55歲劉玉翠移居廣州後「唔捨得走」,近況被讚保養得宜!入行32年不受重用!為健康而改名?

55歲劉玉翠移居廣州後「唔捨得走」,近況被讚保養得宜!入行32年不受重用!為健康而改名?

娛樂新聞
By Stephanie on 25 Apr 2022
Digital Content Writer

女藝人劉玉翠現時已經將事業重心轉移返內地,早前佢為咗健康宣佈改名為劉喬方,希望藉此轉運。宜家長居廣州嘅佢成日都同大家分享佢嘅日常生活,而佢亦非常滿足於現狀,大讚廣州嘅好處「完全唔捨得走」!

劉玉翠現時已經移居廣州居住,仲令佢嘅情緒病穩定下來?!Photo from 劉玉翠微博

劉玉翠一入行就獲獎!

劉玉翠於1990年出道,一入行就出演電影《廟街皇后》「阿Yan」一角,仲因此而獲得《第10屆香港電影金像獎》「最佳新人獎」以及「最佳女配角」殊榮,同時獲提名《第37屆金馬獎》「最佳女配角」,一下子就聲命大噪!

劉玉翠曾同時榮獲香港金像獎「最佳新人」以及「最佳女配角」嘅獎項!Photo from 有線電視

劉玉翠獲獎後就簽約成為大台藝人!Photo from 劉玉翠微博

卻不受電視台重用?!

其後劉玉翠簽約成為大台旗下嘅藝人,有份參與唔少電視劇拍攝,包括:《天龍八部》、《包青天》、《鹿鼎記》等。然而,佢並冇因為演技獲得肯定而備受重用,反而經常被安排出演配角角色,變成大家都熟悉嘅綠葉演員!

劉玉翠於電視劇《天龍八部》飾演阿紫,為人熟悉!Photo from 《非常靜距離》

可惜佢卻不受力捧,經常獲分配成為配角Photo from 《鹿鼎記》

曾插足樂壇,但最終放棄成為歌手

另一邊廂,劉玉翠亦嘗試向歌手之路發展,於1992年與新藝寶唱片簽約,先後推出過3張個人專輯。佢本身沙啞嘅聲線亦成為佢嘅個人特色,1993年佢香港電台頒發「最有前途新人獎(女)」銅獎,前途似乎無可限量,但佢次年就宣佈同唱片公司滿約,並決定專心演戲。

劉玉翠曾短暫地以歌手身份出道!Photo from 《流行經典50年》

拍攝《皆大歡喜》時患上抑鬱症!

劉玉翠曾於內地節目中自爆2003年患上抑鬱症,當時成年都只係拍攝一部電視劇《皆大歡喜》,但過程就並唔愉快「我演的角色讓我覺得是可有可無的,但其實公司是很看重我的」,仲坦承薪水算高;但就覺得角色冇挑戰性,而令佢開始懷疑自己嘅價值,陷入低潮之中!

劉玉翠當年拍攝《皆大歡喜》時患上抑鬱症!Photo from 劉玉翠微博

身體頻頻出現問題

直到2011年,劉玉翠約離巢並轉投HKTV,可惜HKTV最終不獲發牌,於2013年離開;而佢亦堅拒重返TVB!情緒壓力大嘅佢仲患上咗濕疹「皮膚問題蔓延到氣管,愈嚟愈嚴重。」即使多次向中醫或者西醫尋求幫助都未能解決問題,仲搞到內分泌失調,身體狀況不如以前,而佢為咗改運將名字改為劉喬方。

劉玉翠曾於內地清談節目分享患上抑鬱症嘅經歷!Photo from 《我是演說家》第2季

劉玉翠於2020年宣佈改名叫劉喬方!Photo from 有線電視

近年移居廣州長住

幸好,劉玉翠暫時停止演藝工作,並經過多番嘅醫學治療及身心靈課程後獲得改善。近年佢仲搬往廣州居住,仲出演內地節目分享自己嘅心路歷程,現時佢生活寫意,經常同朋友聚會,並上載至社交平台同網民分享。唔少網民都大讚佢保養得非常好,狀態大勇!睇嚟保持心境開朗真係好重要~

劉玉翠當時憑著藥物以及心理療法,成功戰勝病情!Photo from 有線電視

最近佢就上載同惠英紅見面嘅合照~Photo from 劉玉翠微博

大讚廣州2大優點!

日前,劉玉翠接受內地媒體訪問,大談移居內地後嘅各種好處「我親戚都喺廣州,廣州係我屋企嘅根嚟嘅!」,仲大讚廣州科技發展繁榮,只係天氣方面變化較大,直呼「我唔捨得走喇」!

大讚廣州科技發展高端!Photo from 微博

劉玉翠暢談居住廣州嘅好處!Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

47歲劉綽琪憔悴近照曝光!丈夫父親相繼離世!自細身世坎坷但依然積極面對!

9 Mar , 2022

港姐出身嘅藝人劉綽琪已經淡出幕前多年,但經常喺社交平台上分享自己嘅日常生活。然而,呢幾年嘅經歷令佢一度陷入低潮,身邊嘅親人都不幸離世,仲因此而患上人格障礙症。最近佢上載嘅自拍近照,就顯得非常憔悴,令網民都非常擔心!

劉綽琪已經淡出幕前多年,但最近佢嘅自拍近照引起網民關注!Photo from TVB

# 劉綽琪參選港姐出身

47歲嘅劉綽琪1997年以本名參選港姐而入行,隨後簽約成為TVB藝人,主要出演電視劇以及主持清談節目,知名度尚算唔錯。2006年,佢曾經轉投亞洲電視,並以主持健康節目《康健DNA》而為人熟悉。直到2008年佢因為照顧病重嘅爸爸而去美國,有份參與好萊塢製作,拍攝短片以及廣告!

1997年,劉綽琪以本名劉依清參選港姐!Photo from TVB

當年劉綽琪嘅龜苓膏廣告深入民心~Photo from 養和堂廣告

# 丈夫及父親接連病逝!

2015年,劉綽琪於FB公開與外籍男友結婚消息,事實上丈夫當時已經發現患有淋巴癌,但佢選擇陪伴對方走過人生最後一段路,而丈夫亦於婚後2年不幸逝世!2018年佢回流返港,曾接受傳媒採訪嘅時候提及父親剛離世消息,但依然積極面對人生,表示自己已欣然接受事實,習慣一個人嘅生活。

劉綽琪2015年與外籍男友結婚,但2年後丈夫因病去世!Photo from TVB

# 自拍近照公開,面容瘦削!

日前,劉綽琪於IG罕有地上載自拍照。只見相片中嘅佢身穿吊帶背心,長髮披散,但面容瘦削,神情憔悴,狀態似乎大不如前!唔少網民都紛紛留言表示擔心,而佢就回覆仲想減多幾磅,並解釋喺用咗萬聖節filter先顯得面色蒼白,感謝網民關心。

劉綽琪最近嘅自拍面色蒼白,狀態似乎唔係咁好,令網民擔憂!Photo from 劉綽琪IG

劉綽琪回應網民只係filter嘅效果,感謝網民關心~Photo from 劉綽琪IG

# 曾患人格障礙症

2019年,劉綽琪因知識產權問題與律師發生紛爭鬧上法庭,當時佢喺庭外接受訪問時自爆患上人格障礙症,每日都要食藥,精神狀況不佳。之後,佢就甚少再公開露面,十分低調,又難怪網民會擔心佢!

曾患上人格障礙症,需要每日服藥,情緒不穩定!Photo from 劉綽琪IG

# 童年經歷坎坷!

自小就經歷父母離異嘅劉綽琪,小時候大部分時間都同母親相依為命。喺佢14歲嗰年,母親卻因為陷入人生低潮而選擇離開人世,令當時目擊情況嘅佢大受打擊!後來,佢曾於節目中提及事件,但就坦承「的確影響咗我嘅性格,但我唔想再喺過時過節覺得唔開心。」

劉綽琪14歲嘅時候失去母親,令佢受到打擊!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel