雷莊𠒇代表香港出戰選美比賽三甲不入！冠軍來自印尼竟神似馬賽？
雷莊𠒇（Juliette Louie）近日再次參加國際選美大賽「Miss Face of Humanity」，佢連日嚟都公開拉票，而決賽結果日前出爐，雷莊𠒇未能入選三甲，而來自印尼嘅佳麗則奪得冠軍，冠軍更神似香港人熟悉嘅選美出身女星馬賽（現名馬菀迎）？！
雷莊𠒇代表香港再戰選美比賽
雷莊𠒇2017年參加香港選美大賽更成為雙料冠軍，佢卸任後就返加拿大發展，但日前佢喺IG公開多張相，原來佢事隔5年代表香港再度參加選美，競逐「Miss Face of Humanity」！
雷莊𠒇嘅競爭對手嚟自世界各地，包括美國、印尼、墨西哥、泰國、法國等，決賽日前於多倫多舉行。結果出爐，曾經勇奪香港選美大賽雙料冠軍嘅雷莊𠒇好可惜三甲不入，不過佢獲得第四名。
雷莊𠒇晒男友合照放閃
比賽結束後雷莊𠒇更公開與男友貼面照，感謝男友喺佢參賽以嚟對佢嘅支持。雷莊𠒇同男友仲開設咗情侶專屬放閃帳號，雷莊𠒇男友係意大利葡萄牙混血兒，佢哋嘅情侶IG喺2020年5月份開設，放咗佢哋唔少合照。
雷莊𠒇喺IG發表感言指香港喺國際舞台上並非好有名嘅競爭者，但佢好榮幸可以帶領家鄉打入「Top 4」。
選美比賽冠軍印尼佳麗神似馬賽？
雖然雷莊𠒇未能入選前三，但賽後佢喺IG大晒合照，並留言：「forever in my heart」，相中雷莊𠒇同其他佳麗攬攬，睇嚟呢次比賽佢哋感情好好，「友誼第一，比賽第二」
當晚決賽季軍係美國小姐、亞軍係嚟自盧旺達嘅代表、冠軍則係印尼佳麗。代表印尼嘅Nadia Tjoa有一頭清爽短髮，佢同馬賽仲有幾分相似添！
馬賽2019年結婚，移居內地
現年34歲嘅馬賽（馬菀迎）2008參加香港選美比賽奪得季軍及「最上鏡小姐」，自2016年起佢將事業發展重心轉移至內地，2019年初馬賽宣佈與圈外內地男友結婚，同年6月誕下女兒Camellia，婚後專心相夫教子。
更多相關文章
最上鏡小姐雷莊𠒇再參加選美比賽！5年對比照公開成焦點
31 Mar 2022
曾於2017年參加選美並獲得雙料冠軍嘅雷莊𠒇（Juliette Louie）當選後並未留港，而係返加拿大發展，更有意進軍荷李活。日前佢喺IG公開個人照，原來佢再度參加選美大賽，今次代表香港出戰，佢呼籲大眾為佢投票。
選美冠軍雷莊𠒇卸任後返加拿大
喺加拿大出生嘅雷莊𠒇自細於溫哥華成長，佢2017年參加香港選美大賽，決賽當晚獲DoDo姐鄭裕玲最後一票支持擊敗何依婷，佢同時獲「最上鏡小姐」，成當年雙料冠軍。
不過佢奪冠後非議不斷，有唔少網民指佢同歷屆冠軍相比唔算最靚，但雷莊𠒇一於少理，又表示唔在乎他人點睇佢。雷莊𠒇卸任後未有留喺香港演藝圈發展，而係決定返加拿大。
事隔5年代表香港再度參加選美比賽
佢曾指有意進軍荷李活，雖然至今仍未見到佢喺荷李活演出嘅作品，但憑藉IG都可以了解到佢喺加拿大嘅生活。
最近雷莊𠒇喺IG公開一張個人照，仲戴上后冠，原來佢事隔5年代表香港再度參加選美，競逐「Miss Face of Humanity」！雷莊𠒇又表示佢以前參加選美以5號佳麗身份奪冠，今次佢嘅號碼為「555」，有齊3個幸運數字。
兩次選美個人對比照
雖然已過去5年，雷莊𠒇同初次參選嘅時候分別唔大，似乎仍狀態大勇。從選美比賽嘅官方IG可見雷莊𠒇嘅競爭對手嚟自世界各地，包括美國、印尼、墨西哥、泰國、法國等，決賽將於4月2日舉行。
雷莊𠒇外型無咩點變，不過佢參選「Miss Face of Humanity」嘅妝容就明顯有分別。雷莊𠒇IG除咗有參選嘅宣傳照，更有唔少同男友嘅放閃相片。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
