你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!

你好香港|北上藝人獲邀接受回歸25週年訪問!陳偉霆對黃河情有獨鍾/容祖兒到內地工作感到榮幸!

娛樂新聞
By Stephanie on 30 Jun 2022
Digital Content Writer

為慶祝7月1日香港回歸25週年,內地傳媒《人民日報》推出《你好,香港》系列嘅人物訪談短片,並邀請咗香港各界嘅名人講述25年來嘅變化,當中歌手容祖兒謝霆鋒陳偉霆、金牌經理人霍汶希(Mani)等娛樂圈嘅名人都有份受訪。

為慶祝香港回歸25週年,內地官媒《人民日報》接連推出《你好,香港》嘅訪談短片!Photo from 《你好,香港》

《你好,香港》邀請香港各界名人接受訪問!

聽日(7月1日)就係香港回歸25週年,而內地官媒《人民日報》早前就陸續推出《你好,香港》系列嘅單獨訪談短片,邀請咗香港各界嘅名人等佢哋講述喺香港嘅經歷及變化。當中亦有唔少娛樂圈嘅藝人獲得邀請,不過大部分受訪嘅藝人都已經北上發展。

內地媒體訪問香港各界名人,等佢哋分享自己喺香港回歸後嘅變化及經歷。Photo from 《你好,香港》

容祖兒:回歸後我的人生改變了好多

容祖兒率先分享香港回歸後,自己身上嘅巨大變化「97之前我還是一個求學的學生,但是踏入1997後我的人生就改變了這麼多。」佢憶述2004年第一次去內地工作,出席春節聯歡晚會演唱成名歌《揮著翅膀的女孩》,能夠初上內地春晚嘅大舞台感到非常震撼,認為能夠獲邀出席「簡直是個夢」!

容祖兒坦承香港回歸後自己嘅變化非常大!Photo from 《你好,香港》

佢亦提起2004年首次返內地工作,並出席大型嘅春節晚會!Photo from 《你好,香港》

近年佢喺內地嘅工作量越來越多,佢表示希望成為橋樑「把我在香港累積的經驗分享給內地的朋友,希望以後再把在這裏(內地)得到的帶回香港」,希望能夠把握推廣港樂嘅機會!

容祖兒覺得現時成日返內地工作,希望可以變成橋樑,傳遞內地及香港嘅音樂Photo from 《你好,香港》

認為自己要把握推廣香港音樂嘅機會Photo from 《你好,香港》

謝霆鋒認為自己有責任推廣中餐!

最近成為動作導演嘅謝霆鋒認為現時越來越少動作電影,而且動作演員嘅數量好少,感到十分可惜;強調內地功夫及香港動作電影係佢會用最大嘅努力去保留嘅!而熱愛展示廚藝嘅佢覺得推廣中式菜嘅重要性,認為菜色之所以咁好食係因為歷史悠久,認為自己有責任將菜色發揚光大,仲講到眼濕濕,似乎真係好愛中菜~

對內地及香港嘅動作電影大大減少而感到憂慮Photo from 《你好,香港》

鍾意煮食嘅謝霆鋒表示希望都可以將中菜好好推廣出去!Photo from 《你好,香港》

陳偉霆激動到訪黃河!

陳偉霆一開始就好感恩咁話「覺得自己很幸運,因為我在一個最好的時代、最好的地方」,認為大家只要唔放棄就能夠順利獲得想要嘅東西!佢亦話小時候經常都會喺課本上見到內地著名嘅景點,當時身在香港嘅佢會覺得同佢哋十分遙遠。直到最近佢因為工作有機會親身到訪黃河,佢就忍唔住走近黃河摸一下啲水「我終於碰到你了」情緒激動!

佢講述最近有機會到訪黃河,仲忍唔住去摸下啲水!Photo from 《你好,香港》

陳偉霆表示自己曾煩惱應該喺香港或內地定居,最終選擇於北京居住,認為該地方能夠提供「家的感覺」俾佢!

陳偉霆最終選擇喺北京居住!Photo from 《你好,香港》

佢解釋選擇居住北京嘅理由Photo from 《你好,香港》

霍汶希上年全面搬到內地居住

著名經理人霍汶希(Mani)喺香港事業發展順利,直到2011年決定返內地工作,而佢就話當時係希望可以將香港市場同其他更大嘅地方作出交流。然而,佢回憶起剛剛到內地由零開始嘅辛酸「從低做起,每日好似場記咁執頭執尾」,最終都成功建立自己嘅事業!而佢話自己上年已經全面搬去北京居住,大讚當地環境同人都好好!

霍汶希2011年選擇返內地工作,全因想將香港文化同其他地方融合!Photo from 《你好,香港》

Mani上年已經帶同囡囡全面搬去內地居住!Photo from 《你好,香港》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《斛珠夫人》陳偉霆古裝造型劣評如潮?超高髮際線+觸鬚瀏海!破顏值新低

4 Nov , 2021

陳偉霆(William)楊冪主演嘅古裝劇《斛珠夫人》即將開播,日前公開咗預告片,隨即引起網友熱議,喺內地人氣爆燈嘅William罕有被指造型唔好睇,有網友更直言佢喺劇中嘅髮型十分奇怪!

陳偉霆(William)同楊冪主演嘅古裝劇《斛珠夫人》即將開播Photo from 《斛珠夫人》

陳偉霆內地爆紅,片酬曾高達1億

現年35歲嘅陳偉霆2013年北上發展,出演《古劍奇譚》後慢慢累積人氣,目前喺內地佢已躋身成一線小生,微博粉絲超高4,000萬。

現年35歲嘅陳偉霆2013年北上發展,微博粉絲超高4,000萬。Photo from 《斛珠夫人》

晉身成炙手可熱嘅男星,人氣高企William佢身價暴脹,有指佢拍劇片酬曾高達1億,不過喺「限薪令」同疫情影響下,傳新劇《斛珠夫人》佢嘅片酬大減7成,由1億減至3千萬人民幣。

晉身成炙手可熱嘅男星,人氣高企William佢身價暴脹,有指佢拍劇片酬曾高達1億Photo from 《活色生香》

楊冪陳偉霆主演古裝重頭劇《斛珠夫人》劇情曝光

《斛珠夫人》改編自同名小說,由內地一線花旦楊冪擔演第一女主角,而陳偉霆則出演男主角,係內地2021年嘅重頭劇。有楊冪同陳偉霆做主角,早喺開播之前已有唔少網民十分期待。

《斛珠夫人》改編自同名小說,由內地一線花旦楊冪擔演第一女主角,而陳偉霆則出演男主角Photo from 《斛珠夫人》

廣告
廣告

楊冪飾演父母雙亡嘅少女「海市」,被陳偉霆飾演嘅第一權臣「方諸」所救,於是男扮女裝,成為方諸嘅徒弟,兩人其後互生情愫,不過後來因為朝廷陰謀,楊冪飾演嘅「海市」最終入官為妃。

楊冪飾演父母雙亡嘅少女「海市」Photo from 《斛珠夫人》

陳偉霆飾演第一權臣「方諸」Photo from 《斛珠夫人》

楊冪、陳偉霆兩人於劇中互生情愫,不過後來因為朝廷陰謀,楊冪飾演嘅「海市」最終入官為妃。Photo from 《斛珠夫人》

《斛珠夫人》預告公開,陳偉霆披髮造型被批奇怪

近日片方公開咗預告片,即時掀起網友熱議。陳偉霆嘅角色背負住整個朝廷,平時亦十分嚴肅,佢喺預告有唔同嘅造型,但就被網友嫌棄,直言佢新劇造型唔掂!

陳偉霆嘅角色背負住整個朝廷,平時亦十分嚴肅Photo from 《斛珠夫人》

其實陳偉霆嘅束冠造型都算正常,但披髮就被網友狂批,原因係披髮留咗兩條好似負離子咁直嘅「昆蟲觸鬚瀏海」,再加上超高嘅髮際線,網友直言造型非常違和,而且令額頭更加突出。

陳偉霆嘅束冠造型都算正常Photo from 《斛珠夫人》

陳偉霆披髮造型被網友狂批Photo from 《斛珠夫人》

陳偉霆披髮留咗兩條好似負離子咁直嘅「昆蟲觸鬚瀏海」Photo from 《斛珠夫人》

昆蟲觸鬚瀏海加上超高嘅髮際線,網友直言造型陳偉霆非常違和Photo from 《斛珠夫人》

不過內地古裝劇唔少男演員都係呢種髮型,甚至林峯喺17年前嘅電視劇《大唐雙龍傳》都係留昆蟲觸鬚瀏海,陳偉霆呢個髮型應該尚算合理。

內地古裝劇唔少男演員都係呢種髮型Photo from 《陳情令》

《香蜜沉沉燼如霜》嘅男二都有留「昆蟲觸鬚瀏海」Photo from 《香蜜沉沉燼如霜》

林峯喺17年前嘅電視劇《大唐雙龍傳》都係類似嘅髮型Photo from 《大唐雙龍傳》

但唔知係咪因為個頭套太緊,十分貼頭皮,顯得臉型浮腫,有網友質疑頭套細咗一個碼,搞到陳偉霆面部比例更大。

唔知係咪因為個頭套太緊,十分貼頭皮,顯得陳偉霆臉型浮腫Photo from 《斛珠夫人》

有網友質疑頭套細咗一個碼,搞到陳偉霆面部比例更大。Photo from 《斛珠夫人》

網民發現《斛珠夫人》後製幫楊冪「P圖修眉」

《斛珠夫人》喺1年前已公開過先導預告,最新發佈嘅「煉情版預告」就有眼利網民發現劇組後製竟然幫手P圖,為女主角楊冪修眉!

先導預告:

《斛珠夫人》喺1年前已公開過先導預告Photo from 《斛珠夫人》

煉情版預告:

最新發佈嘅《斛珠夫人》「煉情版預告」就有眼利網民發現劇組後製竟然幫手P圖,為女主角楊冪修眉!Photo from 《斛珠夫人》

對比先導預告同煉情版預告,楊冪嘅眉毛明顯變得更精緻,除咗感歎後製嘅功力外,亦不得不佩服網友強大嘅觀察力。

先導預告:

《斛珠夫人》先導預告中,楊冪嘅眉毛十分自然Photo from 《斛珠夫人》

煉情版預告:

對比先導預告同煉情版預告,楊冪嘅眉毛明顯變得更精緻Photo from 《斛珠夫人》

《斛珠夫人》楊冪五官顯得非常精緻Photo from 《斛珠夫人》

陳偉霆髮型常有突破

陳偉霆一向喺髮型上經常尋求突破,唔單止染過各式各樣嘅髮色:粉紅色、藍色、橙色,又試過剪平頭,反應都唔錯,網友仲大讚佢咩髮型都carry到,今次呢個「負離子披髮造型」劣評如潮,有網民表示佢唔適合古裝。

陳偉霆一向喺髮型上經常尋求突破,唔單止染過各式各樣嘅髮色Photo from 陳偉霆微博

陳偉霆試過剪平頭Photo from 陳偉霆微博

網友大讚陳偉霆咩髮型都carry到Photo from 陳偉霆微博

今次呢個「負離子披髮造型」劣評如潮,有網民表示陳偉霆唔適合古裝。Photo from 豆瓣

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel