大埔友叫樓下餐廳外賣慘變自取,外賣員嫌近又嫌攰,網民一面倒支持投訴

大埔友叫樓下餐廳外賣慘變自取,外賣員嫌近又嫌攰,網民一面倒支持投訴

生活熱話
By Moon Lam on 13 Jun 2022
Digital Content Writer

安坐家中就可以享用環球美食一向都係外賣App嘅口號,有時唔想行就叫外賣真係好方便!不過叫外賣真係頻頻出意外,有人就係網上分享遇到奇怪外送員,搞到叫外賣仲衰過自取?

《福秀回来了》劇照Photo from 《福秀回来了》劇照

有網民係Facebook群組「大埔 TAI PO」發帖,內文只有一張圖片,但短短幾個鐘已經引起大量網友討論。樓主係留言回應指自己住係大埔寶湖花園,因「唔想行」就透過外賣平台係樓下嘅日式餐廳落單,但過咗好耐都未收到外賣,就打開外賣App,發現「步兵」外賣員原來一早留咗幾條訊息!

Facebook 「大埔 TAI PO」Photo from Facebook 「大埔 TAI PO」

外賣員抱怨樓主「這麼近的距離不會自己去買?」,要佢係其他地方跑過來取餐送餐全身大汗,而最令人意外嘅係,外賣員並無按樓主提供嘅地址送餐上門,而係將外賣掛係街上嘅共享單車上,「不要話我沒有良心,外掛在富盈門旁邊的共享單車,自己來取」,樓主見到後都呆咗,只能回覆一個「下?」字。

《金宵大廈2》劇照Photo from 《金宵大廈2》劇照

樓主回應網友話無前提,只係見咁耐未有得食就見到訊息,網友就再提問咁樓主最後有無拎到外賣,樓主就話有去到拎外賣,事後先再向外賣平台投訴。有網民仲整理路程,步兵要經過林村河行大約10分鐘去餐廳取餐,而餐廳就係樓主屋企樓下,但係外賣員就將外賣掛係一條街外嘅共享單車上,最後樓主叫外賣仲要行得遠過自己落樓買!

樓主仲要行一條街去拎返個外賣!Photo from 小編製地圖

廣告
廣告

唔少網友都認同「真係奇聞」,更指外賣員「佢明唔明自己做緊咩工作?」、「運費嘅意義,唔係就係包運送咩」、「唔知以為佢無收錢」,支持樓主要向外賣平台投訴該員工。不過有網民就自稱做過外賣員,指外賣員需要四處走,又要日曬雨淋,大家應多體諒,惟即被反駁「做外賣係個人選擇,尊重其職業唔等於要接受擅離職守!」亦有網民話樓主落樓下都懶,但都即被反駁近唔近都好,有時就係唔想出街,或者忙緊行唔開所以先叫外賣。

Facebook 「大埔 TAI PO」Photo from Facebook 「大埔 TAI PO」

Facebook 「大埔 TAI PO」Photo from Facebook 「大埔 TAI PO」

網民懷疑疑似外賣員本人留言,連樓主都忍唔住串佢!Photo from Facebook 「大埔 TAI PO」

Facebook 「大埔 TAI PO」Photo from Facebook 「大埔 TAI PO」

《我的事說來話長》劇照Photo from 《我的事說來話長》劇照

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel