拯救溶妝面!教你4招化出清爽夏日妝容,對抗汗水同油脂有辦法!

拯救溶妝面!教你4招化出清爽夏日妝容,對抗汗水同油脂有辦法!

Style 時尚風潮Beauty 美妝
By PressLogic on 21 Jul 2017

夏天條街成30幾度,出一出戶外已經留哂汗,辛辛苦苦化咗個靚妝,一秒就溶哂幾痛苦!唔通真係要放棄化妝?唔好咁灰~~小編教你4招對抗汗水同油脂,等你個妝可以保持一整日!

Pinterest
Photo from Pinterest

使用保濕乳液

Pinterest
Photo from Pinterest

夏天總係偏愛清爽嘅護膚品,滋潤保濕乳液就會放返入櫃,等秋冬再拎出嚟用。其實保濕乳液有一定保濕度,可以防止粉餅或者碎粉等粉狀化妝品甩妝。特別長期留係冷氣房,就會出現內乾外油情況,其實係肌膚底層缺水呀~~~

利用粉狀化妝品

Pinterest
Photo from Pinterest

滿面汗水同油脂,容易沾上空氣中嘅污糟野同細菌,暗粒暗瘡隨之而來呀!所以夏天可以使用粉餅或者粉底霜,代替比較滋潤嘅粉底液。化完你會發現感覺清爽好多,仲唔會油光滿面添呀!

減少化妝品用量

Pinterest
Photo from Pinterest

夏天化妝,一字記之曰:「少!」減少浮粉或甩妝最有效方法,就係唔好層疊多層化妝品,上輕薄底妝加重點遮瑕即可。化妝時由中心搽向外,臉部側邊用量係最少,反而可以呈現陰影效果。

眼妝只用眼線筆

Pinterest
Photo from Pinterest

一到夜晚就甩哂眼妝變熊貓眼?用一條眼線去完成眼妝吧!使用「防水防油」眼線筆將睫毛之間嘅空隙填滿,記住唔好重覆畫,只會越畫越粗,幼細眼線最適合不過!你仲可以用少少碎粉印係眼尾,咁就唔怕甩妝啦~~

Pinterest
Photo from Pinterest

夏天放棄誇張多層次眼妝,我地可以將重點集中係唇妝上面,鮮豔顏色岩哂夏日又睇落格外精神!

小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

Holiday長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!

Follow Instagram: holiday.presslogic


Share to Facebook