樂富一日遊!新手行山路線~20分鐘登頂格仔山+文青主題市集!

樂富一日遊!新手行山路線~20分鐘登頂格仔山+文青主題市集!

香港好去處 【區區遊】
By nicole lam on 28 Jun 2022
Senior Editor

世紀難題「今個Weekend去邊好?」,男朋友想去行山,女朋友又想去行市集,點揀好!所謂小朋友先要做選擇,去樂富就可以全都要!今個星期不如輕輕鬆鬆去九龍中出名易行,20-30分鐘登頂嘅格仔山,欣賞九龍城區景色,其後折返樂富廣場參與期間限定嘅文青市集啦!

要上格仔山大約只需20-30分鐘就可以登頂,絕對係新手都可以輕鬆Handle到嘅路線!格仔山以紅白方格以及九龍城區景色著名,而山上之所以有紅白格油漆,係因為當年飛機喺舊啟德機場降落前,會先掠過格仔山附近,而呢個鮮明嘅標誌就係用作向機師指引飛機降落啟德機場,後來因啟德機場關閉,仲一度油上灰色,最近先重新油返紅白格仔。

有興趣上山觀賞嘅朋友仔,可以選擇由樂富地鐵站A出口出發,沿聯合道走到華德學校對面,有一條樓梯可上山。

沿聯合道走到華德學校對面出發。Photo from LINK

大約20分鐘就會到達樂富配水庫休憩花園。Photo from LINK

其後沿門外小路向下行。Photo from LINK

就可以見到格仔山嘅紅白方格,同一覽九龍城區嘅景色啦!Photo from LINK

格仔山紅白方格。Photo from LINK

一覽九龍城區景色。Photo from LINK

 

行完山,攰攰哋又餓餓哋,一於沿路折返去樂富廣場食好嘢,兼行吓期間推出嘅「樂.動Triple Up」市集Chill一Chill,仲有工作坊玩㖭!

奶蓋豆乳茶Photo from LINK

牛油果鰻魚玉子粢飯Photo from LINK

餐廳方面,推介新派豆乳主題店「豆乳狂人」,將傳統豆漿混合新式元素,推出新穎嘅飲品同甜品!除咗有各款口味嘅豆乳,仲有一系列罐裝豆乳茶、芋圓同鹹點栥飯等等!

地點:樂富廣場 A區 1樓1168-1170號舖

 

「樂.動Triple Up」活動Photo from LINK

今個6月至8月,樂富廣場將於每個周末舉辦「樂.動Triple Up」活動,每月都有一個主題,並推出一系列特色市集同工作坊,仲有小型音樂會,啱晒文青同山系朋友仔喺Weekend好好Chill一Chill,享受慢活時光!現場仲有露營車同營帳打卡位㖭!

現場有營帳打卡位。Photo from LINK

露營車打卡位。Photo from LINK

錯過咗啱啱6月嘅「山系營」唔緊要,仲有嚟緊7月嘅「啡聚營」同8月嘅「綠悠營」,一樣咁精彩:

 

啡迷必去!7月「啡聚營」

指定周末會有「SOFE COFFEE素啡工場」舉辦嘅「UNLOCK你的咖啡密碼」體驗。Photo from LINK

熱愛咖啡嘅朋友千祈唔可以錯過,因為到時會雲集多間本地特色咖啡店同零售商提供咖啡豆及咖啡用具,絕對係入貨好時機!另外,喺指定周末仲會有「SOFE COFFEE素啡工場」舉辦嘅「UNLOCK你的咖啡密碼」體驗,俾你按自己嘅性格、興趣挑選最適合嘅專屬口味手沖咖啡包,有興趣嘅啡迷記得Mark實時間啦!

「啡聚營」市集

日期:7月16、17、23、24日

時間:中午12時至7時

「咖啡渣種植工作坊」Photo from LINK

除咗咖啡試飲及市集外,仲有各款用咖啡渣做嘅工作坊,啱哂鍾意咖啡嘅你

「咖啡渣種植工作坊」

日期:2022年7月2、3日

時間:下午2時至4時

 

「咖啡渣蚊香工作坊」

日期:2022年7月9、10日

時間:下午2時至4時

 

「咖啡渣手工皂製作工作坊」

日期:2022年7月30、31日

時間:下午2時至5時

 

綠色生活!8月「綠悠營」

「空氣草擺設工作坊」Photo from LINK

「乾花小盆栽擺設工作坊」Photo from LINK

8月將有綠色主題市集,設有各種天然有機產品店,包括售賣小盆栽等,仲有Rooftop Republic提供嘅都市農莊有機農作物,一齊支持綠色生活!

「綠悠營」市集

日期:8月13、14、20、21日

時間:中午12時至7時

 

「空氣草擺設工作坊」

日期:2022年8月6、7日

時間:下午2時至4時

 

「乾花小盆栽擺設工作坊」

日期:2022年8月27、28日

時間:下午2時至4時

 

除咗市集,Chill Weekend又點少得Music啊?喺指定周末仲會有香港首間推廣玩音樂同創作音樂嘅社企「加油.音樂」,邀請年輕音樂人如Jaime Cheung 張天穎、樂隊Midnight Wander等齊齊現場表演音樂!

社企「加油.音樂」邀請年輕音樂人齊齊現場表演音樂!Photo from LINK

 

消費換超靚露營杯!

喺活動期間,於商場內消費即日單一電子消費滿HK$300,即可換領即日主題工作坊名額乙個,即日累積電子消費滿HK$500(其中一項為食肆消費),更可換領至「Chill」露「型」杯乙個!

LINKPhoto from LINK

至「Chill」露「型」杯Photo from LINK

快啲約埋朋友Weekend去格仔山行山兼去樂富廣場Chill Chill啦!

 

「樂動Triple Up」

地點:樂富廣場A區躍動休憩空間及3樓 (萬寧往Living Plaza 方向天橋)

日期:即日起至8月28日周末期間

工作坊名額及禮品數量有限,換完即止。

 

條款及細則:

1.樂富廣場 - 領展為是次活動的主辦單位。

2.活動截止時間為2022年7月4日 晚間23:59(香港時間),逾期恕不接受。

3.參加者必須於截止時間前已讚好本遊戲帖子,並按指示完成遊戲,方有機會獲獎。

4.每位參加者只可以參加一次,所有答案以截止時間為準,重覆提交的參加者會被取消資格而不作另行通知。

5.每個留言只可以有一個答案,如發現重覆、相同或非常近似的答案,將以較先留言的參加者為有效,其後重覆留言的參加者資格會被即時取消而不作另行通知。

6.如發現留言答案有任何不當的內容,包括但不限於抄襲、誹謗、辱罵、瀆神、冒犯、性目的、脅迫、騷擾、商業性、政治性非法資料、或違反或侵犯第三方權益之言論,樂富廣場 - 領展有權即時刪除有關留言而無須提供任何理由。

7.參加時間以本專頁伺服器後端記錄之遞交時間為準。因為任何電腦、網路等技術問題而引致參加者所遞交的資料有任何遲延、遺失、錯誤、無法辨識等情況,樂富廣場 - 領展無須負任何責任及保留最終決定權。

8.參加者一經留言,即表示完全同意遵守由主辦單位所訂立的條款及細則,並接受一切有關獎項之決定。

9.得獎結果將於2022年7月6日(星期三)或之前於私信通知得獎者,落選者恕不作另行通知。

10.得獎者須於指定日期、時間內到領取獎品,逾期作廢,恕未能安排其他領獎方法。其後主辦單位亦不會作出任何補償。

11.主辦單位會根據得獎者留言帳號,私信安排領取獎品信息,倘若主辦單位未能於指定日期前成功聯絡得奬者,則當作棄權論,其後主辦單位將不會作出任何補償。

14.資料如有任何不完整或偽造,主辦單位有權即時取消得獎資格而不作另行通知。所有資料將不會作任何商業宣傳之用途。

15.所有奬品不能兌換現金或其他獎品。

16.主辦單位並不對獎品及其品質作出任何聲明或保證,參加者亦不得因此向主辦單位作出任何追討。參加者如因獎品或參與遊戲而產生任何損失或傷害,主辦單位對參加者因本活動之一切有關索償概不負責或承擔任何責任

17.主辦單位及其廣告公司之員工不得參加是次活動,以示公允。

18.主辦單位及贊助商有權隨時更改是次活動的獎品、參加辦法、條款及細則而不作另行通知。

19.遊戲的玩法、條款及細則的最終解釋權均屬主辦單位所有,參加者不得異議。

20.本活動與Facebook不相關,並沒有由Facebook贊助、支持或管理

21.此活動所收集的資料只作聯絡得獎者及領獎時核實身份之用。

22.如有任何爭議,樂富廣場 - 領展保留一切最終決定權。

 

Text: HolidaySmart Editorial

Presented by: LINK

Photo source: LINK

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel