印度新郎婚禮暈倒一秒變禿頭,新娘發現戴假髮受騙崩潰悔婚!

印度新郎婚禮暈倒一秒變禿頭,新娘發現戴假髮受騙崩潰悔婚!

生活熱話
By Moon Lam on 25 May 2022
Digital Content Writer

印度一名新郎係婚禮進行嘅時候跌倒,頭上嘅假髮係咁多位親友面前脫落,仲令到新娘覺得被騙,嬲到當場悔婚,仲堅持無論如何都唔會嫁比對方!事件仲搞到要當地警方介入,引起網民關注。

Twitter @ians_india
Photo from Twitter @ians_india

據印度IANS報導,呢場婚禮5月20號係印度嘅Unnao舉行,新郎Pankaj係迎親樂隊陪同下進場,但儀式進行到一半,突然一陣頭暈而跌倒,頭上嘅假髮亦都因此跌咗落地,令現場群眾一陣大笑。

初時大家都以為搞下笑,點知新娘Nisha見到新郎係禿頭竟然嬲到當場悔婚走人,因為佢一直都唔知新郎係禿頭,於是氣氛頓時變得好尷尬,笑聲亦變為不安嘅討論聲。

Twitter @ians_india
Photo from Twitter @ians_india

其實婚禮儀式已經接近完成,但新娘Nisha經雙方家人勸說後,直到第二日都仍然堅持取消婚禮。最後要當地警方介入處理事件,新郎一家亦退還女方係婚禮所支付嘅約56萬盧比(約港幣5.6萬)。

新娘嘅叔叔表示新郎Pankaj完全隱瞞自己禿頭嘅事,令新娘覺得受騙,如果事前一早坦白,或者會有唔同嘅結局,亦講咗最重要嘅一句:「無法期望以謊言開始嘅婚姻」。

《少林足球》劇照
Photo from 《少林足球》劇照

事件甚至被上傳到Twitter,網友都紛紛認同表示「禿頭唔係重點,重點係新郎一開始就隱瞞呢件事」、「支持新娘不嫁,唔明點解要欺騙」、「新郎嘅行為令人覺得唔可靠同唔可信」。

其實,同類型嘅事件係印度發生唔止一次,今年2月印度亦有新娘因發現新郎係禿頭而悔婚,不過當時係新娘被嚇暈。而今次事件嘅新郎Pankaj係暈低後假髮被女方家人拎走,最後女方家屬不停潑水先清醒。

《國產凌凌漆》劇照
Photo from 《國產凌凌漆》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

網民分享超尷尬婚禮經驗!即場拆人情/搶新娘情節真實上演!飲醉酒鬧事最常見?

29 Apr 2022

婚禮對新婚夫婦而言係最重大嘅儀式~然而,重要時刻往往都會出現突如其來嘅「意外」,令過程變得非常難忘~日前,有網民於討論區講述自己一次出席婚禮嘅尷尬經驗,瞬間引起其他網民嘅共鳴。大家仲大方share自己嘅經驗,唔少人嘅遭遇都同電視劇情節一樣咁精彩!

網民於討論區分享自己出席過嘅尷尬婚禮情節!
Photo from 《女心理師》

台下觀眾「開口中」?!

網民於連登討論區出post詢問大家出席過嘅獵奇婚禮經歷,而佢就表示自己親眼目擊新人交換戒指時,台下嘅一名青少年突然大喊「離婚就唔會再戴㗎喇!」,令在場所有人都大吃一驚!最離奇嘅就係該夫婦最終真係離婚收場,非常巧合。

樓主率先分享自己嘅經驗,話有年輕人心直口快咁大喊,令婚禮現場尷尬度爆棚!
Photo from 連登討論區

可惜嘅係樓主話最終該對夫婦竟然真係離婚收場!
Photo from 《金秘書為何那樣》

「即場拆人情」最多人有共鳴?!

部份網民都話真係有經歷過「即場拆人情」嘅環節,當中有人就俾$100,帶同全家人食飯,仲有人過分都擺報紙當錢!另外,有賓客仲話自己唔夠錢,而詢問同枱嘅人借錢俾人情,場景超奇怪!

俾人情都係唔少網民表示最常見嘅尷尬場面!
Photo from 連登討論區

唔知各位又有冇體驗過呢~
Photo from 《我要做Model》

廣告
廣告

心直口快,鬧出笑話!

台下嘅觀眾好多時都會唔小心於婚禮中爆出「名言」,而且進行婚禮儀式時都比較安靜,所以好容易就俾全場聽到晒!有網民表示新人進場時各自拖住2隻愛犬,但台下就有人話「好一對狗男女!」言語上的確係冇講錯,但喺如此喜慶嘅大日子聽到都真係哭笑不得~

有網民指新人因為各自拉住一隻狗狗進場,而被場下嘅人話「狗男女」,場面爆笑~
Photo from 連登討論區

另外,有網民仲表示見過有男家嘅親戚因為心情太興奮,而衝上台霸住支mic不停大爆新郎兒時嘅尷尬事,就算其他人多番阻止都失敗咗。

有親戚仲會心情大好,上台搶mic講嘢!
Photo from 《玩嘢王》

飲醉酒易出事!

喺大日子,新人都需要不停向賓客敬酒,難免會出現「飲多咗」嘅場景!有網民就見過飲醉酒嘅新郎上台致謝,期間仲感謝岳母養育女友之恩,仲激動到當場「嘴對嘴」錫岳母,咁搞法岳父都真係唔知點好!

新郎好多時都因為大日子而特別high,但咁樣佢嘅外父應該俾咩反應......
Photo from 連登討論區

婚禮上熱情到錫第二個,都真係好罕見!
Photo from 《酒鬼都市女人們》

另外,有網民就話見過新郎百感交集,居然喺交換完戒指致謝嘅時候,坦承好掛住Ex,唔知結婚儀式仲有冇順利繼續落去呢?!但有網民就揭穿話呢個係「好耐以前爛gag」,新郎嘅意思係結婚後女友就變妻子,榮升做家人,唔知大家又有冇親身經歷過呢~

婚禮嘅時候好容易有感而發,但話掛住個ex就真係有啲難令人接受!
Photo from 連登討論區

「搶新娘」情節真實存在!

電影中經常都會出現超誇張嘅「搶新娘」情節,但原來有網民真實咁遇過!佢表示中學時期嘅其中一位女性朋友就同啊Sir結婚,當日其中一位朋友就上台大談回憶,仲忍唔住爆喊向新娘示愛,最終真係成功搶走女方!唔知當時究竟成個婚宴究竟係點收科......

估唔到現實中原來都會出現「搶新娘」!
Photo from 連登討論區

搶新娘仲真實咁出現過!
Photo from 《月薪嬌妻》

親戚尷尬發言!

總係會有「唔識做」嘅親戚喺呢啲時候講出不合時宜嘅事情!有網民就見過親戚上台講嘢嘅時候,居然sell保險,最後詢問大家「有興趣就舉手」,唯獨台下冇人有反應。最終,佢惱羞成怒即刻離場。

總係會有親戚「好唔識做」咁講另一啲嘢~
Photo from 連登討論區

有親戚就公然喺婚禮上推銷,場面尷尬,仲憤而離場!
Photo from 《女心理師》

婚禮選錯歌

婚禮嘅背景音樂大多數都會選擇對新人別具意義嘅歌曲,有對新人因為玩Busking時認識,而二人見面時就合唱《傳聞》,所以當日就不時播放呢首歌曲。然而,歌曲大概係講述情侶們迎來感情嘅結束,歌曲大約係「夠鐘死心了,當你沉默得高調,當得我歷劫低潮,為何尚要騷擾」,聽到都真係笑咗~

於婚禮上播放不合時宜嘅歌曲,就會瞬間變成高搞笑場面~
Photo from 連登討論區

仲有網民表示見過新人入場時播放「Beauty and the Beast」,當中有台下嘅人就忍唔住陰陰嘴咁指住新郎笑~大家仲有列出咗好多婚禮上應該盡量避免播放嘅歌曲:《好心分手》、《分手快樂》等。

新郎都真係幾好人,可能係想完成另一半嘅「公主夢」呢!
Photo from 電影《美女與野獸》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
港男分享於英國工作感受!列出4大優點 25日AL/準時收工!網民認為:視乎咩工種
港男分享於英國工作感受!列出4大優點 25日AL/準時收工!網民認為:視乎咩工種
3 days ago
內地知名女創業家公開徵友!列出12項擇偶條件!強調:每個條件都需要滿足
內地知名女創業家公開徵友!列出12項擇偶條件!強調:每個條件都需要滿足
3 days ago
老公陪產興奮影BB出世 不慎影埋老婆私密處 奶奶傳上家庭gp
老公陪產興奮影BB出世 不慎影埋老婆私密處 奶奶傳上家庭gp
4 days ago
盤點男女穿搭地雷區大不同,網民話最緊要揀啱自己、著得舒服!
盤點男女穿搭地雷區大不同,網民話最緊要揀啱自己、著得舒服!
4 days ago
Hottest Articles
最熱文章
27歲男為迎娶47歲網戀新歡堅持與22歲妻子離婚!母子戀修成正果
27歲男為迎娶47歲網戀新歡堅持與22歲妻子離婚!母子戀修成正果
3 days ago
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
【迷你兵團2】13個關於Minions冷知識!最初原型係半獸人/全部都係男仔/香蕉語言大解析!
3 days ago
童話世界農莊|大埔30萬呎農莊!向日葵花田+餵白馬山羊BB
童話世界農莊|大埔30萬呎農莊!向日葵花田+餵白馬山羊BB
3 days ago