鍾麗緹二女被指13歲「割雙眼皮」？顏值被彈不及妹妹？激動拍片回應網民

By Cheryl on 06 May 2022

Digital Editor

一代女神鍾麗緹與兩任前夫育有3個女兒，佢哋向來都備受關注。最近，13歲二女張思捷（Jaden）被網民質疑做了雙眼皮手術，令Jaden相當生氣，仲拍片反擊對方！

Photo from 鍾麗緹微博

鍾麗緹大女選美出身，有意加入娛樂圈

51歲鍾麗緹與第一任丈夫Glen Ross育有大女張敏鈞（Yasmine），外表亮眼嘅混血Yasmine更於去年《溫哥華華裔小姐競選》中奪得亞軍，佢亦透露有意向娛樂圈發展，而媽媽鍾麗緹都表示會全力支持愛女決定，有唔少人都期待佢有一天能夠出道。

Photo from 張敏鈞IG

Photo from 張敏均IG

細女眼大可愛，深受喜愛

而細女張凱琳（Cayla）則被讚眼大大、長相甜美可愛，佢曾與鍾麗緹現任老公張倫碩一起出演綜藝《爸爸去哪兒》第四季，深受觀眾歡迎，更有人指佢有一副電影裡會出現嘅青春初戀臉。

Photo from 鍾麗緹微博

Photo from 鍾麗緹 IG

二女樣子有個性，被指「做了雙眼皮」？

至於二女張思捷（Jaden）眼睛則較小，樣子較有個性，年幼時皮膚偏黑，所以被部分網民指顏值不及妹妹Cayla。

Photo from 微博

Photo from 鍾麗緹微博

近日，更有網民指年僅13歲嘅Jaden割了雙眼皮，Jaden聽罷都動火了，更親自拍片回罵對方。

Photo from 張思捷Jaden 微博

二女Jaden反擊指控

Jaden在片中開了得意濾鏡，雙眼皮因此更顯眼，佢開口直言：「你沒事吧？你家08的13歲了就是做雙眼皮是嗎？並且你是怎麼能那麼明確的跟大家說我是做雙眼皮了。」佢更怒斥：「你是用你的親眼看到嗎？那要是這樣的話，那我建議，我勸你去醫院查一下你的腦子，還有你的眼睛，因為你腦子有點問題。」之後Jaden還反了白眼，可見佢對該網民嘅言論非常反感。

Photo from 張思捷Jaden 影片截圖

Jaden舞技出眾，曾出演跳舞節目

唔少網民都支持Jaden捍衛自己，亦不認為佢外貌比佢嘅姐妹遜色，佢只係擁有一種不一樣的美，頗有模特兒嘅高冷氣質，而佢亦曾多次獲邀行時裝走秀。其實，Jaden也擁有幕前經驗，從小練舞嘅佢去年參加內地節目《跳舞吧！少年》，佢在節目裡大騷舞技，不少網民都稱讚佢跳舞耀眼、在舞台上表現自信，認為佢年紀小小已有獨當一面嘅潛質，亦指出無需要覺得Jaden比佢嘅姐妹失色，佢做自己一樣可以走出自己嘅路。