒨文(Sophie)來往甚密,一同出席公開活動,於是一怒之下大爆料?而葉蒨文就承認同鍾培生識咗好多年,但並非單獨出席活動,而係成班人一齊去。

傳袁嘉敏不滿鍾培生與女星葉蒨文(Sophie)來往甚密,一同出席公開活動,於是一怒之下大爆料?Photo from 葉蒨文 IG

葉蒨文就承認同鍾培生識咗好多年,但並非單獨出席活動,而係成班人一齊去。Photo from 葉蒨文 IG

葉蒨文更喺IG Story大晒與男友合照放閃,慶祝拍拖4周年,雖然無公開到男友正面,但力證自己與男友感情穩定!

葉蒨文喺IG Story大晒與男友合照放閃,慶祝戀愛4周年Photo from 葉蒨文 IG

袁嘉敏否認收鍾培生近百萬經濟緩助

袁嘉敏被指獲鍾培生「經濟支持」,報道稱每次都有一筆可觀嘅進帳,合共收取近百萬!袁嘉敏否認有關傳聞,直言收嘅錢數目好少,不值一提。佢曾喺IG Story表示佢多次拒絕收錢,只係鍾培生堅持要畀。

袁嘉敏被指受鍾培生「經濟支持」,報道稱每次有一筆可觀嘅進帳,合共收取近百萬!Photo from 鍾培生 IG

袁嘉敏否認有關傳聞,直言收嘅錢數目好少,不值一提Photo from 袁嘉敏 IG

袁嘉敏曾喺IG Story表示佢多次拒絕收錢,只係鍾培生堅持要畀。Photo from 袁嘉敏 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

鍾培生承認有「資助」袁嘉敏,女方再爆料稱鍾培生堅持畀錢佢使

2 Apr 2022

「性感女星」袁嘉敏突然喺IG Story連環出post鬧爆「百億富三代」鍾培生父子!鍾培生發文承認有提供經濟支持,但表示早已斷絕來往。袁嘉敏再度爆料指係鍾培生堅持畀錢,當中更提及陳詩欣老公?

「性感女星」袁嘉敏突然喺IG Story連環出post鬧爆「百億富三代」鍾培生父子Photo from 袁嘉敏 IG

袁嘉敏突發文鬧爆鍾培生父子

現年37歲嘅袁嘉敏突然喺IG連環post Story,更點名鬧爆鍾培生父子!鍾培生身為「百億富三代」,家族背景顯赫,但似乎同袁嘉敏無咩交集,鍾培生之前為爸爸慶祝生日,更晒出一家三口嘅合照,估唔到事隔兩星期,袁嘉敏突然repost鍾培生為父慶祝嘅IG post,並怒斥佢兩父子!

鍾培生之前為爸爸慶祝生日,更晒出一家三口嘅合照,估唔到事隔兩星期,袁嘉敏突然repost鍾培生為父慶祝嘅IG post,並怒斥佢兩父子Photo from 鍾培生 IG

鍾培生身為「百億富三代」,家族背景顯赫,但似乎同袁嘉敏無咩交集Photo from 鍾培生 IG

袁嘉敏指自己好少公開講人哋唔好嘅嘢,但佢直言「Derek and Terence Cheung」都係壞人,之後袁嘉敏又晒出一個寫咗「鍾」字嘅利是封,佢以英文表示自己向來都會發現到其他人嘅優點,但有時見到啲人咁自私佢會好失望。

袁嘉敏指自己好少公開講人哋唔好嘅嘢,但佢直言「Derek and Terence Cheung」都係壞人Photo from 袁嘉敏 IG

袁嘉敏又晒出一個寫咗「鍾」字嘅利是封Photo from 袁嘉敏 IG

透露與鍾家相處一年兼包三餐?

袁嘉敏大爆:「One year with the Cheung, what a nightmare」!疑透露佢哋已相處一年,令唔少網民大為吃驚!佢又大晒一張花園照,但疑似係喺鍾培生淺水灣5層逾萬呎豪宅,地磚十分相似,袁嘉敏表示:「Thank you for all the breakfast, lunch and dinner, and all the wine.」感謝對方提供嘅早午、晚餐同紅酒,最後佢感嘆可能係以前欠咗佢哋。

袁嘉敏大爆:「One year with the Cheung, what a nightmare」!疑透露佢哋已相處一年Photo from 袁嘉敏 IG

袁嘉敏大晒一張花園照,但疑似係喺鍾培生淺水灣5層逾萬呎豪宅,地磚十分相似

袁嘉敏表示:「Thank you for all the breakfast, lunch and dinner, and all the wine.」Photo from 袁嘉敏 IG

鍾培生承認曾向袁嘉敏提供經濟支持

呢3個IG Story一出即掀起網友熱議,網民紛紛猜測袁嘉敏同鍾培生嘅關係,袁嘉敏曾指唔會再回應事件,又表示鍾培生曾有「奇怪要求」。事隔一日鍾培生喺facebook發文回應事件,承認有向袁嘉敏提供經濟支持。

呢3個IG Story一出即掀起網友熱議,網民紛紛猜測袁嘉敏同鍾培生嘅關係Photo from 鍾培生 IG

鍾培生喺facebook發文回應事件,承認有向袁嘉敏提供經濟支持。Photo from 袁嘉敏 IG

不過鍾培生表示因為性格不合,舊年年中已經無再見面。佢又稱「袁小姐」多次要求更多經濟援助,但被佢拒絕,今次事件引起唔少誤會令佢決定要公開澄清。

鍾培生表示因為性格不合,舊年年中已經無再見面。佢又稱「袁小姐」多次要求更多經濟援助,但被佢拒絕Photo from 鍾培生 Facebook

袁嘉敏IG再出post稱鍾培生堅持畀錢佢

雖然袁嘉敏曾指唔會再回應事件,但喺鍾培生發文後佢再次post IG story反駁,佢直指鍾培生所言並非事實,袁嘉敏表示對方的確曾經畀過錢,但佢指:「 他自己堅持要畀,全部是他主動提議。」又話曾經拒絕收錢,但鍾培生成日打電話同佢傾心事「 叫我每個電話收返他錢」。

雖然袁嘉敏曾指唔會再回應事件,但喺鍾培生發文後佢再次post IG story反駁Photo from 袁嘉敏 IG

袁嘉敏表示對方的確曾經畀過錢,但佢指:「 他自己堅持要畀,全部是他主動提議。」Photo from 袁嘉敏 IG

稱當鍾培生係細佬,提及陳詩欣老公

袁嘉敏仲話當鍾培生係細佬,一直都好支持佢,連對方唔識打拳都陪佢練拳。袁嘉敏又提到鍾培生嘅朋友陳先生,話對方結婚時鍾培生擔任伴郎,連份講稿都係袁嘉敏幫佢改內容同陪佢練習,袁嘉敏提及嘅「陳先生」相信係藝人陳詩欣嘅老公。

袁嘉敏仲話當鍾培生係細佬,一直都好支持佢Photo from 鍾培生 IG

袁嘉敏稱連鍾培生唔識打拳都陪佢練拳。Photo from 袁嘉敏 IG

袁嘉敏又提到鍾培生嘅朋友陳先生,話對方結婚時鍾培生擔任伴郎Photo from 袁嘉敏 IG

袁嘉敏指份伴郎講稿都係佢幫鍾培生改內容同陪佢練習Photo from 袁嘉敏 IG

袁嘉敏提及嘅「陳先生」相信係藝人陳詩欣嘅老公。Photo from 陳詩欣 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel