愛回家|劇情大暴走惹熱議 瘋狂影射香港防疫措施 網民:編劇大鑊了

愛回家|劇情大暴走惹熱議 瘋狂影射香港防疫措施 網民:編劇大鑊了

電視電影 娛樂新聞
By Cheryl on 16 Jun 2022
Digital Editor

近日,大台處境劇《愛‧回家之開心速遞》引起網民關注,在6月14日播出嘅第1625集裡,講述有瘟疫在古代肆虐,官府人員制定了一系列抗疫措施,例如強行圍封客棧,更有角色大派「菊花清殭錦囊」。不少網民都認為情節在影射現實!

近期一集《愛‧回家》引起熱議!劇情同現實中嘅防疫情況有不少相似之處。Photo from 《愛‧回家之開心速遞》

劇情講述古代出現不明病毒

近期播出嘅一集《愛‧回家》回到古代,講述一個城鎮疑似出現傳染性極高嘅「殭屍病毒」,被感染者咬到或抓傷嘅人,外型和行為都會變得像殭屍。於是,官府決定即時執行一套防疫措施,阻止疫情擴散。

劇情講古代突然出現一種傳染性極高病毒。Photo from 《愛‧回家之開心速遞》

古代出現封城、限聚集令...

措施都好「熟口面」,包括由即時起封城,密切接觸者需自我居家隔離14日、客棧有機會被徵用為隔離旅館、商舖只作有限度營業:茶館和酒館禁止堂食,只許外賣。

官府宣布即時執行一系列防疫措施。Photo from 《愛‧回家之開心速遞》

官府有機會需征用客棧。Photo from 《愛‧回家之開心速遞》

古代都要禁堂食!Photo from 《愛‧回家之開心速遞》

除此,官府更實施限聚集令,兩人以上聚集就會被罰銀五十兩。而當時以4人同行嘅主角們,都立即被官府人員呼喝警告。

四個人行埋一齊已觸犯法例。Photo from 《愛‧回家之開心速遞》

「清白護照」影射疫苗通行證?

接著,眾人在客棧內商討如何找出有病徵嘅客人,當中提及要為客人進行強制檢測,通過檢測嘅人將獲得「清白護照」,未能通過嘅人則要被官府押走。對此,有網民都認為「清白護照」似足現實嘅「疫苗通行證」,而上述措施都好有熟悉感。

劇情提及清白護照嘅作用。Photo from 《愛‧回家之開心速遞》

被困客棧嘅客人都需要進行強制檢測。Photo from 《愛‧回家之開心速遞》

連古代人都抗拒隔離

其後,有客人被懷疑中招,客棧立即召喚防疫轎將對方送往隔離,可見有兩名身穿類似PPE保護衣嘅人員強行帶走該客人,對方更反抗大叫:「我真係無中毒㗎!醫館入面全部都係中曬殭屍病毒嘅病人,我入去實被感染!」

廣告
廣告

有疑似中招折不想被送去隔離。Photo from 《愛‧回家之開心速遞》

本身係客棧職員嘅金城安,即使發現自己有病徵都不敢上報,因為佢認為被送往隔離,時日無多嘅自己就會無機會再見家人。劇情令網民想起早前方艙醫院嘅各種傳聞,當時曾有人投訴,即使變回陰性,院方也不安排出院,令隔離人士不知何時才能回家。

金城安為咗唔去隔離,有症狀都唔講出嚟。Photo from 《愛‧回家之開心速遞》

菊花清殭錦囊=蓮花清瘟膠囊?

另外,劉丹更在劇中發明了「菊花清殭錦囊」,被問會否有副作用時,佢竟然回答:「無用㗎只係迷信玩意」。網民們都不禁聯想起「蓮花清瘟膠囊」,更留言笑稱  :「劉丹見字即走。」

劇中出現菊花清殭錦囊。Photo from 《愛‧回家之開心速遞》

食咗會唔會出事?Photo from 《愛‧回家之開心速遞》

點知係無用?!Photo from 《愛‧回家之開心速遞》

網民擔心編劇被炒

呢集《愛‧回家》在網上掀起廣泛討論,有網民坦言:「呢集真係癲,不過個編劇九成俾人炒」、「編劇被鬼上身」、「係唔係又要炒人?」雖然未知大台點睇,但可見今次劇情引起不少共鳴。

網民對劇情感驚訝。Photo from 連登討論區

網友擔心編劇被算賬。Photo from 連登討論區

又要炒人?Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel