欣宜35歲生日感謝祝福不提遺產,事業愛情兩得意

欣宜35歲生日感謝祝福不提遺產,事業愛情兩得意

生活熱話 娛樂新聞
By Moon Lam on 31 May 2022
Digital Content Writer

鄭欣宜(Joyce)係5月30日迎黎佢35歲嘅生日,代表佢終於可以繼承媽媽沈殿霞(肥姐)嘅6000萬遺產,不過今年佢並無提過呢件事,只係係社交平台表示:「多謝大家嘅祝福」。

欣宜IG @princejoycePhoto from 欣宜IG @princejoyce

鄭欣宜係生日當日嘅凌晨已經分享一班朋友對佢嘅生日祝福,又貼出同好友許廷鏗(Alfred)嘅影片,片中可見Alfred送上生日牌寫住欣宜新歌《我地》嘅花花蛋糕!

欣宜IG @princejoycePhoto from 欣宜IG @princejoyce

欣宜IG @princejoycePhoto from 欣宜IG @princejoyce

而欣宜自己亦分享一張含淚美照,表示多謝大家嘅生日祝福,寄願日日都有值得開心嘅事發生!

欣宜IG @princejoycePhoto from 欣宜IG @princejoyce

唔少圈中好友都有上載合照慶祝欣宜生日,黃偉文(Wyman)上載一張2020年平安夜同欣宜嘅合照,並話:「我地我地,定格在最滿足的表情,princejoyce(欣宜)生日快樂,好彩遇到你。其餘心照。」仲話相中係健康瘦前嘅欣宜,所以面形同依家有出入!

黃偉文IG @concertyyPhoto from 黃偉文IG @concertyy

姜麗文亦有上載同欣宜係加拿大嘅童年崩壞合照,欣宜轉載時都忍唔住笑爆。

欣宜IG @princejoycePhoto from 欣宜IG @princejoyce

欣宜IG @princejoycePhoto from 欣宜IG @princejoyce

而網民最關注嘅就係欣宜終於都35歲生日,可以繼承肥姐6000萬嘅遺產,據聞因物價上升,依家遺產總值隨時已升過億!不過欣宜同經理人公司並未提及遺產一事!

欣宜兒時與母親肥姐合照Photo from 欣宜Facebook

沈殿霞(肥姐)係2008年2月離世,但就為獨生女鄭欣宜安排好生活費,每個月只可以拎兩萬,其餘遺產要到佢35歲先可以用。當年受傳媒追訪,欣宜都無透露遺產安排,只係話自己唔會用媽咪嘅錢,要成長同自力更生!

欣宜FacebookPhoto from 欣宜Facebook

不過早年網民曾經取笑欣宜形象差、歌藝不佳,憑肥姐嘅地位獲得關照,先可以係娛樂圈立足,係肥姐離世後又有電視台力捧,係名符其實嘅「星二代」。又經常批評欣宜嘅演出,仲笑佢每次出現就係提起肥姐同埋喊。

欣宜FacebookPhoto from 欣宜Facebook

欣宜係今年初回想13年前向肥姐承諾過「會爭氣、會乖、做一個有用嘅人」,自覺未做到特別有用嘅人﹐但自己一定有努力!近年係樂壇終於闖出一片天﹐仲憑《@princejoyce》同《先哭為敬》成為第一位同一年贏得兩首五台冠軍歌的女歌手!唔少網民都紛紛為以前睇唔起欣宜而道歉呀!

欣宜FacebookPhoto from 欣宜Facebook

去年提及有關遺產傳聞,佢已經話:由20幾歲講到30歲,依家又講,但不影響自己嘅工作,會繼續做好自己嘅事。

欣宜FacebookPhoto from 欣宜Facebook

近日佢準備緊6月係紅館舉行嘅演唱會,仲上載疑似同髮型師男友甜蜜嘅拖手相,事業愛情兩得意,總算不負肥姐寄望,亦做到唔依賴母親留低嘅遺產,靠自己出人頭地!相信肥姐在天之靈都為欣宜感到安慰!

欣宜IG @princejoycePhoto from 欣宜IG @princejoyce

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

欣宜出道被嘲靠肥姐終獲平反!網民輪住道歉:被鬧咁多年都唔反擊

09 Dec 2021

現年34歲嘅鄭欣宜(Joyce)因為父母都係香港知名藝人而備受關注,佢出道時曾被網民指係「靠父蔭」、「靠母蔭」,但多年嚟佢憑作品得到認可,喺討論區有網友為佢平反,更向佢道歉,力撐欣宜攞女歌手金獎!

廣告
廣告

現年34歲嘅鄭欣宜(Joyce)因為父母都係香港知名藝人而備受關注Photo from 欣宜IG

欣宜出道被指靠父母關係

母親係著名主持肥姐沈殿霞、父親係電視劇演員鄭少秋,欣宜自細已經常出演電視節目。喺加拿大完成學業後,欣宜回港並多次喺幕前出演,引起關注。

母親係著名主持肥姐沈殿霞、父親係電視劇演員鄭少秋,欣宜自細已經常出演電視節目。Photo from 康熙來了

但成年後嘅欣宜星途唔算好順利,雖然因為爸爸媽媽而得到唔少機會,但外界普遍認為佢係靠父母喺娛樂圈嘅人脈「贏在起跑線」上,因此對佢嘅觀感一般。

外界普遍認為欣宜係靠父母喺娛樂圈嘅人脈「贏在起跑線」上Photo from ViuTV

欣宜扮公主向吳卓羲獻吻被網友鬧爆

2005年欣宜於《兒歌金曲頒獎典禮》飾演公主,向王子吳卓羲獻吻,隨即掀起熱議,網民對吳卓羲表示同情,指場面令人不安,更將其封為「世紀之吻」。

2005年欣宜於《兒歌金曲頒獎典禮》飾演公主,向王子吳卓羲獻吻Photo from TVB

同年香港迪士尼樂園開幕,欣宜扮白雪公主惹觀眾不滿,超過360人去信廣播事務管理局指有關場面會「嚇親小朋友」等,成為當年熱話。

香港迪士尼樂園開幕,欣宜扮白雪公主惹觀眾不滿Photo from TVB

兩首作品成五台冠軍歌,欣宜《歌手‧門》剖白心聲

欣宜喺演藝圈發展唔容易,出道初期飽受網民冷嘲熱諷,但佢堅持歌手夢想,近年陸續推出多首代表作品:《女神》、《小夜燈》、《@princejoyce》等。

欣宜堅持歌手夢想,近年陸續推出多首代表作品Photo from 《@princejoyce》

2021年欣宜兩首作品《@princejoyce》、《先哭為敬》都係五台冠軍歌,成績驕人,入圍「我最喜愛女歌手」5強,更有望喺叱咤頒獎典禮奪「女歌手金獎」!喺ViuTV節目《歌手‧門》中欣宜提到自己出道初期經歷:「選擇咗香港做我嘅家,但呢度嘅人全部都唔要我,我唔可以放棄。」

2021年欣宜兩首作品《@princejoyce》、《先哭為敬》都係五台冠軍歌Photo from 《先哭為敬》

喺ViuTV節目《歌手‧門》中欣宜就提到自己出道初期經歷Photo from ViuTV

網友力撐欣宜攞叱咤「女歌手金獎」、「最喜愛女歌手」

喺連登討論區亦有網友為欣宜開post「有冇人想幫欣宜平反?」,指當初人云亦云有份笑佢,但多年嚟見到對方嘅努力同實力,對欣宜改觀,力讚佢係實力唱將:「依家要同你講返一聲對唔住」,帖文有超過4,700個正評。

連登討論區亦有網友為欣宜開post「有冇人想幫欣宜平反?」Photo from lihkg

網民對欣宜改觀,力讚佢係實力唱將Photo from ViuTV

有網民表示欣宜入到行可能係靠關係:「但做到今日咁嘅成積係靠佢自己」,唔少網友都有向欣宜say sorry,指佢性格率真可愛,就算畀人笑咁耐都仲係好有正能量。

網民表示欣宜入到行可能係靠關係:「但做到今日咁嘅成積係靠佢自己」Photo from lihkg

唔少網友都有向欣宜say sorry,指佢性格率真可愛Photo from 欣宜IG

網友指欣宜就算畀人笑咁耐都仲係好有正能量Photo from lihkg

有人大讚佢一直默默耕耘,推出唔少好歌,力撐佢今年攞女歌手金獎同最喜愛女歌手。亦有網民表示曾經同過欣宜合作,為人nice又有禮貌:「未見過咁有教養嘅星」,欣宜知道自己入圍叱咤「我最喜愛的女歌手」最後五強亦有感動落淚:「我曾經係最唔喜愛女歌手,依家變到大家會投我一票,所以我覺得自己已經贏咗!」

唔少人力撐欣宜今年攞女歌手金獎同最喜愛女歌手。Photo from 欣宜IG

有網民表示曾經同過欣宜合作,為人nice又有禮貌Photo from lihkg

欣宜知道自己入圍叱咤「我最喜愛的女歌手」最後五強亦有感動落淚Photo from ViuTV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel