download HolidaySmart 假期日常 app
應采兒大晒8歲兒子Jasper近照!4大嚴格育兒規矩再掀熱議:教不好只會讓自己丟臉?

應采兒大晒8歲兒子Jasper近照!4大嚴格育兒規矩再掀熱議:教不好只會讓自己丟臉?

娛樂新聞
By Stephanie on 07 Apr 2022
Digital Content Writer

陳小春應采兒嘅大仔Jasper(陳胤捷)過往曾出演內地綜藝節目《爸爸去哪兒5》,乖巧陽光嘅性格,深得網民喜愛~不過隨住年紀增長,Jasper出現於幕前嘅次數都越來越少;近日應采兒罕有地公開佢嘅近照,隨即引起熱議!

陳小春應采兒一家四口非常幸福~Photo from 應采兒微博

# Jasper過往出演《爸爸去哪兒5》大獲好評!

陳小春與應采兒於2010年結婚,育有兩名兒子:大仔Jasper及細仔Hoho,兩夫婦不時會上載溫馨家庭照~過往陳小春曾帶同Jasper出演真人騷《爸爸去哪兒5》,兩父子搞笑嘅互動成為亮點,而唔少網民都認為Jasper性格安靜乖巧,深得大眾喜愛。然而,Jasper亦因為長大而甚少再出現於幕前。

應采兒與陳小春於2010年結婚,並育有2名兒子!Photo from 應采兒微博

Jasper出演《爸爸去哪兒5》嘅時候,獲得唔少網民嘅喜愛!Photo from 《爸爸去哪兒5》

# 即將9歲Jasper近照公開,越大越似爸爸!

近日,應采兒罕有地公開親自幫Jasper剪頭髮嘅短片,仲寫上「家庭魔髮屋開始接單」。從影片中所見,應采兒身穿黑色休閒服,手持專業剪刀為仔仔理髮;而Jasper就圍上白色「理髮袍」安靜咁坐定定等待。網民們都忍唔住將焦點放咗落即將9歲嘅Jasper身上,認為佢樣貌比以前大個咗好多,感覺比以前更加沈穩,仲越來越似爸爸~

仲親自為Jasper剪頭髮!Photo from 應采兒抖音

應采兒近日罕有地公開Jasper近況!Photo from 應采兒抖音

# 對媽媽的理髮成果感到滿意!

之後,應采兒大顯身手非常熟練咁幫仔仔 gel頭,而Jasper亦於鏡頭前單眼「放電」,似乎幾滿意媽媽為佢設計嘅新造型呢~

應采兒為Jasper用髮膠Gel頭~Photo from 應采兒抖音

而Jasper就單眼望向鏡頭,似乎非常滿意~Photo from 應采兒抖音

# 應采兒曾於節目分享育兒心得!

其實夫婦二人近年主要北上發展,經常參與唔同嘅內地綜藝節目。應采兒同袁詠儀曾出演《童言有計2》,分享獨有嘅育兒心得。其中應采兒坦承唔太鍾意將小朋友交俾長輩們照顧,認為好容易出現過分溺愛嘅現象,寵壞小朋友!

應采兒認同由長輩照顧小朋友,容易出現溺愛嘅情況!Photo from 《童言有計2》

並於節目中分享自己嘅湊仔經~Photo from 《童言有計2》

# 不願意讓長輩湊小朋友?!

過往,應采兒嘅爸爸曾經詢問Jasper「今天想食飯或麵?」,卻反而令應采兒感到生氣,覺得唔應該太遷就小朋友「這裏不是餐廳,有什麼吃什麼!」 ,袁詠儀亦表示非常贊同呢種管教方法~

應采兒嘅爸爸過往會先詢問Jasper想食飯或麵,先開始下廚!Photo from 《童言有計2》

應采兒對此感到不滿,認為唔應該過分遷就小朋友!Photo from 《童言有計2》

# 非常重視兒子的餐桌禮儀!

注重小朋友餐桌禮儀嘅應采兒亦指出「長幼有序」嘅禮儀:當一家人於圓桌上進餐時,長輩俾小朋友先夾餸;但應采兒堅持並同仔仔講「我等,我們可以等」,教導仔仔必須等長輩開始進食先能夠動筷!

長輩有時候會先讓小朋友夾餸Photo from 《童言有計2》

不過,應采兒教導兒子一定要俾長輩先夾餸菜,而且要等佢哋進食後先能夠食飯!Photo from 《童言有計2》

# 認為基本禮儀十分重要!

而且,應采兒仲叮囑Jasper「餸菜轉過來時,如果是最後一塊,你也不能吃!」主持人不禁詢問「會不會太多規矩了?」,佢立刻反駁「這是基本禮儀」!

應采兒認為小朋友嘅基本禮儀非常緊要!Photo from 應采兒IG

# 曾禁止Jasper打遊戲機!

應采兒多年前下令年紀尚輕嘅Jasper唔準打機,而Jasper就發揮創意,自己利用紙箱假裝螢幕「上面畫上超級馬里奧」,並假扮正在打機嘅畫面,令佢身邊嘅朋友都講笑咁話好心酸!台灣藝人王子(邱勝翊)曾表示陪Jasper打機,但就大爆「有位嚴母不讓兒子玩遊戲 放了段Video讓我們假玩,但Jasper一直都覺得是真的。心疼他」

應采兒過往曾禁止Jasper打遊戲機,Jasper就自製遊戲螢幕!Photo from 《童言有計2》

邱勝翊曾大爆應采兒播放遊戲影片,俾佢哋兩個扮玩,但Jasper並唔知情!Photo from 邱勝翊微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

傳陳小春應采兒夫婦豪擲過百萬改名轉運!北上掘金賺人仔,身價達5億!

29 Oct , 2021

現年54歲嘅陳小春應采兒結婚超過10年,佢哋一家參加咗內地唔少綜藝節目,人氣勁高。近日有傳媒報道陳小春夫婦搵咗為羅子溢、楊茜堯改名嘅改名大師陳咢魁幫佢哋改名,更指已辦理好身份證等。

現年54歲嘅陳小春同應采兒結婚超過10年,佢哋一家參加咗內地唔少綜藝節目,人氣勁高。Photo from 陳小春微博

陳小春同兒子Jasper上《爸爸去哪兒》後人氣急升

陳小春同應采兒婚後育有陳胤捷(Jasper)、Hoho兩子,一家四口近年長居內地。陳小春同大仔Jasper參加《爸爸去哪兒》後人氣急升,真人騷一套接一套。

陳小春同大仔Jasper參加《爸爸去哪兒》後人氣急升,真人騷一套接一套。Photo from 應采兒微博

喺內哋唔准未成年小朋友出演真人騷節目後,陳小春同Jasper原本將再度出演嘅《爸爸去哪兒》第六季亦未能播出。不過陳小春最近參加《披荊斬棘的哥哥》,人氣再次急升。

陳小春最近參加《披荊斬棘的哥哥》,人氣再次急升。Photo from 應采兒微博

傳陳小春與老婆應采兒花過百萬改名轉運

喺內地賺唔到盤滿缽滿嘅陳小春同應采兒似乎對人生有更高追求。近日有報道指陳小春夫妻有見羅子溢(原名:羅仲謙)、楊茜堯(原名:楊怡)夫婦改名後事業、家庭都變得更好,亦打算效法。

羅子溢(原名:羅仲謙)、楊茜堯(原名:楊怡)夫婦改名後事業、家庭都變得更好Photo from 楊茜堯 IG

有指陳小春夫婦豪花過百萬,搵咗為羅子溢、楊茜堯改名嘅堪輿學家陳咢魁出手:陳小春(原名:陳小臻)改名做「陳泰銓」;原名丁文嘅應采兒則改名做「陳丁冉兒」,更指兩人已辦理好身份證等手續。

有指陳小春夫婦豪花過百萬,搵咗為羅子溢、楊茜堯改名嘅堪輿學家陳咢魁出手,陳小春(原名:陳小臻)改名做「陳泰銓」;原名丁文嘅應采兒則改名做「陳丁冉兒」Photo from 應采兒微博

陳小春夫婦近年北上掘金賺人仔

其實陳小春夫婦近年北上發展賺唔少,應采兒曾表示陳小春喺第一次約會帶佢去食牛腩麵,當時甚至仲要搭枱,但陳小春手上擁有唔少物業。

應采兒曾表示陳小春喺第一次約會帶佢去食牛腩麵,當時甚至仲要搭枱Photo from 芒果TV

陳小春手上擁有唔少物業。Photo from 陳小春微博

陳小春2012年花約$3,000萬買樓,之後再豪擲$7,000萬購入3,800呎相連單位,兩項物業已升值不少。

陳小春2012年花約$3,000萬買樓,之後再豪擲$7,000萬購入3,800呎相連單位,兩項物業已升值不少。Photo from 陳小春微博

陳小春參加《披荊斬棘的哥哥》等各種綜藝,料身家達5億

加上參演親子綜藝節目《爸爸去哪兒5》令佢哋一家人爆紅,綜藝邀請接踵而來,有傳其出演一集綜藝嘅身價高達180萬人民幣,保守估計陳小春身家已達5億!

參演親子綜藝節目《爸爸去哪兒5》令陳小春一家人爆紅,綜藝邀請接踵而來Photo from 陳小春微博

有傳其出演一集綜藝嘅身價高達180萬人民幣,保守估計陳小春身家已達5億!Photo from 陳小春微博

有內地網民表示不解:「賺的錢還不夠多嗎?」、「命這麼好了還改名字轉運?」,但亦有人認為佢哋本來都係用藝名,改下真名都無咩影響。

有內地網民對陳小春夫婦改名表示不解Photo from 微博

內地網民:「賺的錢還不夠多嗎?」Photo from 微博

內地網民:「命這麼好了還改名字轉運?」Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel