尋人記2｜方東昇攜3位昇女郎回歸主持 被視為收視救星 其中一小花已升格人妻

由方東昇、黃曉瑩、李曉欣及黃靖婷主持嘅《尋人記》以尋找在過往新聞片段中出現嘅受訪人物為主，去年播出後口碑不錯，今年TVB再添食，以原班人馬推出第二季拯救收視！

Photo from 《尋人記2》預告片

《尋人記2》有望成收視救星？

去年播放嘅《尋人記》在「2022紐約影視節」歷史及社會紀錄片組別獲得銅獎，當時收視亦不錯，第二季將接檔《360秒人生課堂》，大台近期多個節目都收視低迷，所以《尋人記2》被視為收視救星。在預告片中，今次節目組會再次出動尋人，對象同樣係曾於80至90年代亮相《新聞透視》、《星期日檔案》嘅受訪主角，藉此展現被訪者嘅人生與時代變化。

Photo from 《尋人記》第一季嘅原班人馬將會回歸

Photo from 《尋人記2》預告片

預告片中可見，今季至少有5個全新尋人故事，方東昇帶領3位「昇女郎」尋找對象，亦可見方東昇仍舊背著其招牌背包四處走，相信有睇第一季嘅觀眾都好有熟悉感。

Photo from 《尋人記2》預告片

Photo from 《尋人記2》預告片

黃曉瑩

而3位「昇女郎」都各自有精彩人生，以下落嚟就帶大家睇下佢哋嘅近況！當中，任職新聞主播嘅31歲黃曉瑩笑容甜美，佢嘅粉絲不時會cap低佢報新聞嘅畫面。

Photo from 《有圖有真相》FB page

佢在香港中文大學求學時已到大台擔任實習記者，畢業後正式成為該電視台嘅新聞從業員，到2016年更升為新聞副策劃主任。早於2015年，佢已跟方東昇在《世界零距離II》中合作，可謂相當有默契。

Photo from 《世界零距離II》截圖

佢在前年被媒體發現與一名身形高大約6呎嘅男子逛街，更獲對方以名車接送。同年12月，黃曉瑩公開戀情並與男友低調結婚。

Photo from FB 圖片

Photo from 黃曉瑩 IG

黃靖婷

28歲黃靖婷曾就讀香港樹仁大學新聞與傳播系，之後再到香港中文大學修讀政治與行政學系碩士課程。早在大二期間，佢已參加「青少年主播大專賽」並入圍16強。

Photo from TVB

到2017年正式加入無綫，佢初時主要做財經台專題節目記者，及後被調任新聞主播，並在2020年首度與方東昇合作主持《這麼遠，那麼近》。

Photo from TVB

李曉欣

27歲李曉欣本來就讀香港樹仁大學新聞與傳播學系，後來退學到澳洲讀書。佢在2016年加入無綫，並於17年轉職記者。

Photo from 李曉欣 IG

之後有傳佢因得罪主播張文采而被調離主播組，然後到2019年被調去任《長命百二歲II》主持，當中佢首次與方東昇和黃曉瑩合作，其青春文青氣質都吸引到不少觀眾。

Photo from 張文采 IG

Photo from 李曉欣 IG

相關文章：【尋人記】27年前夫妻家住半億豪宅！1994年已想買$1.4萬門柄 網友：好葡萄

相關文章：「金句王」方東昇再搞爛gag《這麼遠那麼近》足本加長版遊歷4國探討交通

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）