復活節酒店大餐優惠快搶攻略！$98起歎北歐Brunch/自助餐仲有遊戲玩！

By Cheryl on 11 Apr 2022

Digital Editor

今個復活節，係時候出去食返餐好！TapNow為大家精選了多款酒店餐飲優惠套票，等大家今個假期可以食到高質大餐，食勻海鮮拼盤、中西式美饌及甜品，仲有小童優惠添！以下即睇優惠詳情~

Photo from TapNow

#FINDS復活節限定【Brunch早午餐/兒童套餐】

尖沙咀香港帝樂文娜公館內嘅FINDS餐廳新推復活節限定【Brunch早午餐】優惠，$299即可享用一系列北歐式美食，套票除了包括復活節精選拼盤、湯、沙律、酸種麥包外，更提供4選1主菜選項，款式有：燴波士頓青口、慢煮美國牛肋骨、蜂蜜焦糖香烤火腿、西芹及菠菜苗意大利燴飯；而甜品方面，就有清新香甜嘅椰子芒果幕斯配芒果果凍，更以精緻復活蛋造型示人，好有節日氣氛~ 而場內咖啡或茶都包無限添飲，另加$150更可享2小時無限添飲葡萄酒及啤酒！另外，套票仲包復活節碰蛋遊戲，等大家enjoy最高節日樂趣~

Photo from TapNow

套票同時設有兒童方案(只適用於4-11歲兒童)，只需$98就歎得，套餐已包自家製雪糕伴新鮮雜果、及果汁1杯，亦提供3選1主菜，菜式包括：香煎挪威三文魚柳、自家製牛肉及豬肉肉丸、肉醬意粉，套餐仲附送繪製復活節彩蛋，而餐具都非常繽紛可愛，小朋友一定鐘意~

Photo from TapNow

套票優惠適用時間為：4月9至10日、15至18日及23至24日下午12時至2時30分供應，真係要把握機會快啲訂位喇！相關詳情請即進入>>>預訂網址<<<查看。

Photo from TapNow

#歷山酒店【午市冰鎮海鮮拼盤】

海鮮迷召集！位於炮台山嘅歷山酒店推出【午市冰鎮海鮮拼盤】優惠，只需$268/位(連加一)即可堂食享用新鮮拼盤，歎齊生蠔、雪蟹腿、紐西蘭青口、小龍蝦、新鮮海螺、凍熟蝦，配以雞尾酒醬和蔥油醋汁大開胃口，而每份冰鎮海鮮拼盤仲送氣泡酒一杯，非常chill~

Photo from TapNow

享用美酒與海鮮同時，客人亦可在酒店充滿維多利亞風格嘅大堂打卡影靚相！套餐供應時段為星期一至星期日 12:00PM-6:00PM，優惠期到今年6月30日截止，快啲約埋親朋好友，即到>>>預訂網址<<<訂位啦！

Photo from TapNow

#歷山酒店【復活節假期早午自助餐】

復活節大餐又多個選擇！歷山酒店推出【復活節假期早午自助餐】優惠，低至每位$313起(連加一)，即可享受豐富餐飲及玩樂活動，設成人和小童方案，自助餐提供多元菜式任食，包括各式冰鎮海鮮、雜錦壽司及刺身、慢煮特級肉眼牛扒、蜜糖黃梅醬焗無骨火腿、各種中式、西式及亞洲美饌，例如：愛爾籣燉羊肉、蘇格蘭夾心蛋、薑葱彩椒帆立貝等等，應有盡有，仲有多款新鮮出爐甜點和蛋糕、無限暢飲果汁、咖啡及茶供應，超飽肚包滿足！

Photo from TapNow

套票仲會提供復活節油彩蛋及填色遊戲，等大家過一個充滿美食與快樂嘅復活節~ 優惠期由即日起至4月18日，座位有限，先到先得，真係要快啲進入>>>預訂網址<<<訂位先得！

Photo from 歷山酒店 Facebook

Photo from TapNow

#歷山酒店【半自助午餐】

歷山酒店仲有推出【半自助午餐】優惠，只需$238起(連加一)，即可在餐廳優雅環境裡享用午市半自助餐，當中可自選一款主菜，款式超多，有份西式或中式選擇，例如：炭燒美國肉眼牛扒 (紅酒汁或黑椒汁)、香煎盲槽魚柳配白酒牛油汁、和牛芝士漢堡包、瑪嘉烈水牛芝士薄餅或辣肉腸車打芝士薄餅等；蒜香鵝肝牛柳、碧線蛋黃蝦球、家香蓮藕餅等等，梗有一款啱口味。