澳洲退休拳擊教練單挑袋鼠,6分鐘後戰勝卻被打到受傷

澳洲退休拳擊教練單挑袋鼠,6分鐘後戰勝卻被打到受傷

生活熱話
By Moon Lam on 02 Jun 2022
Digital Content Writer

袋鼠拳擊界嘅代表物,有睇過動物紀錄片就會知袋鼠好打得,澳洲近日就有人真係同袋鼠打咗一場,仲被錄低咗呀!

YouTube截圖Photo from YouTube截圖

綜合外媒報導,事情發生係澳洲東南部嘅新南威爾士州,一個叫巴利納嘅小鎮入面,59歲男子Cliff Des係已退休嘅拳擊教練,係屋企突然聽到愛犬猛吠嘅聲音,於是即刻去後院睇下發生咩事。

Cliff的愛犬Photo from YouTube截圖

結果見到有隻袋鼠唔止入咗佢屋企後院,仲想將Cliff嘅愛犬拉出去,Cliff就向袋鼠大吼,希望可以嚇走袋鼠,但反而令到袋鼠將攻擊目標轉成自己。見唔對路Cliff即刻掉頭逃走,但袋鼠一直追住佢追到去街頭。

Cliff被袋鼠追至街頭跌倒Photo from YouTube截圖

初初Cliff被袋鼠瘋狂攻擊,甚至被撲倒係地下,佢係地下執到樹枝,就試圖揮舞樹枝阻止袋鼠,但樹枝被袋鼠一下折斷,仍然不斷撲向Cliff,佢意識到袋鼠真係視佢為敵人,所以就認真反擊。Cliff同袋鼠嘅決戰持續咗6分鐘,最後轉身後用格鬥技招式壓制袋鼠,終止呢場激烈嘅「人鼠之戰」,而程過原來被鄰居錄低咗。

佢係地下執到一枝樹枝,但被袋鼠一下折斷Photo from YouTube截圖

佢係地下執到一枝樹枝當武器Photo from YouTube截圖

影片曝光後馬上被大量網友瘋傳,甚至係當地電視台都有討論同採訪佢。Cliff表示佢係短短幾分鐘就被袋鼠打到全身都受哂傷,唔止身上衣服被抓爛,仲被袋鼠整傷手指、大腿同額頭。但佢亦表示同今次袋鼠打交係無可避免,但唔會因為咁就討厭袋鼠,佢話係人類先佔領佢地嘅棲息地,先令到佢地要出現係人類居住嘅地方,仲讚袋鼠係美麗嘅動物,以後都會繼續鍾意佢地。

廣告
廣告

佢企返係當日決鬥嘅位置憶述事件Photo from YouTube截圖

Cliff話袋鼠不斷想抓佢個頭Photo from YouTube截圖

YouTube截圖Photo from YouTube截圖

YouTube截圖Photo from YouTube截圖

YouTube截圖Photo from YouTube截圖

YouTube截圖Photo from YouTube截圖

報導指袋鼠通常好溫順,但如果牠們覺得受威脅就會變得好鬥。袋鼠有759磅嘅踢擊力、275磅嘅衝擊力同925PSI嘅咬合力,咬合力甚至媲美灰熊。袋鼠嘅體重同體型令佢地嘅拳頭可以發揮同人類相同甚至超越人類嘅力量,要同袋鼠「隻揪」其實好危險架!睇外表袋鼠的確好可愛,但唔好忘記袋鼠係有攻擊性嘅動物,去旅行千其唔好招惹佢地呀。

網民話好彩唔係呢隻袋鼠...Photo from Facebook The Kangaroo Sanctuary Alice Springs

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel