download HolidaySmart 假期日常 app
傳沈月將以藝名「Ayla」於韓國出道?!出席時裝秀髮型+妝容被網民批評,改名背後原因公開!

傳沈月將以藝名「Ayla」於韓國出道?!出席時裝秀髮型+妝容被網民批評,改名背後原因公開!

娛樂新聞
By Stephanie on 04 May 2022
Digital Content Writer

「最美星二代邱淑貞大女兒沈月憑甜美外表獲網民大讚,近年仲成為廣告界嘅新寵兒。最近,佢喺韓國出席時裝活動,仲同多位韓流明星合照,獲韓國媒體大幅報導!據悉,佢仲即將以藝名「Ayla」於韓國出道,引起熱議!

「最美星二代」邱淑貞大女沈月備受網民關注!Photo from 沈月IG

沈月近年深受廣告商青睞

「一代性感女神」邱淑貞嘅20歲大女兒沈月獲得媽媽真傳,憑甜美樣貌獲得大眾關注,唔少網民都大讚佢同媽媽氣質相仿!近年,佢亦獲得唔少時裝品牌嘅青睞,經常獲邀拍攝畫報以及廣告等,仲盛傳佢有意發展成為演員。

沈月現時只係20歲,但事業似乎非常順利~Photo from 沈月IG

沈月經常都獲邀為時裝品牌等拍攝畫報或廣告Photo from 沈月IG

獲邀於韓國出席時裝秀

近日,沈月於IG上載一連串出席時裝品牌活動嘅照片,原來佢宜家正身處韓國。當中獲邀出席嘅都係當紅嘅韓流明星:BLACKPINK成員Jisoo、南柱赫、丁海寅等,而佢亦有與藝人們合照留念。人脈超廣嘅佢仲表示同男團EXO成員世勛以及模特特兒Irene Kim久別重逢,就連喺韓國都有好多朋友~

原來沈嘢宜家喺韓國首爾,仲獲邀出席多個時裝秀~Photo from 沈月IG

而佢仲同唔少韓流明星打卡!Photo from 沈月IG

網民批評服裝+妝容太成熟!

不過,有網民就認為沈月今次嘅妝容同服裝同佢嘅年齡不符,太過成熟嘅打扮反而唔太適合佢「差啲唔認得佢」、「點解會變成咁」等留言。

網民就認為沈月嘅服裝同妝容都唔適合佢?!Photo from 連登討論區

仲有網民覺得佢樣貌有少少唔同咗?!Photo from 沈月IG

大家又點睇呢?Photo from 沈月IG

有傳即將於韓國出道?!

而沈月現身時裝秀嘅照片亦獲得多個韓國媒體報導,不過佢哋就大多以「Ayla(아이라)」稱呼佢。有傳佢已經留咗喺韓國長達2個月,仲即將於韓國出道,引起熱議!

沈月原來已經留咗喺韓國2個月,仲參加咗首爾時裝周!Photo from 沈月IG

改新藝名「Ayla」背後原因

據悉,沈月最近開始使用新藝名「Ayla」嘅原因係因為同內地人氣女演員撞名;為咗日後嘅演藝發展,最終決定放棄使用本名!而本身曾經諗過要進軍內地市場嘅佢,亦因此而暫時卻步。

沈月會突然改藝名「Ayla」係因為同內地女演員撞名!Photo from 沈月IG

內地女演員沈月本身人氣都好高,所以有傳Ayla先暫緩返內地發展嘅計畫!Photo from 沈月微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

沈月坦承成功全靠媽媽邱淑貞協助?!曾獲邀參加巴黎名媛舞會,超強人脈認證!激罕公開素顏

6 Apr , 2022

被譽為「最美星二代」嘅邱淑貞大女兒沈月(Ayla)近日成為唔少時裝品牌嘅新寵兒,佢過去受訪時就公開感謝媽媽,認為能夠成功有賴媽媽幫助;而佢嘅人脈亦十分廣泛,以往仲獲邀參加「巴黎名媛舞會」,認識唔少國際名人!早前,適逢兒童節佢就上載兒時照片,網民們都覺得佢小時候就氣質非凡,仲比較似媽媽~

沈月對於被稱為「最美星二代」而感到感恩,人脈廣泛嘅佢亦嚇到唔少網民!Photo from 沈月微博

# 沈月坦承人氣急升全靠媽媽邱淑貞?!

現年20歲嘅沈月憑氣質外表,成功獲得唔少時裝品牌嘅青睞,經常獲邀拍攝畫報及廣告,前途無可限量!最近,沈月接受時裝雜誌採訪時表示對外界稱呼佢為「最美星二代」而感到榮幸,仲專登公開多謝媽媽,大讚媽媽係佢心目中嘅女神及榜樣,母女關係非常好;而佢亦受父母影響下,自小就對時尚有興趣!

沈月認為現時成功有賴媽媽邱淑貞幫忙,視媽媽為榜樣!Photo from 沈月微博

受家人影響,沈月本身就非常關注服裝潮流!Photo from 沈月微博

# 2019年獲邀參加巴黎名媛舞會!

正所謂「識人好過識字」,入得娛樂圈人脈固然重要,作為星二代嘅沈月自然亦比較容易拓展交友圈子!2019年,佢就獲邀出席一年一度嘅巴黎名媛舞會(Le Bal des Débutantes),據悉參加者都經過嚴格嘅挑選,雲集世界各地嘅千金小姐,當年被邀請嘅華人名媛只係得3位,可見沈月嘅國際地位都十分高!

2019年沈月獲邀出席巴黎名媛舞會!Photo from 沈月微博

仲因此而同西西里公主變成朋友~Photo from 沈月微博

當時邱淑貞同妹妹沈日亦有到場!Photo from 沈月微博

# 人脈超廣令網民驚訝!

沈月早前仲上載同韓國男團Super Junior成員希澈嘅自拍照,令唔少網民感到震驚!而佢仲寫上「上一次見面已經係14歲」,睇嚟二人交情匪淺~

沈月同Super Junior成員希澈都係好朋友!Photo from 沈月微博

二人關係非常好,仲交換羽絨著~Photo from 沈月微博

# 曾被網民爆料「大牌」?

人紅自然是非多!有網民曾爆料指偶遇邱淑貞一家到自己工作嘅日本料理餐廳食飯,當時沈月懷疑對方偷拍自己,所以投訴佢並要求打開電話相簿證明,令部份網民覺得好似有啲「大牌」!但爆料嘅網民亦大讚沈月真人靚過上鏡,似乎諒解星二代因長期受大眾觸目而壓力倍增。

曾經有網民大爆沈月因為懷疑被偷拍,要求對方打開手機相簿!Photo from 沈月微博

爆料者當時都指沈月真人更加靚!Photo from 沈月微博

# 公開童年照被指似邱淑貞!

日前,沈月上載可愛嘅童年照片,仲標上係當時嘅佢只係得6歲。只見佢身穿粉紅色波點衫,年紀輕輕就已經同媽媽一樣外貌清秀,有網民就覺得佢細個更加似邱淑貞!

沈月公開6歲時嘅照片,唔少網民都大讚佢細嗰就氣質非凡~Photo from 沈月IG

# 罕有公開素顏!

為咗上鏡沈月大多都以濃妝示人,甚少公開自己嘅素顏。但佢曾為時裝雜誌拍攝短片,分享美容心得及日常妝容;素顏嘅佢皮膚白晳,同化妝後嘅氣場截然不同!部份網民反而認為平常嘅妝容令佢太成熟,認為淡妝更加適合佢~

沈月早前為時裝雜誌拍攝短片,將素顏公開!Photo from 沈月IG

網民大讚沈月皮膚本身就好好~Photo from 沈月IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel