00後帶40歲媽媽影婚紗相，母親顏值太高惹化妝師懷疑：真的是你媽？

內地一位00後男生同媽媽一齊影婚紗相，更拍片留作紀念，不過因為媽媽保養得宜，令化妝師誤以為佢同仔仔係一對夫妻！男生解釋後化妝師仍難以置信：「真的是你媽？」

Photo from 抖音

化妝師誤會母子係夫婦

近日內地山東一位20歲男生帶媽媽去影婚紗相，佢仲將過程拍成影片放上網與網友分享。男生嘅媽媽因為呢條片而成為焦點，原因係媽媽太年輕，完全唔似一個20歲男生嘅媽媽！

Photo from 抖音

男生嘅媽媽40歲，佢影低媽媽化妝嘅過程，只見佢媽媽臉上似乎頗為期待，而化妝師亦問佢哋一句：「婚期定了嗎？」即令男生忍唔住大笑起嚟。

Photo from 抖音

眼見化妝師誤會佢哋係一對夫婦，男生即表示：「她是我媽媽。」化妝師似乎唔太相信：「這麼年輕的媽媽，我信你個鬼」，又追問咗一句：「真的是你媽？」男生再解釋多一次佢先信。

Photo from 抖音

Photo from 抖音

40歲媽媽穿婚紗心情激動

媽媽雖然素顏但都明顯見到皮膚唔錯，化妝師一路上妝亦睇到媽媽越嚟越明艷，同仔仔合照都完全唔似兩母子，絕對保養得宜！仔仔問媽媽40歲著婚紗嘅感受，媽媽表示：「非常的激動」，化完妝之後佢亦感歎：「活了40年終於美了一把～」

Photo from 抖音

Photo from 抖音

媽媽妝後顏值超高掀熱議

媽媽最終嘅婚紗相亦公開，化咗全妝嘅佢果然顏值超高，戴上王冠後成個人顯得十分高貴，絕對係一位美人，而且睇唔出真實年齡，片段公開之段呢位40歲媽媽亦掀起網友討論。

Photo from 抖音

Photo from 抖音

唔少網民指媽媽真係幾靚：「40歲有這個狀態真的很好了！」、「好美嘅媽媽」，都有人認為化妝師之所以會誤會佢同仔仔係夫妻都係因為20歲嘅兒子「長得太著急」。

Photo from 抖音

相關文章：內地女自認樣靚身材正！明言只接受有錢人追求：禮金至少要1億

相關文章：內地女於LV專櫃買手袋，經鑑定為假貨！賠償逾8.7萬，LV回應掀熱議

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

內地女帶弟妹餐廳相睇，唔貴唔嗌埋單逾3千元？男方一個方法唔找數

18 May 2022

內地近日流傳一段影片，一男一女正喺餐廳相睇，不過女子就帶埋細佬妹妹出席，席上佢哋開懷大吃，埋單竟然超過3,000元，令相睇男心生不滿，最後成功畀佢「走數」仲拎埋著數先走！

Photo from 微博

內地影片揭男女相親尷尬過程？

現今世代單身人士想結識異性多數都會用交友App，大家先用文字交流，互相認識下，大概了解咗對方係咩人再見面無咁尷尬。而「相睇」就比較舊式，一嚟就食飯可能會出現令人無言嘅情況。

Photo from 《上流寄生族》劇照

不過內地仲有唔少人係以相睇方式結識伴侶。最近內地網上瘋傳一條片，有指影片係內地男女相親嘅過程，唔少網民睇完之後都大嗌好尷尬！

Photo from 《男朋友》劇照

女方帶細佬、妹妹出席，狂嗌貴嘢食

普通相睇一般都係一對一，除非係雙方父母認識可能會一齊去，但如果單方面帶朋友或兄弟姊妹，可能會令對方感到不便。片中女子就帶埋細佬同妹妹出席，形成「三對一」嘅情況。

Photo from 《社內相親》劇照

女子雖然無事先通知男方會帶弟妹，但喺席上佢就親切招呼相睇對象，又話：「以後可能就是一家人」，想拉近佢哋之間嘅距離。不過喺嗌嘢食時佢哋三姐弟又似乎真係無當相睇男係外人，狂嗌嘢食，仲唔貴唔嗌，男士就開始面色唔好。

Photo from 《紳士的品格》劇照

女方追問男方身家後冷落對方

之後女子亦熱情同細佬妹妹傾偈，反而冷落咗相睇男，淨係問對方房、車、存款等與佢身家有關嘅問題。網民都疑惑：「唔係嚟相睇㗎咩？」對女方唔理會男子嘅處理方式大為不解，更直指場面似女方同細佬、妹妹食飯，相睇男只係搭枱嘅咁！

Photo from 微博

相親男藉口去廁所後走數

食到咁上下，相睇男就話去廁所，之後佢去櫃枱一睇張單竟然要3,100人民幣（約港幣$3,600），佢即時頭也不回咁離開餐廳，臨走前仲攞多條煙。而留喺餐廳內嘅女子就被店員提埋單先知相睇男已經走咗。

Photo from 微博

Photo from 微博

Photo from 微博

網民質疑影片真實性

有網民認為片段中女方擅自帶細佬妹妹去相睇，又喺咁嗌貴嘅餸，期間仲要唔理佢，認為女子係突登想叫埋弟妹黐餐攞著數，亦有網友指片中都無提到一定係男方畀錢，可能係4人AA制咁畀，男方偷走唔找數嘅行為非常無風度。

Photo from 《剩者為王》劇照

不過亦有人覺得影片似係夾定，而所謂嘅相睇男女同細佬、妹妹都只係演員，目的喺製造話題。

Photo from 微博

相關文章：內地女自認樣靚身材正！明言只接受有錢人追求：禮金至少要1億

相關文章：內地美女歌手賣唱慘被飲醉食客潑酒！網民心痛，豈料真相曝光大反轉

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）