2R黃婉佩Race自揭回流新加坡原因 因爸爸一番話毅然離港 強調不靠前度置業

2R黃婉佩Race自揭回流新加坡原因 因爸爸一番話毅然離港 強調不靠前度置業

娛樂新聞
By Cheryl on 15 Jun 2022
Digital Editor

為慶祝組合2R出道20周年,成員黃婉君(Rosanne) 和黃婉佩(Race)最近合體拍片,大談各種心路歷程和生活點滴。近日,佢哋分享多次搬家嘅經歷,Race更透露當年從香港搬回新加坡嘅理由。

黃婉佩Race最近在新片中澄清當年在港居住嘅豪宅並非由前度購買。Photo from 黃婉佩Race IG

2R姊妹擁多次搬家經歷

Rosanne和Race在新片表示,兩姊妹由細便經常搬家,妹妹Race更稱其搬家次數超過30次。兩人小時候住嘅首間房子係一間木屋,位於馬來西亞遠郊,其後才轉到新加坡定居和讀書。即使到了新加坡,兩人仍會因父母嘅投資計劃而數度搬家。

姐姐Rosanne億述,兩人小時候曾住馬來西亞木屋。Photo from Ohmyhome YouTube

爸爸一番話令Race決定返新加坡

提及從香港搬回新加坡嘅故事,Race表示當年結束2R活動後,在香港轉行做金融,並且跟爸爸說:「我被滙豐銀行聘請了,我會繼續喺香港上班。」爸爸聽罷問道:「你永遠留喺香港嗎?你唔打算返嚟睇Daddy了?如果你繼續留香港,肯定會結婚生仔,咁你就永遠唔會返嚟新加坡。」就係因為呢番話,Race翌日就立即call搬運公司,開始搬嘢返老家。

Race回憶當初如何會決定從香港返回新加坡。Photo from Ohmyhome YouTube

Race強調昔日在港豪宅由父母購買

廣告
廣告

被粉絲問及在香港住嘅第一間屋時,Race強調屋子係由父母購入,又回憶當時好多香港媒體,都聲稱2R在港物業都由佢哋嘅伴侶購買,「但講真,我發誓,真係我爹哋媽咪買。」佢指當時住嘅物業位於半山西摩道,入手價900萬港幣,但現時可能已升值至2千幾萬。

Race澄清昔日傳聞。Photo from Ohmyhome YouTube

Race曾與新加坡富商陳靖諧原結婚5年,離婚後和曾向華強兒子向佐拍拖3年,有指女方當時入住豪宅又享名車代步,Race一度被盛傳靠前夫和向佐獲得財政資助,如今佢澄清昔日在港嘅豪宅都由父母置入,而非由前度購買。

Race曾與向佐交往。Photo from 有線娛樂新聞

Race在2016年宣布再婚,老公係大19歲嘅富商David Loh,二人育有一子一女,一家4口現時定居新加坡,幸福滿瀉,Race亦有在新片中表示對搬回新加坡決定感到非常滿意。

Race現在與老公和子女生活幸福。Photo from 黃婉佩Race IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel