超精緻好吸睛！the story cafe推夢幻藍海傳說餐單～樣子治癒味道又好！

最近食到最精緻吸睛既食物，就要數the story cafe推出既藍海傳說‧治癒系列,呢個系列無論係視覺上味覺上都超治癒，由主食、甜品至飲品都是海洋既顏色，官方話色素係天然色素，可以放心食用～

小編最推介就係呢個車打芝士煙肉流心蛋牛肉漢堡配薯條，成個漢堡份量大，裏面既安格斯扒都係十分厚，食落好滿足～

連旁邊個沙律都好有驚喜，有黑松露醬，食落好juicy!

切開既時候，裏面既蛋黃醬就會流出來，用麵包沾取少少同芝士一齊食，感覺一點都唔乾身，口感豐富！

呢個賣相咁靚既就係魔幻花園，你所見到既藍色茶其實係藍蝶花花茶，當加上酸性檸檬既柚子蜜時，就會漸變為紫色～

除左個樣靚之外，飲落味道都好好，少少微酸加上茶香，感覺好清新，仲可以按個人喜好調節酸甜度！

今次既系列個甜品都係重點，師傅整呢兩道甜品時好用心，捧出來既時候真係嚇左一跳，整得十分精緻～

海の星窩夫
呢個甜品係兩人份量，兩個閨蜜一齊share都得，最底鋪左餅碎,上面有唔同水果、貝殼朱古力,一次過體 驗多重口感。窩夫整成海洋生物圖案，仲有三色彩虹雪糕,好滿足！

如果鍾意食cream，就可以揀呢個鮮果叢林，熱辣辣既班戟煎得金黃,薄薄一層包住新鮮忌廉,裏面有香蕉、芒果以及草莓等等既水果，正呀～

地址
青衣青敬路33號青衣城1樓117號舖

電話號碼
3105 1825