余文樂邀吳彥祖拍自家節目 爆古天樂不停拍戲原因:佢當員工係家人

余文樂邀吳彥祖拍自家節目 爆古天樂不停拍戲原因:佢當員工係家人

娛樂新聞
By Cheryl on 21 Jun 2022
Digital Editor

余文樂在自家YouTube節目《Inside Out》新一集裡,邀請了吳彥祖擔任嘉賓,大談人生、事業和家庭等話題。余文樂更憶起與古天樂嘅一段對話,大爆對方不停拍戲嘅原因,係同責任感有關!

余文樂自家網上節目新一集邀來吳彥祖當嘉賓。Photo from 《Inside Out》截圖

吳彥祖亮相余文樂節目談生活態度

余文樂為了拍攝《Inside Out》第二季,專飛到美國找好友吳彥祖(Daniel)做嘉賓,二人笑指現在年紀大,當爸爸後減少了拍戲意欲。Daniel續稱,現時會想挑選質素有保證嘅劇本,貴精不貴多,達到work-life balance,佢亦想襯年老前玩賽車。除此,佢哋都唔想因長時間拍戲而喪失親子時光。

兩人在美國一間餐廳裡拍節目。Photo from 《Inside Out》截圖

余文樂坦言自己很注重家庭。Photo from 余文樂IG

兩人回憶初入行日子,由於當時還未數碼化,每天底片都非常有限,所以演出要很精準,可謂每一秒鐘都係錢,余文樂表示:「你不能講錯對白,因為你又要重新再拍,拍過就是錢。」Daniel以往聽到roll機聲,更會覺得「錢飛走了」,會特別緊張和專心。

Roll機聲一度會令Daniel特別緊張。Photo from 《Inside Out》截圖

余文樂爆古天樂不停拍戲原因

接著,二人談到電影投資人與演員之間嘅角力,投資者會作長線規劃,一直栽培某些演員,但演員未必每次都對劇本有興趣。余文樂之後提到古天樂要養好多人,佢曾問過古仔點解賺咁多、咁疲倦仲唔停一下,對方直言:「你以為我唔想停嗎?你知道我一個月要畀幾多人工員工嗎?如果我唔做,我公司嘅人就無工作。」期間,余文樂有爆古仔每月支付嘅薪金金額,雖然有消音,但憑口型睇,相信係400萬元,一年就要近半億。

古天樂真係好關心員工生計~Photo from 《Inside Out》截圖

廣告
廣告

余文樂提及一次和古天樂嘅對話。Photo from 《反貪風暴》劇照

余文樂指,古天樂已將員工視為家人,亦想為本地電影圈作出貢獻,「佢覺得拍多套戲,就有更多就業機會。」所以,電影投資對古天樂來說並非只為賺錢,同時更代表著多種責任。

余文樂表示,古仔出於多種責任心而不斷工作。Photo from 商業電台

吳彥祖出道10年決定學演戲

其後,Daniel談及學演戲嘅事。佢在2007年時已入行10年,但從未到專門學校學表演,所以就想去上堂,睇下一直自學嘅方法對不對,於是佢前往紐約著名戲劇學院「Lee Strasberg Theatre and Film Institute」修讀表演系,相當好學。現時定居美國嘅Daniel,在當地亦有不錯發展,並將亮相人氣HBO科幻劇《Westworld》第四季,好多粉絲都非常期待。

吳彥祖有份參演新《Westworld》.Photo from HBO

在預告片中有兩個鏡頭好有型。Photo from HBO

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel