內地癡情男為追女神借近30萬,送手機豪車半年就分手,對方拒歸還禮物

內地癡情男為追女神借近30萬,送手機豪車半年就分手,對方拒歸還禮物

生活熱話
By Moon Lam on 01 Jun 2022
Digital Content Writer

大家拍拖前心入面總會訂咗啲條件,如果對方達到某啲條件就會同對方一齊。係內地有一名女子向追求者提出6項願望清單,如果對方實現自己嘅願望就會同佢結婚!於是男生不惜借近30萬人民幣達成女神嘅願望,但一齊半年女神就提出分手

劇照Photo from 劇照

根據內地傳媒報導,江蘇一名張姓男子已經追求趙姓女子一段時間,有一日女子突然係通訊軟件寫咗一篇「2020願望清單」比張先生,入面寫住要換電腦、換手機、換車、仲有去一次迪士尼、睇一場話劇同埋去一次張家界,仲話如果實現佢嘅願望清單就嫁比張先生。

搜狐 截圖Photo from 搜狐 截圖

張先生當然非常心動,仲問對方係咪當真,而對方一句「不知道選你對不對,但我想賭一把」攻破張先生嘅防線,就算自己唔算富有都即刻貸款,又周圍向親朋戚友借錢,先幫趙姓女子換咗華為嘅手機,又買咗豪車Audi,仲每個人都會比錢對方當零用錢,而兩人都正式開始交往。

劇照Photo from 劇照

但好景不長,半年後女方就以性格不合為由向張先生提出分手,張先生又嬲又傷心﹐要求對方歸還佢送過嘅野,但女方就話佢提出願望清單後張先生自願送野比佢,而兩人又無實體婚約,一切都係張先生一廂情願,最後張生先嬲到將件事告上法庭。

劇照Photo from 劇照

最後法官認為佢地交往半年,張先生付出近30萬元財物,的確超出正常交往範圍,而且女方又真係作出過承諾,仲有微信對話記錄,話張先生實現自己嘅願望就會嫁比佢,而張先生又係為咗娶女方先會送禮,所以兩人分手女方理應將禮物還比男方。係扣除衣服、化妝品等禮物費用後,判女方需要還20萬人民幣比張先生!

wfguyefhwioehfbeilqjiehfoe

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

KOL開班傳授追女仔秘訣!迫大學生付10萬,價值7.7萬課程曝光

21 Apr 2022

KOL「鬼王」喺網上平台開班授徒,向男性傳授「追女仔秘訣」,聲稱可學到約會技巧、形象改造等,「鬼王」最終被舉報。其實2019年已有「前學生」公開承認曾於公眾場所「追女仔」影響到唔少女性。

KOL「鬼王」喺網上平台開班授徒,向男性傳授「追女仔秘訣」Photo from 《東張西望》

「鬼王」要求受害人付10萬

香港海關接報指「鬼王」於Patreon「開班」,教授男生如何與女生約會,有20幾歲嘅大學生因為急於結識異性,於是參與有關課程。

有20幾歲嘅大學生因為急於結識異性,於是參與有關課程Photo from 《東張西望》

不過對方卻要求大學生先支付$3萬入會費,之後要佢額外購買$10萬形象改造服務,更稱唔付款將拒絕傳授追女仔技巧。雖然受害人唔肯再畀錢,但竟被逼繼續購買服務,否則會上傳有佢個樣嘅影片,而受害人為免身份被公開唯有照做。

鬼王要求大學生先支付$3萬入會費,之後要佢額外購買$10萬形象改造服務,更稱唔付款將拒絕傳授追女仔技巧Photo from 《東張西望》

廣告
廣告

宣稱有「獨門心法」教人追女仔

海關稱「鬼王」以KOL身份喺網上宣稱有「獨門心法」教人追女仔,其實鬼王於Patreon開班前曾經喺YouTube開設Channel,自稱鑽研十幾年,成功令唔少男性上當做學徒。

「鬼王」以KOL身份喺網上宣稱有「獨門心法」教人追女仔Photo from 《東張西望》

鬼王於Patreon開班前曾經喺YouTube開設Channel,自稱鑽研十幾年,成功令唔少男性上當做學徒。Photo from 《東張西望》

有鬼王徒弟表示受到鬼王嘅指示,曾於街頭向問女生拎電話,仲有女性苦主現身說法,指試過被鬼王同佢嘅徒弟打擾。而鬼王嘅YouTube Channel之後被官方封鎖。

有鬼王徒弟表示受到鬼王嘅指示,曾於街頭向問女生拎電話Photo from 《東張西望》

有女性苦主現身說法,指試過被鬼王同佢嘅徒弟打擾Photo from 《東張西望》

Patreon開設「鬼王追女仔哲學」,分兩大會籍等級

但鬼王捲土重來,重開YouTube之餘,仲去埋Patreon繼續開班,編輯上Patreon發現鬼王嘅頻道仍然存在,頻道聲稱:「正在創作每個香港男性必學用黎旁身嘅獨門心法... 決定你一生感情道路成功與否」

鬼王捲土重來,重開YouTube之餘,仲去埋Patreon繼續開班Photo from 鬼王 Patreon

鬼王頻道嘅會籍分為兩個等級:鬼王入室弟子(學費為$1,180/每月);為期一整年真人特訓(學費為$77,090/每月)。

鬼王頻道嘅會籍分為兩個等級Photo from 《東張西望》

鬼王入室弟子每月需付逾1千元

據鬼王Patreon頻道所列,每月$1,180學費嘅「鬼王入室弟子」每星期可獲一條入門【鬼王心法】教學影片、開啟鬼王老師Patreon高階學員專屬發問inbox權限、可以收睇「街頭 實戰示範頂級珍貴教材」(每月更新)、由鬼王親自操刀,運用獨門心法嘅實戰教學影片(每月更新)。

據鬼王Patreon頻道所列,每月$1,180學費嘅「鬼王入室弟子」每星期可獲一條入門【鬼王心法】教學影片Photo from 鬼王 Patreon

可以收睇「街頭實戰示範頂級珍貴教材+教學」(每月更新)Photo from 《東張西望》

索價逾$7.7萬「真人特訓」,聲稱可全方位提升追女仔能力值

而索價逾$7.7萬嘅「一整年真人特訓」則聲稱只需付款一次即可享有永久VIP鬼王會員資格,並「全方位提升追女仔能力值」,當中包括心法、技巧、衣著、形象、秘技等。仲可以永久解鎖所有隱藏追女仔教學影片權限、獲得鬼王私人專屬whatsapp權限。頻道指呢個會籍適合有強烈渴望於3個月內改變感情現況之男性。

索價逾$7.7萬嘅「一整年真人特訓」則聲稱只需付款一次即可享有永久VIP鬼王會員資格Photo from 鬼王 Patreon

頻道指呢個會籍適合有強烈渴望於3個月內改變感情現況之男性。Photo from 《東張西望》

海關經調查後拉咗一名32歲男子,並喺佢嘅住所內獲得一批手機教學課程器材。

海關經調查後拉咗一名32歲男子,並喺佢嘅住所內獲得一批手機教學課程器材。Photo from 《東張西望》

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel