泰國女星Tangmo墮海案有新進展!FB突然翻生,持續更新事發當日照片?!盤點最有力嫌疑人!

泰國女星Tangmo墮海案有新進展!FB突然翻生,持續更新事發當日照片?!盤點最有力嫌疑人!

時事熱話 娛樂新聞
By Stephanie on 23 May 2022
Digital Content Writer

37歲泰國女星Tangmo(Pataratida Pacharawirapong)今年2月24日與友人搭船出遊時意外墮海離世!然而案件疑點重重,在場嘅5位證人証詞不一,而Tangmo媽媽亦決定喺收下巨額賠償後要求大眾唔好再追查事件,令案件變得更加撲索迷離。21日,Tangmo嘅FB竟然連續出post,仲上載咗疑似係事故當日嘅照片,引發熱議!

已故泰國女星Tangmo墮船案件有新進展!
Photo from IG@melonp.official

5位證人證詞不一,案件頓時成謎!

事故當日(2月24日)Tangmo 與經紀人、名媛、3位富豪一行6人一齊搭快艇出遊,而在場人士表示Tangmo係因為於船尾小解時意外墮海身亡,但呢個講法引起外界質疑。而警方調查時,五位證人嘅証詞不一,令大家都認為案件並不單純!

事發當日,船上仲有呢5位乘客,當中有3位係富商!
Photo from 泰國新聞

當時5位證人都表示Tangmo係因為坐喺船尾,導致意外墮海!
Photo from 泰國電視台

Tangmo媽媽收下700萬港幣賠償金!

起初Tangmo媽媽都對女兒意外身亡而感到失望,曾多次公開指責證人們;其後涉案嘅兩位富商Por和Robert親身致歉,並向Tangmo媽媽支付3,000萬泰銖(約7百萬港元)為賠償,令媽媽嘅態度180大轉!事後,Tangmo媽媽仲寫信要求大家唔好再調查事件,而事件亦暫吿一段落,真相始終未明!

Tangmo媽媽收下富商賠償金後,突然態度180度大轉,仲要求大家唔好調查案件?!
Photo from Youtube@Thairath Online

直到星期六(21日),Tangmo嘅個人FaceBook帳號突然更新2個post,仲上載咗疑似係事發當日於快艇上拍攝嘅照片,寫上「我被一個我愛和信任的朋友傷害了」、「我哪都沒去,我仍在等5人口中的真相,如果他們不說實話,我會揭露真相,讓大家知道船上發生什麼事」,迅速引起網民們嘅熱議!

21日,Tangmo個人FB突然更新照片,仲疑似係於遊艇上拍攝嘅照片!
Photo from Happy Melon Patcharaveerapong FB

而且,仲寫上「我被一個我愛和信任的朋友傷害了」等字句,令大家更加肯定Tangmo嘅離世隱藏重大秘密?!
Photo from Happy Melon Patcharaveerapong FB

其後,該帳號又上載一張圖片,只見圖中嘅女生正在服藥,似乎係想暗示案件可能同藥物有關?!事隔一日,Tangmo本身嘅Facebook帳號「Happy Melon Patcharaveerapong」已經被刪除,但已經再另開設新帳號「Happy Melon Official」,而且帳號依然持續更新中!

似乎知道實情嘅爆料者想暗示案件同藥物有關?!
Photo from Happy Melon Official FB

以下為大家整合一下,帳號暫時更新過嘅動態,內容令人細思極恐:

  1. 以影片形式證明當時快艇上晃動得非常厲害,即使坐喺船尾都左搖右擺,根本冇可能會選擇喺船尾小解!

佢表示當時船上搖動得非常厲害,根本冇可能可以喺船尾小解!
Photo from Happy Melon Patcharaveerapong FB

2. 而帳號亦上載咗疑似係Tangmo身前腿部有瘀傷嘅照片,並寫上「我的腿受傷了,怎麼可能坐在船尾?」

Fb上亦有疑似係Tangmo身前腿部有瘀傷嘅照片
Photo from Happy Melon Patcharaveerapong FB

3. 「Tangmo」表示事發當日佢最後一次影相係8:35pm,質疑經紀人兼好友Gatick之前所提供嘅照片證據有問題,質疑對方曾經改動過照片時間!

「Tangmo」表示自己當日最後拍照嘅時間係20:35,同經紀人當時嘅講法似乎有啲出入!
Photo from Happy Melon Patcharaveerapong FB

與經紀人所提供嘅照片證據有出入
Photo from 泰國新聞

4. 「Tangmo」被5位證人指係因為坐喺船尾而導致意外墮船,但佢就大爆當時坐喺船尾嘅並非佢本人,而係佢嘅好友!

「Tangmo」仲大爆當時坐船尾嘅係佢嘅好友!
Photo from Happy Melon Patcharaveerapong FB

「Tangmo」似乎亦指證緊於船上嘅另一位好友,希望佢儘快講出真相!
Photo from Happy Melon Patcharaveerapong FB

經理人兼好友Gatick最大嫌疑?!

現時船上嘅5位乘客都有非常大嘅嫌疑,當中「呼聲」最高嘅就係Tangmo經紀人兼好友Gatick!二人本身關係非常好,而Tangmo 仲收養咗經紀人嘅囡囡,視如己出;可見Tangmo對經紀人非常信任,而且佢前幾日更新嘅post寫上「被最信任嘅人傷害」;加上,傳Tangmo嘅遺產收益人正正係養女,亦即係Gatick囡囡,令大家都覺得Gatick嫌疑非常大

經紀人暫時嫌疑最大?!
Photo from IG@melonp.official

Tangmo收養咗經紀人兼好友嘅囡囡
Photo from IG@melonp.official

富商Robert都有嫌疑?!

富商Robert事發當日被發現無牌駕駛船隻,而同行嘅人們亦承認有飲酒。近日,「Tangmo」更新Facebook post時就曾經上載Robert駕船嘅照片,並暗示對方曾經想邀請佢去酒店。而事發後,Robert亦有份支付Tangmo媽媽嘅賠償金,而且仲嘗試同對方媽媽保持友好關係,令大家不禁認為佢係咪因為慚愧而咁做?!

「Tangmo」暗示富商Robert曾有意邀請佢去酒店?!
Photo from Happy Melon Patcharaveerapong FB

富商Robert亦有份親身向Tangmo媽媽致歉!
Photo from 泰國新聞

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

泰國女星墜河案 疑點重重引熱議!同行人士證詞不一 媽媽收錢後態度180度改變

4 Apr , 2022

37歲泰國女星Tangmo(Nida Patcharaveerapong)於今年2月不幸墜河身亡,由於當中充滿可疑細節,案件轟動全泰,涉案人士嘅證詞不僅互相矛盾,Tangmo媽媽態度更係離奇,痛失女兒嘅佢收到一筆可觀賠償後竟要求大眾不要再追查下去。

廣告
廣告

泰國女星Tangmo墮河案轟動全個泰國。
Photo from IG@melonp.official

泰國女星不幸墜河身亡

事緣Tangmo在2月24日晚與經紀人,一位名媛,和3位富商一起乘快艇出遊,不久後,Tangmo在船尾墜河失蹤,遺體直到隔日才被發現,泰國警方指離世原因為溺水,同時發現遺體肺部有泥土,腿部亦有創傷,並表示傷勢有可能被螺旋槳弄傷所致。

涉案嘅同船人士
Photo from Youtube@Thairath Online

涉案人士證詞不一

由於案件疑點重重,所以惹嚟網民熱烈討論。單係同船人士嘅證詞已經不一,Tangmo經紀人兼好友Gatick與名媛初時均表示,Tangmo在船尾小解時不慎跌落水,但很多網民都覺得,知名女星會當著其他人面前小解說法不合理,而警方重組案件時也發現名媛描述嘅姿勢奇怪。之後,經紀人竟更改證詞,表示Tangmo係因為太專心於船上拍照,又無穿救生衣,導致滑倒落水後失救。而駕駛快艇嘅富商Tanuphat Lertthaweewit亦被發現係無照駕船。

Tangmo經紀人(右)在案發後證詞被網民質疑有古怪。
Photo from IG@melonp.official

女星IG帖文離奇被消失

案發後,船上眾人竟然只向搜救隊求助,並無主動報警,所以警方要收到搜救隊通知後才加入搜索行動。事發後,Tangmo嘅社交網亦有怪事發生,粉絲發現佢失蹤後有多篇IG帖文被刪除,亦有部分內容被修改過。除了女星本人,其經紀人亦有帳戶密碼,所以不少人推斷帖文係被經紀人刪去,佢其後亦提供了數張Tangmo當晚在船上拍嘅照片,都被網民發現拍攝時間有造假嫌疑,原因不明。

網民發現,Tangmo失蹤後,佢部分IG帖文被刪除。
Photo from 連登討論區 截圖

網民指,經紀人展示嘅照片拍攝時間有修改痕跡。
Photo from 連登討論區 截圖

經紀人背景不單純?

同時,呢位經紀人背景都引起熱議,佢以前曾擔任另一女星經紀人,之後佢竟與女星嘅老公發生關係並誕下一名女兒。後來,一直想成為媽媽嘅Tangmo就收養了經紀嘅女兒,視如己出,可見雙方感情不錯,所以好多網民都不忿經紀人對Tangmo失蹤案嘅處理手法。

富有愛心嘅Tangmo收養了經紀人女兒。
Photo from IG@melonp.official

網民懷疑船上曾發生爭執

驗屍報告指,Tangmo在右側大腿有一個30厘米傷口,左腳亦有不明抓痕,由於遺體被水浸泡時間耐,亦難以證明造成傷口嘅原因。此外,有搜救人員曾在電視台爆出一些法醫報告中未有提及嘅傷勢,令人懷疑官方報告隱瞞事實。在出事當晚,涉事人員上岸時,有記者留意到佢哋身上疑似有傷,部分人衣服更似被扯爛,所以有人懷疑船上曾發生過打鬥。

涉案人士一度聲稱Tangmo在船上小解時不慎跌落水。
Photo from Youtube@Thairath Online

報告指Tangmo身上有多處傷痕。
Photo from Youtube@Thairath Online

疑似最後片段曝光

最近,網上流傳疑似係Tangmo最後畫面嘅片段,有網民懷疑影片展示船上曾發生爭執,Tangmo繼而被推落水,亦有另一片段疑似影到在水中掙扎嘅Tangmo伸出手想抓著遊艇嘅浮標,惟說法未能證實。

網迷懷疑穿船上曾出現打鬥場面。
Photo from Youtube@Thairath Online

女星媽媽收錢後態度逆轉

Tangmo媽媽起初認為案件好有可疑,曾多次公開指責船上眾人嘅行為。但之後佢收到匿名恐嚇包裹,疑似想佢停止追究。當外界都正同情媽媽之際,佢嘅態度突然出現180度轉變。涉案嘅其中兩位富商Por和Robert向Tangmo媽媽親身致歉,Por更表示要做對方嘅兒子,聲稱自己以後會在經濟上照顧佢,而Tangmo媽媽亦公開接受佢嘅提議。除此,富商們又叫Tangmo媽媽說出賠償金金額,於是,媽媽假設Tangmo還在生並工作多30年,金額將會喺3,000萬泰銖(約7百萬港元)。所以,富商們就畀咗上述賠償金額畀佢。

富商Por竟然要做Tangmo媽媽契仔?
Photo from Youtube@Thairath Online

Tangmo媽媽表示自己被富商嘅行為打動。
Photo from Youtube@Thairath Online

記者事後問媽媽點解會就此原諒兩位富商,佢表示由於佢哋非常有禮,亦欣賞二人每日都去寺廟為Tangmo祈福,佢哋嘅行為深深打動了自己。之後,媽媽仲親手寫信叫大家唔好再調查此案,態度轉變令人嘩然。

Tangmo媽媽在收錢好友出現態度大轉變。
Photo from IG@melonp.official

涉案富商去出家?

Tangmo葬禮舉辦過後,涉事嘅同行富商更決定剃頭出家,據聞出家為期15天。不過,泰國網民都認為佢哋只係為了躲避警方調查才有此行動,而且,15天嘅修行亦不夠真誠。不過,有消息指,泰國警方在群眾壓力下再次啟動調查,並將正前往修行嘅富商們召回國家協助調查。

同船嘅其中兩名富商竟然決定去出家,不過網民無多buy。
Photo from YouTube截圖

經紀人錄音文件曝光,女星媽媽禁止調查

最新消息指,在案發當晚,慌亂嘅經紀人找來另一朋友,駕駛Tangmo嘅私家車離開現場,而車上嘅行車記錄儀錄低了佢同朋友在事發當晚嘅對話,當中內容顯示經紀人坦言事件並非意外。但係,當Tangmo媽媽知道錄音文件曝光後,就即時入紙申請所有非相關人員要即時停止調查案件。睇嚟,呢單案件嘅查明過程不斷受阻,但各界都希望事件最終能夠水落石出。

經紀人在事發後離開現場時,疑似在車上說出事件並非意外咁簡單。
Photo from Youtube@Thairath Online

Tangmo媽媽堅決不讓別人插手案件。
Photo from Youtube@Thairath Online

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
4 days ago
老公陪產興奮影BB出世 不慎影埋老婆私密處 奶奶傳上家庭gp
老公陪產興奮影BB出世 不慎影埋老婆私密處 奶奶傳上家庭gp
4 days ago
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
改名即變貴價食物!豬肉vs豚肉/牛肉飯vs牛肉丼/海綿蛋糕vs古早味蛋糕
4 days ago
內地幼稚園老師激似Angelababy成熱話!爸爸爭相接送子女惹媽媽不滿?!
內地幼稚園老師激似Angelababy成熱話!爸爸爭相接送子女惹媽媽不滿?!
4 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago