Stephy鄧麗欣獲封「偶像派天花板」!單飛多經典歌,堅持撐港產片

Stephy鄧麗欣獲封「偶像派天花板」!單飛多經典歌,堅持撐港產片

娛樂新聞
By Jennifer on 10 Jun 2022
Digital Editor

出道22年嘅Stephy鄧麗欣做過偶像成員、歌手,近年多數拍戲,討論區有網民開post大讚佢係「偶像派天花板」,由出道到依家演藝生涯超成功,入行以嚟兩段戀情都係和平分手,未有影響工作。

出道22年嘅Stephy鄧麗欣做過偶像成員、歌手,近年多數拍戲,討論區有網民開post大讚佢係「偶像派天花板」Photo from Stephy IG

連登討論區有網友開post「其實Stephy 係咪香港偶像派嘅典範」,樓主細數Stephy出道以嚟喺多個領域都有所發展,入行至今20年仍然有口碑、叫座力,直言:「可以話係樂壇偶像派嘅一個奇蹟!」

樓主細數Stephy出道以嚟喺多個領域都有所發展,入行至今20年仍然有口碑、叫座力,直言:「可以話係樂壇偶像派嘅一個奇蹟!」Photo from Stephy IG

Yes校花選舉奪冠入行,Stephy以女子組合Cookies隊長出道

Stephy 17歲時參加由Yes!舉辦嘅「全港校花校草選舉」,成功奪得冠軍並獲模特兒公司睇中簽約成旗下model。兩年後佢加入唱片公司並於2002年以偶像組合Cookies出道。

Stephy 17歲時參加由Yes!舉辦嘅「全港校花校草選舉」Photo from Yes!

Stephy於Yes校花選舉奪冠入行

當時Stephy幾乎係零唱歌跳舞經驗,但喺Cookies入面擔任隊長,更係隊內人氣王,Cookies一出道唱片銷量已超高,當時更有傳Twins經理人公司考慮加入新成員硬撼Cookies。

當時Stephy幾乎係零唱歌跳舞經驗,但喺Cookies入面擔任隊長,更係隊內人氣王Photo from YouTube

唱功被批但Stephy樂壇發展不錯,有好多經典歌曲

由9人到4人時期,Stephy工作量都好多,有拍過電視劇、電影,可以話係全隊個人發展最好嘅成員。單飛後Stephy亦成為Cookies首位推出個人專輯嘅成員,其出道作仲取得白金唱片成績。

由9人到4人時期,Stephy工作量都好多,有拍過電視劇、電影,可以話係全隊個人發展最好嘅成員Photo from YouTube

單飛後Stephy亦成為Cookies首位推出個人專輯嘅成員,其出道作仲取得白金唱片成績。Photo from Stephy IG

雖然Stephy唱功屢受批評,但佢擁有好多經典作品,包括:《不要離我太遠》、《他不准我哭》、《藍鞋子》、《電燈膽》等,仲有同方力申合唱嘅眾多電影主題曲,係好多人唱K必點嘅歌~

雖然Stephy唱功屢受批評,但佢擁有好多經典作品,包括:《不要離我太遠》、《他不准我哭》、《藍鞋子》、《電燈膽》等Photo from Stephy IG

Stephy同方力申合唱嘅眾多電影主題曲Photo from YouTube

電影《獨家試愛》主題曲Photo from YouTube

影壇千萬票房電影女主角

除咗樂壇外,Stephy喺影壇都有唔少作品,與方力申合作出演葉念琛嘅愛情三部曲:《獨家試愛》、《十分愛》、《我的最愛》,都係經典作,《十分愛》同《我的最愛》票房突破1,000萬,係青春愛情電影嘅代表性女主角。

除咗樂壇外,Stephy喺影壇都有唔少作品,與方力申合作出演葉念琛嘅愛情三部曲Photo from 《獨家試愛》劇照

《十分愛》同《我的最愛》票房突破1,000萬Photo from 《獨家試愛》劇照

到2010年Stephy曾經北上拍戲,更推出國語專輯,但其後佢喺2017年回港發展,拍攝咗《空手道》、《藍天白雲》、《金都》等港產片,更兩次入圍《香港電影金像獎》「最佳女主角」。Stephy憑《空手道》平川真理一角奪得《香港電影評論學會大獎》「最佳女演員」。

Stephy喺2017年回港發展,拍攝咗《空手道》、《藍天白雲》、《金都》等港產片Photo from 《金都》劇照

Stephy憑《空手道》平川真理一角奪得《香港電影評論學會大獎》「最佳女演員」。Photo from 《空手道》劇照

鄧麗欣堅持演港產片

Stephy於2020年《香港亞洲電影節》網上直播「香港電影圓桌會議」中提到自己曾經上內地拍戲,但係返到香港拍電影,個感覺完全唔一樣,坦言拍港產片嘅感情係無可取替。外界常指佢係專演「港女」嘅演員,Stephy毫不介意,坦言自己喺香港出世,唔演港女咁演咩?佢表示:「如果連香港演員都唔支持香港電影,咁結果會點?」所以即使港產片片酬唔及內地高,佢亦堅持繼續演港產片。

外界常指佢係專演「港女」嘅演員,Stephy毫不介意,坦言自己喺香港出世,唔演港女咁演咩?Photo from 香港電影圓桌會議

參演電視劇口碑好

網友形容「好多演員入咗影壇就不屑拍電視劇」,但Stephy即使已經攞過「最佳女演員」,都接拍電視劇《男排女將》,而且劇集口碑好好。網友表示Stephy雖然係偶像派出身,但佢嘅演藝生涯並未如一般偶像咁好快就完結,出道至今20年,同佢同期嘅實力派好多都沒落咗,但Stephy仲有口碑、叫座力,大讚:「可以話係樂壇偶像派嘅一個奇蹟」。

Stephy即使已經攞過「最佳女演員」,都接拍電視劇《男排女將》,而且劇集口碑好好。Photo from Stephy IG

Stephy兩任男友:方力申、王子,都係和平分手

其實Stephy入行後兩段戀情都有公開,同方力申多次合作,由熒幕情侶變成真戀人獲好多觀眾祝福,雖然10年愛情未能修成正果,但分手後兩人仍有聯繫,方力申更多次公開表示佢仲有同Stephy經常見面,又稱唔敢一口否定唔會同Stephy復合。

Stephy同方力申多次合作,由熒幕情侶變成真戀人獲好多觀眾祝福Photo from 《紀念日》劇照

雖然10年愛情未能修成正果,但分手後兩人仍有聯繫,方力申更多次公開表示佢仲有同Stephy經常見面Photo from Stephy IG

2018年Stephy承認同台灣藝人王子(邱勝翊)相戀,期間兩人更多次公開放閃,不過戀情維持3年後結束,分手後Stephy更力撐舊愛,為王子澄清「花心、愛去夜店」嘅傳聞。兩段戀情雖未能開花結果,但都係和平分手,與對方再見亦是朋友,令唔少網友更肯定Stephy絕對係好女仔!

廣告
廣告

2018年Stephy承認同台灣藝人王子(邱勝翊)相戀,期間兩人更多次公開放閃,不過戀情維持3年後結束Photo from Stephy IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

古巨基+鄧麗欣獲封被唱歌耽誤嘅畫家!溫碧霞、容祖兒作品走可愛路線? 5位藝人老虎畫作大比拼!

4 Mar 2022

疫情期間,大家都經常留喺屋企擁有更多me time~日前,鄧麗欣(Stephy)就上載自己親手畫嘅白虎油畫,畫工驚人,就連導演陳詠燊都忍唔住講「叫其他畫老虎嘅藝人情何以堪!」即睇各位藝人今年嘅虎年畫作啦~

鄧麗欣早前上載白虎畫作,獲導演陳詠燊力讚!Photo from 鄧麗欣IG

適逢2022年係壬寅虎年,唔少藝人都大晒畫工繪畫老虎畫作,期盼今年能夠一切順利~而英皇娛樂旗下嘅「冤枉娛樂」仲舉辦咗「虎虎生威繪畫大賽」,宜家即刻睇下藝人們嘅作品啦!

等我哋一齊欣賞藝人們嘅老虎作品~Photo from TVB

1.容祖兒

容祖兒喺IG將自己畫老虎嘅過程公開,而網民都忍唔住笑稱「係我見過最善良嘅老虎」,認為呢隻老虎嘅亮點就係佢燦爛嘅微笑!

容祖兒仲上載繪畫老虎嘅成個過程,網民直呼好療癒~Photo from 容祖兒IG

唔少網民都提議佢應該出版畫集!Photo from 容祖兒IG

2.蔡卓妍

作為英皇旗下嘅藝人,阿Sa亦都有參加繪畫比賽,而佢所畫嘅老虎仲有埋彎腰雙手祝福嘅姿勢,非常應景!

阿Sa畫嘅老虎就行可愛路線,仲頭戴皇冠~Photo from 冤枉娛樂IG

3. 古巨基

一向畫工厲害嘅古巨基都有參與活動,然而佢畫嘅卻係MIRROR成員Tiger(邱傲然),仲標記「#虎年畫虎仔 」,十分識做!不過大家都對於佢嘅畫工感到歎為觀止,大讚佢係被歌手耽誤嘅畫家~

古巨基亦獻上自己嘅「Tiger」作品,但佢畫咗嘅係MIRROR成員Tiger!Photo from 古巨基IG

古巨基除咗有去睇MIRROR演唱會之外,仲同Edan慶生~Photo from 古巨基IG

4. 鄧麗欣 Stephy

最近,Stephy喺IG上載白虎嘅畫作,寫上「中學的時候修Art學的是人像和平面設計,印象中真的沒有認真的畫過動物」,解釋畫白色老虎係因為白色代表和平!而網民都大讚佢畫工了得,就連好多細節位都一一畫出,果然係讀Art嘅學生~

鄧麗欣上載咗自己繪畫嘅白虎油畫,獲導演大讚畫工厲害~Photo from Stephy IG

Stephy 表示中學時期修讀Art,但就甚少畫動物!Photo from Stephy IG

5. 溫碧霞

溫碧霞新年期間接受訪問時就大顯身手,即場繪畫出老虎同大家拜年!本身佢亦曾經學過1年畫畫,仲不時將作品賣俾慈善機構做拍賣;而網民就覺得佢畫嘅老虎偏向可愛型,擁有和善嘅微笑,樣貌都比較溫和~

溫碧霞接受訪問期間即興畫老虎!Photo from 溫碧霞微博

平時嘅佢亦鍾意畫畫,仲曾經學過1年!Photo from 溫碧霞微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel