download HolidaySmart 假期日常 app
Cammi謝熙婷晒6位數閃爆鑽戒 堅稱自行購買 自爆投資失利仍合資開養生館

Cammi謝熙婷晒6位數閃爆鑽戒 堅稱自行購買 自爆投資失利仍合資開養生館

娛樂新聞
By Cheryl on 03 May 2022
Digital Editor

Cammi謝熙婷(原名:謝芷蕙)生活富貴,不少人都好奇佢嘅致富之道。近日,佢在IG曬出價值6位數字嘅鑽戒,雖然佢大爆自己買股票蝕唔少,但仍透過其他投資搵銀,又透露自己剛同朋友合資開了養生館!

Cammi不時炫富,近日佢就曬出一隻鑽戒,並堅稱係自己購買嘅生日禮物。Photo from Cammi謝熙婷 IG

Cammi曬巨鑽戒指

日前,Cammi在個人IG上載一幅搶眼巨鑽戒指照,有網民大讚好閃,被問到係咪男友送嘅禮物,Cammi就稱係自己買畀自己嘅生日禮,價錢方面,佢直言:「未到6位數字中」,又表示其實鑽石都唔係好大粒,只係橢圓形款式比較顯大而已。

Cammi最近為自己買了一直6位數巨鑽戒指作生日禮物。Photo from Cammi謝熙婷 IG

靠內地商演賺錢開舖

Cammi跟粉絲進行「你問我答」,好多人都對佢嘅賺錢方法感興趣,有人問佢如何賺到第一桶金和如何投資,Cammi就坦言:「第一桶金嘅定義係咩?目前我仲未搵到。」佢透露自己以往經常到內地登台商演「基乎每日都係大陸做嘢」,之後開設服裝店、淘寶同批發店,佢指當中都有啲投資係蝕錢,而近年就主力做網店、買股票等等。

Cammi表示以前靠內地商演賺錢開舖。Photo from Cammi謝熙婷 IG

Cammi不時在IG大曬到餐廳食好嘢照片。Photo from Cammi謝熙婷 IG

與朋友合資開養生館

佢表示之前私底下有投資過朋友店舖,最後冇賺冇蝕就離場,現時嘅佢又有新搞作,就係同朋友夾份投資了一間養生館,有網民想知當中有邊啲拍檔,但Cammi就回應:「其他Partner就唔方便講啦,佢哋都好少玩社交媒體。」

Cammi不便樓梯其他投資拍檔身份。Photo from Cammi謝熙婷 IG

根據Cammi轉載嘅帖文,佢有份投資嘅養生館位於中環區,主打按摩、美睫和蒸腳等個人護理保養服務,現場環境都主打舒適柔和路線,並設有多張按摩床和椅子。

廣告
廣告

養生館空間闊落Photo from Cammi謝熙婷 IG

養生館環境Photo from Cammi謝熙婷 IG

自爆買股票蝕錢

被問到有咩嘢值得投資,Cammi笑言:「首先係自己」,再透露佢最近買咗日圓同虛擬貨幣,亦承認有買股票,不過近兩年買股票蝕嘅錢都足夠佢買多幾個鱷魚皮手袋,又坦言:「有啲仲揸緊但暫時唔敢再買。」

Cammi透露有投資日圓和虛擬貨幣。Photo from Cammi謝熙婷 IG

Cammi自爆投資股票蝕了不少。Photo from Cammi謝熙婷 IG

亦有網民關心賺錢以外嘅嘢,該網民表示經常見到一啲關於Cammi嘅負面報道,但認為佢一直做自己,大讚佢喺叻女,對此,Cammi都話會繼續努力工作,以及分享日常和自己喜愛嘅事物,可見佢生活多姿多彩,相信大家都會繼續見到Cammi嘅富貴生活。

Cammi一直強調自己有努力工作。Photo from Cammi謝熙婷 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel