Elon Musk批評YouTube欺騙廣告多,被網民慫恿再收購公司!公開初步「火星移民」計畫藍圖,卻被科學家質疑可行性?

Elon Musk批評YouTube欺騙廣告多,被網民慫恿再收購公司!公開初步「火星移民」計畫藍圖,卻被科學家質疑可行性?

時事熱話 生活熱話
By Stephanie on 10 Jun 2022
Digital Content Writer

全球首富兼Tesla CEO Elon Musk(馬斯克)一向都展現「有錢就是任性」嘅本性,繼早前揚言要收購Twitter後,宜家又突然將矛頭指向另一間社交媒體「YouTube」,批評對方太多欺騙人嘅廣告!而佢最近亦公開初步嘅「火星移民」計畫,但可行性卻遭到質疑?

根據今年福布斯排行榜顯示,全球首富Elon Musk 現時嘅身家高達2,190億美金!Photo from Elon Musk IG

全球首富Elon Musk暫緩收購Twitter計畫?

現時50歲嘅Elon Musk(馬斯克)係全球首富,根據今年4月份所發佈嘅《福布斯富豪排行榜》,佢現時擁有嘅身家高達$2,190億美元!而佢早前就宣佈將要收購Twitter,但現時呢場交易似乎尚未有定案,據悉佢要求Twitter一方提供垃圾郵件、虛假賬戶等資料俾佢;而股東大會就將會於7月尾至8月頭舉行,到時再通過投票決定是否接受Elon Musk嘅收購。

早前Elon Musk 聲稱要收購Twitter,暫時尚未有定案。Photo from Elon Musk IG

上載meme圖批評YouTube?!

日前,Elon Musk突然於Twitter 上載一張meme圖片,內容係指YouTube平台對欺騙人嘅廣告視而不見,但就當用戶涉及不當言論時就會火速處理,似乎係想批評YouTube員工們嘅處理手法!

Elon Musk早前上載meme圖批評YouTube!Photo from Elon Musk Twitter

網民慫恿收購YouTube

呢個post好快就引起網民們嘅關注,點讚人數高達逾617K。唔少網民立刻起鬨講笑咁叫佢一併收購埋YouTube,亦有網民非常驚訝「全球首富居然並冇買Premium」!

唔少網民都非常驚訝佢居然冇買YouTubePremium;仲講笑叫佢收購埋YouTube公司!Photo from Elon Musk IG

提及火星移民計畫!

其實Elon Musk一直以來都希望達成火星移民計畫,而佢早前就喺Twitter提及自己嘅藍圖「建造1,000多個星艦將所有東西運送到火星,與羅亞方舟十分相似」!

其實Elon Musk 一直都渴望達成人類移民到火星嘅計畫Photo from Elon Musk Twitter

唔少人都認為佢嘅火星移民計畫非常天馬行空~Photo from Elon Musk IG

而佢就表示將會利用1千個飛船帶大家到火星,仲會運送所有生物?!Photo from Elon Musk Twitter

被科學家質疑可行性!

然而Elon Musk嘅計畫好快就受到質疑,由於佢所將嘅「所有東西」包含埋現時所擁有嘅花草樹木,科學家 Charlie Gardner 博士表示「從未聽過有人要將生物運送到火星」,仲指呢番言論係佢聽過最荒謬嘅事!睇怕佢要公開詳細嘅運送計畫先能夠說服到大眾喇~

科學家Charlie Gardner 質疑Elon Musk所講嘅將所有生物運送到火星,指呢個諗法並唔可行!Photo from Dr Charlie Gardner Twitter

講述從商多年最難熬的一年!

而Elon Musk最近受訪時就大談佢從商多年嘅辛酸經歷,仲指2008年係佢最難熬嘅一年!佢坦承當時SpaceX嘅首三次火箭發射都失敗、剛成立嘅Tesla融資不足、與當時嘅妻子Jennifer Wilson遭遇感情危機等,回想當年佢都感慨表示「當時處於低谷」!

Elon Musk最近受訪時表示2008年係佢事業低谷時期!Photo from Elon Musk IG

2個關鍵令佢事業成功「翻生」!

幸好Elon Musk出售PayPal獲得4,000萬美金,並利用資金拯救Tesla以及Space X兩間公司,而Space X嘅第四次火箭發射亦成功咗,令佢成功「翻生」事業步入正軌!而佢仲坦承「若果當時第四次發射失敗,Space X就不會存在了!」

而佢最終以2嘅行動成功將兩間公司拯救返!Photo from Elon Musk IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

Elon Musk被前女友爆只住組合屋!仔女名字奇怪原來有特別意思

14 Mar , 2022

Tesla CEO兼全球首富Elon Musk(馬斯克)身家達$2700億美元,佢感情生活一向多姿多彩,早前加拿大歌手Grimes同佢再添一名女兒,不過兩人已分手,Grimes更大爆Elon Musk生活水平低!

Tesla CEO兼全球首富Elon Musk(馬斯克)身家達$2700億美元Photo from 路透社

Elon Musk與加拿大女歌手Grimes育有一子一女

現年50歲嘅Elon Musk曾經歷3段婚姻,一共擁有7名子女。佢與加拿大女歌手Grimes自2018年起交往,兩人更育有一子一女。Elon Musk為兒子取名為「X Æ A-Xii」;女兒則改名做「「Exa Dark Sideræl」。

兒子名字中「X」代表數學嘅「未知變量」;「Æ」是精靈文「Ai」嘅寫法,代表愛或人工智慧;A-12則係Elon Musk同Grimes都中意嘅偵查機前身。而女兒嘅名字中「Exa」是參考超級電腦計算術語「exaFLOPS」所得;「Dark」係代表「暗物質」同「未知」;「Sideræl」則係「恆星」精靈化嘅寫法。

Elon Musk為仔女改名好講究Photo from Elon Musk Twitter

Elon Musk與加拿大女歌手Grimes自2018年起交往,兩人更育有一子一女。Photo from 美聯社

Grimes大爆近日再分手原因同Elon Musk太節儉有關

雖然Elon Musk同Grimes多年嚟分分合合,但Grimes曾表示佢哋嘅關係唔穩定,最近佢宣佈同Elon Musk再次分手,但佢指兩人仍然係好朋友。

Grimes宣佈同Elon Musk再次分手Photo from Grimes IG

早前Grimes接受雜誌《Vanity Fair》訪問,更大爆同Elon Musk初次分手嘅原因!竟然係因為不滿對方生活質素太差?

早前Grimes接受雜誌《Vanity Fair》訪問,更大爆同Elon Musk初次分手嘅原因Photo from Elon Musk Twitter

指Elon Musk「生活水平喺貧窮線以下」

Grimes大爆Elon Musk生活水平大概係「貧窮線以下」,住喺價值$4萬美元(約$31.3萬港元)嘅組合屋內,面積僅374呎,佢指佢哋住嘅地方極唔安全,又無保安,而且一啲私隱都無。

Grimes大爆Elon Musk生活水平大概係「貧窮線以下」,住喺價值$4萬美元(約$31.3萬港元)嘅組合屋Photo from 美聯社

佢又稱Elon Musk嘅飲食都唔係好講究,曾連續8日食花生醬。Grimes表示同Elon Musk喺洛杉磯同居時試過發現床墊上穿咗個洞,想買過張新,但就被Elon Musk拒絕咗。

Grimes稱Elon Musk嘅飲食都唔係好講究,曾連續8日食花生醬Photo from 美聯社

Grimes表示同Elon Musk喺洛杉磯同居時試過發現床墊上穿咗個洞,想買過張新,但就被Elon Musk拒絕咗。Photo from Grimes IG

世界首富慳家有原因?!

Grimes指依家佢已從組合屋搬走,兩人嘅子女會輪流住喺雙方屋企,佢表示Elon Musk咁節儉唔係為咗維持「世界首富」嘅地位,而係因為佢將自己嘅財產大部分投資喺「SpaceX Mars」計劃中。

Grimes指依家佢已從組合屋搬走,兩人嘅子女會輪流住喺雙方屋企Photo from Grimes IG

Elon Musk咁節儉唔係為咗維持「世界首富」嘅地位,而係因為佢將自己嘅財產大部分投資喺「SpaceX Mars」計劃中。Photo from Elon Musk IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel