兒子買海賊王墨水筆作兒童節禮物，媽媽嫌棄角色著比堅尼要求退款
Photo from 《1818黄金眼》
內地婦買海賊王墨水筆贈兒子作兒童節禮物
6月1日係國際兒童節，唔少家長都會買禮物送畀子女，不過買禮物前唔睇清楚分分鐘會影響親子關係！近日浙江杭州有一位姓朱女士因為仔仔想購買墨水筆送畀同學做兒童節禮物，佢欣然幫兒子落單。
Photo from 淘寶
呢套墨水筆印有日本漫畫《ONE PIECE（海賊王）》嘅角色。《ONE PIECE（海賊王）》自1997年連載，至今已推出超過1,000話、單行本亦出版過102冊，長期佔據漫畫雜誌《週刊少年Jump》人氣榜第一位！
Photo from 《ONE PIECE》
包裝同筆上角色衣著性感，母親申請退款
朱女士喺淘寶上海晨光文具天貓旗艦店買咗「海賊王盲盒筆」，翻查淘寶，發現「盲盒隨機一支筆」嘅售價為4.8人民幣。本來朱女士無為意，但收到盲盒筆後卻發現包裝同筆上都印有海賊王角色，角色著咗性感比堅尼，大騷誇張身材，令朱女士感到十分不適。
Photo from 《1818黄金眼》
Photo from 《1818黄金眼》
Photo from 《1818黄金眼》
朱女士指墨水筆包裝盒上寫明「適合14歲以下學生使用」，兒子11歲朱女士覺得好唔雅觀。佢將有關嘅墨水筆拎畀同為媽媽嘅其他同事睇，佢哋都覺得角色衣著暴露，唔適合畀小朋友用。
Photo from 《1818黄金眼》
Photo from 《1818黄金眼》
Photo from 《1818黄金眼》
於是朱女士以角色圖案不適合兒童為由，向旗艦店申請退款，但對方就指盲盒產品一經出售，不作退換。朱女士其後再向天貓平台報告事件，希望獲平台處理，但天貓就認為店方出售嘅產品無問題，不接納朱女士嘅訴求。朱女士認為淘寶有責任審核平台銷售嘅產品：「不是我發現了，如果我沒有仔細看一下圖案，那我小朋友天天拿這種筆寫字？！」
Photo from 《1818黄金眼》
Photo from 《1818黄金眼》
Photo from 《1818黄金眼》
Photo from 《1818黄金眼》
網民反應兩極
朱女士所買嘅墨水筆似乎係印咗「羅賓」，唔少網友認為朱女士要求退款係多此一舉，因為喺售貨網站上店方有公開盲盒內有可能會出現嘅產品圖案，身穿比堅尼嘅奈美、羅賓等都在其中，朱女士自己無睇清楚就落單，無理由要求店方承擔負任。
Photo from 《1818黄金眼》微博
Photo from 《1818黄金眼》
不過亦有人指《ONE PIECE》角色本來就比較少布，唔適合兒童觀看，今次事件應該要引起家長同文具商重視，以免被兒童過早接觸唔恰當嘅動漫角色，影響佢哋嘅身心發展。
Photo from 《1818黄金眼》
Photo from Peach John
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
50歲媽媽戀上19歲小鮮肉，無懼男友細女兒1個月：我養他就好
19 May 2022
父母離婚後子女都可能會希望佢哋搵返另一半，但要重新適應一個新嘅家人就唔係一件容易嘅事。日前台灣Dcard有網友指佢50幾歲嘅媽媽離婚後喺網上結識咗一個男朋友，但男友比女兒仲細1個月，而且更同女兒相處有唔少衝突。
Photo from 《婚內情》劇照
台女媽媽網上結交異性開展新戀情
雖然話真愛不分年齡，但忘年戀要面對嘅困難的確唔少，尤其係同子女嘅關係。近日台灣Dcard有網民為佢媽媽同媽媽男友嘅事而感到非常苦惱，更直言自己無法接受。
Photo from 《藍色大海的傳說》劇照
樓主指佢媽媽年約50幾歲，與丈夫離咗婚一段時間，最近喺網上結識咗一個男生，想介紹畀女兒識。樓主稱佢唔反對媽媽認識異性：「她能找到一個人渡過之後的人生也不錯」
Photo from 《男朋友》劇照
母親男友年僅19歲，比女兒細一個月
佢哋相約食飯，當樓主一入門就見到一個同佢差唔多年紀嘅男仔坐喺電視前打機，佢以為係媽媽男友嘅兒子，估唔到竟然係「媽媽男友」本人！樓主大吃一驚，即係追問媽媽：「他（男友）看起來跟我差不多年紀。」媽媽表示男友比19歲嘅樓主仲細一個月。
Photo from 《昨晚過得很愉快吧》劇照
Photo from 《氣象廳的人們》劇照
Photo from 《氣象廳的人們》劇照
小鮮肉男友對台女勁無禮
樓主無法理解媽媽點會同與女兒年齡相仿嘅男生交往，媽媽亦坦言：「就喜歡上他了，有甚麼辦法。」不過樓主對媽媽男友嘅初印象麻麻，媽媽男友一入門口無主動同樓主打招呼，樓主同佢講「你好」竟換嚟對方翻白眼。
Photo from 《氣象廳的人們》劇照
樓主形容「在很尷尬的氣氛下吃完了晚餐」，並指佢最唔開心係當佢工人咁洗，媽媽男友全程電視前面打機，點人幫佢切生果，結果樓主忍唔住爆seed：「請問你是沒有手嗎，想吃水果不會自己去切？」
Photo from 《來自星星的你》劇照
台女媽媽想同小鮮肉男友結婚：我養他就好
但即使呢次會面毫不愉快，都無阻樓主媽媽同佢男友嘅感情繼續升溫，樓主媽媽更話等男朋友滿20歲嗰日，佢哋就去登記結婚。女兒問男友點養佢媽媽，媽媽指：「我養他就好了啊，他負責愛我就好。」又大讚男友對佢好、平時好錫佢，希望阿女可以祝福佢哋。
Photo from 《再見啦！母親大人》劇照
台女感崩潰！2件事無法接受媽媽同小鮮肉男友
樓主就舉例指2件事令佢接受唔到媽媽同佢男友嘅關係。有一次佢同媽媽講要去男朋友屋企住，但媽媽之後打咗兩次電話急call佢，追問樓主做咩唔返屋企住，搞到佢一個人返到屋企孤零零，就算樓主同佢解釋有通知佢會過男友家仍被媽媽指責應該要等媽媽回家先過去。
Photo from 《我的大叔》劇照
樓主媽媽又稱：「我是你媽，你在家等我本來就是應該的。」樓主即時大怒指媽媽為咗男友要同樓主斷絕母女關係，更喺樓主細細個時就送佢去外國讀書，平時又唔關心佢，兩三個月先通一次電話，但最終被媽媽cut線。
Photo from 《四樓的天堂》劇照
Photo from 《相親相愛》劇照
第二件事就係佢媽咪同19歲男友喺無通知樓主嘅情況下帶佢嘅柴犬散步，但期間小鮮肉男友因為同旁人發生口角，鬆開牽狗繩畀樓主隻柴犬走甩咗，好彩有人見到柴犬自己跑返嚟，樓主搵咗個幾鐘幸運係無畀人抱走。
Photo from 《極島森林》節目照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
