李嘉欣11歲囝囝罕有公開母子甜蜜合照!同爸爸似餅印?1年前已開始進軍YouTube界

李嘉欣11歲囝囝罕有公開母子甜蜜合照!同爸爸似餅印?1年前已開始進軍YouTube界

娛樂新聞
By Stephanie on 28 Apr 2022
Digital Content Writer

李嘉欣與富商許晉亨婚後育有一名兒子許建彤(Jayden),隨住仔仔年紀漸長,李嘉欣已經甚少公開兒子嘅正面照。最近,現年11歲嘅Jayden罕有地於IG上載與媽媽嘅甜蜜合照,而佢眼仔碌碌嘅模樣亦同媽媽有幾分相似~

李嘉欣與許晉亨婚後育有一名兒子,不知不覺仔仔今年就11歲喇!Photo from 李嘉欣IG

李嘉欣與許晉亨育有一名兒子

「大美人」李嘉欣於2008年與富商許晉亨結婚,並於2011年誕下兒子許建彤(Jayden),一家三口非常幸福~而李嘉欣婚後亦淡出娛樂圈,專心相夫教子,不過近年佢已經鮮少公開仔仔樣貌。

李嘉欣於2008年與富商許晉亨結婚!Photo from 李嘉欣IG

2011年誕下兒子許建彤JaydenPhoto from 李嘉欣IG

11 歲Jayden公開母子溫馨合照

日前,Jayden於IG罕有上載與媽媽李嘉欣嘅甜蜜合照。只見母子二人溫馨對望,仲抱住超可愛嘅小狗,幸福感爆棚!睇得出母子之間嘅感情非常好~

最近,Jayden於IG上載同媽媽嘅甜蜜合照~Photo from jjfrostyyt @ IG

盡得父母真傳~

Jayden盡得媽媽真傳,擁有超大嘅眼睛,眼仔碌碌十分精靈;加上佢樣貌乖巧,再配上圓形黑框眼鏡,同爸爸許晉亨就更加相似喇~

Jayden同媽媽一樣眼大大~Photo from 李嘉欣IG

戴咗眼鏡嘅佢仲同爸爸許晉亨好似添!Photo from jjfrostyyt @ IG

經營YouTube頻道

現年11歲嘅Jayden同現今嘅年輕人一樣,鍾意打遊戲機。上年佢仲開始經營自己嘅YouTube頻道,分享打機日常、拍攝ASMR影片等,非常貼合宜家嘅潮流!而佢仲自行設計咗頻道嘅Banner,非常專業~

Jayden仲有拍攝過流行嘅ASMR影片Photo from JJFrosty @ YouTube

而YouTube banner亦經過佢嘅精心設計Photo from JJFrosty @ YouTube

以「打機」分享影片為主

喺大部分嘅影片中,Jayden都以一口流利英語講解,而且亦會切換到遊戲畫面,令唔少遊戲迷都大讚「專業」~最近嘅一條片,Jayden就教導大家自製搓手液。

Jayden主要以拍攝打機分享嘅影片居多Photo from JJFrosty @ YouTube

最近佢就上載一條自製搓手液嘅短片。Photo from JJFrosty @ YouTube

李嘉欣曾表示覺得仔仔未來會從商?

過往Jayden曾經跟隨父母一起出席公開活動,當時嘅佢亦表現淡定,被指擁有做「星二代」嘅潛質;不過李嘉欣當時回應仔仔記憶力強、讀書成績好,認為從商似乎比較適合「想佢做生意!」

李嘉欣曾表示覺得Jayden將來比較適合做生意,而並非入娛樂圈。Photo from 李嘉欣IG

自小成績優異,多才多藝

身為獨生子嘅Jayden一直都備受父母愛戴,曾就讀傳統名校拔萃男書院附屬小學,自小學業成績就非常好。除此之外,李嘉欣亦培養佢嘗試各式各樣嘅運動,包括:溜冰、乒乓球、高爾夫球等,希望幫仔仔尋找喜歡嘅興趣,達到學業加私人時間都分配平衡!

Jayden獲父母愛戴,而佢自小學業成績就非常好!Photo from 李嘉欣IG

李嘉欣悉心栽培Jayden,俾佢學習唔少課外活動,包括騎馬。Photo from 李嘉欣IG

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李嘉欣大晒巴黎初次約會相!結婚13年依然超恩愛!今年初因心臟問題進院?

16 Feb , 2022

「大美人」李嘉欣同富商許晉亨婚後依然非常恩愛,經常大晒二人合照~日前,李嘉欣就上載同丈夫喺巴黎鐵塔前初次約會嘅照片,令唔少網民都不禁再次感嘆佢年輕時期嘅美貌!

李嘉欣元宵節公開與丈夫初約會照片~Photo from 李嘉欣IG

# 李嘉欣婚後幸福美滿~

現年51歲嘅李嘉欣喺2008年同富商許晉亨結婚,二人育有一子許建彤(Jayden),一家三口非常幸福!婚後淡出幕前嘅李嘉欣亦好注重保養,所以身材同樣貌都依然keep得唔錯~

李嘉欣2008年與許晉亨結婚Photo from 李嘉欣IG

二人婚後育有一名兒子Jayden!Photo from 李嘉欣IG

# 公開與丈夫巴黎初次約會照片!

日前,李嘉欣喺IG大晒同丈夫初次喺法國巴黎約會時嘅照片,大晒恩愛羨煞旁人!由照片中所見,二人喺巴黎鐵塔前甜蜜咁攬住大家合照,而且當時嘅佢地都非常年輕,就連網民都忍唔住大讚佢哋感情甜蜜~

李嘉欣大晒與丈夫初次喺巴黎約會嘅照片~Photo from 李嘉欣IG

# 經常上載放閃照~

二人結婚至今已經13年,不過李嘉欣都經常會同丈夫合照,並上載到IG放閃!

過往李嘉欣都經常喺IG放閃!Photo from 李嘉欣IG

即時李嘉欣非常有型咁大擺pose,丈夫都會好配合佢一齊影相~Photo from 李嘉欣IG

# 今年初緊急入院!

今年1月初,李嘉欣就因為突然身體不適,而被緊急送院急救48小時!佢後來受傳媒訪問時透露係同先天性心臟結構問題有關,好彩及時發現並進院,否則後果不堪設想。

李嘉欣今年1月嘅時候突然緊急入院!Photo from 李嘉欣IG

據悉係同佢先天性心臟結構有關係!Photo from 李嘉欣IG

# 李嘉欣康復後,外型消瘦不少!

康復後嘅李嘉欣亦有同朋友聚會,精神亦似乎恢復返唔少!但有眼利嘅網民就見到佢外型似乎消瘦咗好多,攞起酒杯嘅左手骨瘦如柴,令網民感到擔心不已!

李嘉欣康復後似乎瘦咗好多!Photo from 李嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel