台灣超夢幻小山造型生乳雪糕捲 絕美配色混搭口味

台灣超夢幻小山造型生乳雪糕捲 絕美配色混搭口味

美食推介
By Moon Lam on 29 Apr 2022
Digital Content Writer

台灣甜品店「kinber 金帛手製」以多款創意生乳雪糕捲累積唔少人氣,近日更加推出母親節限定新品,分別係薰衣草x藍莓,草莓x蜜桃x抹茶口味,每種配色、外形都超吸睛!原來店鋪主打唔同款式小山造型既甜品,今次就為大家介紹店入面既人氣產品!

台中超人氣打卡熱點

「kinber金帛手製」位於台中精誠五街巷弄入面,店面由日式老屋改造而成,走日系小清新風,令人覺得非常舒適~但原來雪糕捲入面其實唔係雪糕,而係生乳製成既內餡,但係口感就好似雪糕咁綿密,可以雪完拎出黎即刻食又或者退凍後再食,有兩種食法,仲會因應節日時令推出限定產品,無論本地人定遊客都當呢到打卡聖地架!

kinber金帛手製店面係日系清新風,感覺好chill呀Photo from IG@kinber_made

人氣首推不同口味雪糕捲

最多人食既當然係主打既生乳雪糕捲,除左抹茶、香蕉朱古力、檸檬等等經典口味,連台灣阿里山鐵觀音味都有,佢地仲會視乎節日同時令推出新口味既產品,例如今次母親節推出既就係「水波煙紫的湖畔」,以薰衣草配合藍莓製成!另一款「綠籬笆的春天」就係草莓吉士、蜜桃草莓同抹茶既組合,每款都可以食到唔同層次既味道~加埋蛋糕外層,口感好豐富呀!

母親節限定! 媽咪收到仲唔甜爆Photo from IG@kinber_made

網民最推頭3經典口味! 鐵觀音、抹茶、檸檬Photo from IG@kinber_made

聖誕節限定! 聽講每季都有唔同口味推出架Photo from IG@kinber_made

經典之選「第五種乳酪」蛋糕

如果只鍾意雪糕捲既內餡,都有得揀!將小山成座拎返出黎就係「第五種乳酪」啦!以特濃北海道cream cheese製成,同樣有兩層味道混搭,又唔會太甜太膩,不知不覺就食哂!

巧克力莓果第五種乳酪 酸酸甜甜好滋味Photo from IG@kinber_made

山形夾心撻 一口一個送禮超適合

將蛋糕外層換成撻底,加上慕絲同生乳餡呢個組合又夾到另一種口感,加上細細一件,小山形狀非常精美,非常適合買黎送比人呀!

廣告
廣告

夾心餡料有時仲會加入堅果粒或者水果乾增加口感Photo from IG@kinber_made

爆紅絕非單靠外表

由2014年開業,係台灣擁有高人氣絕對唔止因為佢地獨家既山形外表,佢地選用天然優質既食材,甚至同台灣茶葉cross over,每一種配搭都經過研究,先做到甜而不膩令人想成日食既甜品,去到就算隨便揀一款都唔會中伏~去到台灣唔止要食仲一定要帶手信返黎呀!

2019年已經憑賣相簡單既抹茶芋泥捲爆紅一波Photo from IG@kinber_made

台灣媒體紛紛報導 人氣不減Photo from kinber金帛手製 官網

 

kinber金帛手製
地址:台中市西區精誠五街14號
官網:https://www.kinbermade.com/

更多【美食推介】請按此

相關文章:

相關文章:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel