李國麟帶貨狂食麻辣小龍蝦 一把年紀為賺錢不顧健康

李國麟從舊年開始加入內地帶貨行列，但周不時都出狀況令人留意，試過直播8小時無人落單、退貨率近8成、被質疑賣假貨、甚至連M巾都要賣，就算已經成功翻身都難以搣甩「最慘帶貨明星」稱號！今次佢直播賣內地人最嘅小龍蝦，到底今次又發生咩事呢？

Photo from 李國麟 微博

直播帶貨大翻身

比起初時開始帶貨8個鐘都無人買，依家李國麟嘅觀眾已經多咗唔少，今次直播有大約2000人睇，好快就開到單，期間仲有唔少人落單。

Photo from 微博圖片

狂隊小龍蝦嘴唇發黑

麻辣小龍蝦係內地風靡一時嘅食品，小龍蝦原名「克氏原螯蝦」，食落其實無乜肉，多數人都係因為重口味嘅湯汁好食而食！今次帶貨就見到李國麟面前擺咗一大盤紅卜卜又油膩嘅麻辣小龍蝦！

Photo from 微博圖片

直播期間佢又徒手拎麵黎食，一路食一路讚好味，叫觀眾快啲落單，加上不停飲水，完全無停手，連網民都話佢不知不覺已經食咗半個鐘。

Photo from 微博圖片

食到後期小龍蝦太多太辣，就算有女助手幫佢抹嘴同拎水比佢解辣，都難掩佢食到眼泛淚光、嘴唇發黑，令不少網友感心酸！

Photo from 微博圖片

Photo from 微博圖片

一把年紀搏到盡網友感心酸

網友見到佢一把年紀夜媽媽食咁油膩同咁辣嘅野，會唔會唔消化，紛紛留言叫佢小心身體，要量力而為。

Photo from 微博圖片

另外都有網民覺得佢太過搏命，直播帶貨真係辛苦錢，但都無理由為咗錢唔要命。亦都唔少人感嘆生活真係不容易。

Photo from 微博圖片

小龍蝦可致肌肉痛？

衞生署衞生防護中心證實進食小龍蝦容易引致「橫紋肌溶解症」，估計因為係人體會累積小龍蝦體內未知嘅耐熱毒素，雖然症狀會係2-3日內減退，但嚴重可引致腎臟受損同其他併發症！衞生防護中心亦建議小龍蝦要洗乾淨、徹底煮熟、同埋唔好食過量呀！

Photo from 食物安全中心告示

相關文章：李國麟抖音突崩潰爆喊！北上賺人仔掛住媽媽：我真的很想家

相關文章：李國麟成「最慘帶貨明星」坦言想返香港！直播退貨超過8成：我鍾意演戲多啲

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

李國麟直播帶貨賣衛生巾！被追問「用後感」表情難掩尷尬

25 Mar 2022

綠葉演員李國麟近年北上發展直播帶貨事業，雖然曾被封為「最慘帶貨明星」，但成功翻身。佢最近直播賣女性用品，更被內地網民追問有無用過，令見慣風浪嘅佢都一臉尷尬。

李國麟內地發展直播帶貨事業

現年66歲嘅李國麟返內地工作近一年，佢積極發展直播事業，雖然一開始就慘遭滑鐵盧，直播8小時但帶貨賣唔出，仲被人封為「最慘帶貨明星」。

不過佢好快重整旗鼓，成功做到評分達4.71分（滿分5分）嘅帶貨主播，吐氣揚眉。北上工作多月，李國麟不時開直播繼續帶貨。

Photo from 微博

直播賣衛生巾被追問用後感勁尷尬

李國麟帶貨有唔同種類嘅產品，近日佢甚至帶貨賣女性用品，有衛生巾、安全褲等。直播片段中見佢拎出衛生巾，即時被內地網民追問用後感：「試用過嗎？」、「介紹一下怎麼用」。

Photo from 微博

Photo from 微博

就算李國麟出道多年見慣大場面當時難以管理表情，一臉尷尬咁表示自已無用過衛生巾，亦唔知應該點用。

Photo from 微博

Photo from 微博

網民心痛老戲骨淪落到要賣M巾

其後一名女性工作人員就拆開其中一包M巾，並展示畀鏡頭前嘅觀眾睇，李國麟即指：「這我知道了，還可以當眼罩！」有網民表示佢老戲骨要直播帶貨已自貶身價，更無需要賣衛生巾，建議佢下次接返啲自己用過或會用到嘅產品會更有說服力。

Photo from 微博

Photo from 微博

只係為直播做效果？！

但李國麟就稱佢無感到尷尬，佢嘅表情只係為直播娛樂觀眾，特登演出嚟，令到直播間嘅觀眾睇得開心。有網友就認為人民幣真係唔易賺，唔係個個北上都有好發展。