「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!

「星女郎」黃聖依自爆每日幫丈夫洗腳?!嫁入豪門隱婚8年,居住逾7千呎豪宅!

娛樂新聞
By Stephanie on 05 Jul 2022
Digital Content Writer

39歲內地女星黃聖依曾經係「星女郎」,2004年因為拍攝電影《功夫》而獲周星馳力捧。近年,佢就同丈夫楊子夫妻檔直播帶貨搵真銀。最近,佢拍片分享同丈夫相處嘅日常,仲話自己每日都會幫丈夫洗腳,自爆嫁入豪門嘅背後辛酸?!

「星女郎」黃聖依現時主要同丈夫一齊直播帶貨賺錢~Photo from 黃聖依微博

昔日「星女郎」黃聖依憑《功夫》一夜爆紅!

內地女演員黃聖依過往憑電影《功夫》啞女「阿芳」一角而爆紅,入圍第24屆香港金像獎最佳新人獎,後來仲獲周星馳力捧,成為其中一位「星女郎」~然而,喺2005年佢突然以合約問題要求同公司解約,雙方對簿公堂。最終,黃聖依向周星馳道歉,對方僅僅以一句「沒空」回應。

黃聖依2004年因為拍攝電影《功夫》而人氣急升!Photo from 《功夫》

當年黃聖依獲得周星馳賞析,力捧做「星女郎」~Photo from 《功夫》

與億萬富豪結婚,居住逾7千呎豪宅!

2007年,黃聖依與擁有10億身家嘅企業家楊子結婚,二人育有兩名兒子。一家人居住喺位於河北嘅7,500呎豪宅,曾經喺真人騷《媽媽是超人3》中公開豪宅內部,裡面小型室內遊樂園、戶外滑雪場等,令唔少網民感到震驚!

2007年,黃聖依同億萬富豪楊子結婚。Photo from 黃聖依微博

一家人居住逾7千呎嘅豪宅內!Photo from 《媽媽是超人3》

奶奶非常疼愛孫子,仲為佢打造戶外滑雪場Photo from 《媽媽是超人3》

黃聖依日日都會幫丈夫洗腳?

曾經係「星女郎」嘅黃聖依喺內地人氣依然唔錯,近年經常同丈夫直播帶貨,夫妻檔一齊賺錢。當中佢影片內容亦無意中暴露夫婦之間嘅日常生活,最令網民驚訝嘅係佢竟然會跪低幫丈夫洗腳?!從影片中所見,佢一邊幫丈夫按摩腳底,一邊貼心詢問「水溫可以嗎?」;不過丈夫就以一句「你什麼時候每天給我洗了?」,大爆老婆係為咗喺奶奶面前展示而咁講~

黃聖依拍片表示自己日日都會幫老公洗腳?!Photo from 黃聖依抖音

而奶奶見到就立刻叫停佢,事後丈夫似乎暗示黃聖依並非日日幫佢洗腳?!Photo from 黃聖依抖音

網民反應兩極

而唔少網民都留言大讚奶奶非常疼愛黃聖依,仲大讚佢係好老婆;但部份網民覺得呢類型夫婦日常因片嘅內容太「離地」,唔夠真實「手都沒沾到水、下次要認真點!」

網民反應不同,部份網民就覺得只係為拍片而做。Photo from 黃聖依抖音

黃聖依深得奶奶歡心

過往黃聖依曾經同奶奶一齊出演真人騷《婆婆和媽媽2》,當時佢自爆結婚14年從來冇試過同奶奶單獨相處過,原因係丈夫屋企嘅成員就多達106人!而佢曾透露新年期間只係斟水就已經斟到手痛「一到過年,端水大師的日常就是端106杯水」,並且幫奶奶洗內衣、洗澡等,亦難怪奶奶會如此疼愛佢~

黃聖依曾表示結婚14年從來冇同奶奶獨處,全因丈夫家人數量太多!Photo from 黃聖依微博

黃聖依平時對奶奶都呵護備至,令奶奶非常感動!Photo from 《婆婆和媽媽2》

同丈夫隱婚長達8年!

事實上黃聖依同楊子喺2006年就傳出緋聞,然而二人否認,因為楊子以前曾經有過一段婚姻,而黃聖依亦因此被外界誤會係「第三者」。喺2012年,仲傳出黃聖依喺加拿大秘密誕子嘅消息;直到2015年,黃聖依帶同兒子出席丈夫父親嘅喪禮,才令二人嘅夫婦關係曝光,而佢哋坦承已經喺2007年結婚!

黃聖依與丈夫楊子隱藏婚姻關係長達8年!Photo from 《婆婆和媽媽2》

二人喺2015年先對外證實夫妻關係,而兩人甜蜜嘅感情羨煞旁人!Photo from 《婆婆和媽媽2》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

何超蓮大爆賭王豪門秘辛!稱屋企有錢是原罪,細個自覺好窮

16 Jun , 2022

已故賭王何鴻燊三房女兒何超蓮向來獲譽為「最美千金」,佢近日出演訪談節目《不止於她第二季》,大爆自己成長經歷,稱靠自己創業遇上唔少困難,又大爆同爸爸賭王嘅往事,透露媽媽三太當初並非主動接近賭王。

已故賭王何鴻燊三房女兒何超蓮向來獲譽為「最美千金」Photo from 何超蓮微博

何超蓮近日出演訪談節目《不止於她第二季》,大爆自己成長經歷Photo from 何超蓮微博

何超蓮指賭王何鴻燊中意子女孝順

主持人提到賭王有好多子女,問超蓮幾耐會見爸爸一次,何超蓮即回:「每天都見啊!」又指一日會見爸爸兩、三次:「沒有你們想的那麼慘。」佢又直言爸爸特別寵佢嘅原因好膚淺:「因為我爸喜歡孝順跟漂亮的。」佢指自己好重視家庭,亦好孝順。

主持人提到賭王有好多子女,問超蓮幾耐會見爸爸一次,何超蓮即回:「每天都見啊!」Photo from 《不止於她第二季》

何超蓮直言爸爸特別寵佢嘅原因好膚淺:「因為我爸喜歡孝順跟漂亮的。」Photo from 《不止於她第二季》

廣告
廣告

超蓮指細個家姐、細佬都去澳洲讀書,三太都跟埋去,而佢留喺香港,爸爸賭王每日都會幫佢睇功課,又安排補習等,十分上心。超蓮稱賭王生佢嘅時候已經70歲,事業上已經發展得非常穩定,所以有時間專注家庭。

超蓮指爸爸賭王每日都會幫佢睇功課,又安排補習等,十分上心Photo from 《不止於她第二季》

大爆賭王曾被暗算,超重視子女安全

爸爸身為賭王,當然見慣唔少風浪,何超蓮表示賭王被暗算過3次,所以細個住新葡京酒店都有保鏢保護佢哋嘅安全:「門口要有一個保鏢、走廊跟電梯位置還有一個。」

爸爸身為賭王,當然見慣唔少風浪Photo from 《對照記》

何超蓮表示賭王被暗算過3次,所以細個住新葡京酒店都有保鏢保護佢哋嘅安全Photo from 《不止於她第二季》

超蓮指爸爸十分關心子女嘅安全,佢表示自己細個想去澳門旅遊塔玩skywalk,換晒裝備後被拒絕入內,原來賭王設立咗一個名單畀旅遊塔,所有子女都唔可以玩呢種活動,超蓮稱:「他自己覺得危險,然後就不讓我們跳。」

超蓮指爸爸十分關心子女嘅安全Photo from 《不止於她第二季》

賭王設立咗一個名單畀旅遊塔,所有子女都唔可以玩呢種活動Photo from 《不止於她第二季》

何超蓮自爆家族生意無話事權,坦言自己無野心

何超蓮帶主持人觀光時提到四房二兒子何猷亨準備嘅上葡京即將開幕,主持人問賭王咁多房兒女係如何分工,係咪開會商量邊個負責做咩事,超蓮直言:「這都不是我們說了算的啦!」佢指上葡京係四太嘅項目,由對方搵人負責,不過當主持問如果遇到佢唔感興趣嘅項目可唔可以拒絕,超蓮亦坦言:「不太能。」

何超蓮帶主持人觀光時提到四房二兒子何猷亨準備嘅上葡京即將開幕Photo from 何猷君微博

主持人問賭王咁多房兒女係如何分工,係咪開會商量邊個負責做咩事,超蓮直言:「這都不是我們說了算的啦!」Photo from 《不止於她第二季》

超蓮指上葡京係四太嘅項目,由對方搵人負責Photo from 《不止於她第二季》

主持問賭王有無同子女講要守住佢嘅事業,超蓮表示:「他可能跟超瓊說了,不會和我說。」超蓮指佢有負責嘅項目就一定會管理好,但唔會主動要求:「我也沒那個野心。」雖然超蓮對家族生意無咩野心,但佢對創業卻有好大熱情,至今有開過牛肉麵店、經營潮牌服飾等。

主持問賭王有無同子女講要守住佢嘅事業,超蓮表示:「他可能跟超瓊說了,不會和我說。」Photo from 《不止於她第二季》

雖然超蓮對家族生意無咩野心,但佢對創業卻有好大熱情,至今有開過牛肉麵店、經營潮牌服飾等。Photo from 何超蓮微博

何超蓮自稱好窮,指屋企有錢是原罪?

佢提到自己開嘅第一間牛肉麵店好受歡迎,有意再喺九龍開分店,但咁啱新冠疫情開始爆發,當時賭王過身第二日佢就親自去同商場方開會,希望有誠意啲,打算商量可以減租,點知對方反問:「你不會沒錢交租吧?!」仲諗住加租,令佢大為吃驚,認為喺疫情下仲要加租係不可接受:「為甚麼要因為我的家庭背景這樣子對我?」

超蓮提到自己開嘅第一間牛肉麵店好受歡迎,有意再喺九龍開分店,但咁啱新冠疫情開始爆發,當時賭王過身第二日佢就親自去同商場方開會,希望有誠意啲Photo from 《不止於她第二季》

超蓮打算同商場方面商量可以減租,點知對方反問:「你不會沒錢交租吧?!」仲諗住加租,令佢大為吃驚Photo from 《不止於她第二季》

超蓮指當時全香港人都知佢爸爸啱啱離世第二日就咁對佢:「太欺負人了。」佢表示自此之後佢從來唔會親自同人開會,超蓮稱現時佢喺香港嘅產業仲蝕緊錢:「我是真的很窮。」佢指自己出去同人傾嘅價格永遠比其他人高:「我媽說這就是因為你家裡面有錢,這是原罪。」

超蓮稱現時佢喺香港嘅產業仲蝕緊錢:「我是真的很窮。」Photo from 《不止於她第二季》

超蓮指自己出去同人傾嘅價格永遠比其他人高:「我媽說這就是因為你家裡面有錢,這是原罪。」Photo from 《不止於她第二季》

三太並非主動接近賭王,而係由大房太太撮合

之後超蓮指佢並非讀貴族學校,三太幫佢報讀嘅係普通政府學校,而且只畀好少零用錢佢,一個星期得$10蚊,令佢覺得自己好窮:「並沒有覺得自己很有錢。」

超蓮指佢並非讀貴族學校,三太幫佢報讀嘅係普通政府學校,只畀好少零用錢佢Photo from 《不止於她第二季》

超蓮仲大爆三太同爸爸賭王嘅愛情故事,佢指三太年輕時好靚好多人追求,但佢一心只想工作,後來做賭王大太太嘅看護:「她(三太)還在那死心眼的工作。」、「是大太太覺得她(三太)真的很可靠又乖、又很漂亮,又覺得我爸好像很喜歡她。」

超蓮仲大爆三太同爸爸賭王嘅愛情故事Photo from 何超蓮微博

超蓮指三太年輕時好靚好多人追求,但佢一心只想工作Photo from 《不止於她第二季》

後來做賭王大太太嘅看護:「她(三太)還在那死心眼的工作。」Photo from 《不止於她第二季》

超蓮:「是大太太覺得她(三太)真的很可靠又乖、又很漂亮,又覺得我爸好像很喜歡她。」Photo from 何超蓮IG

超蓮指重點係唔係三太主動搵賭王,而係賭王先鍾意三太,然後大太太幫佢哋製造機會:「(大太太)跟我媽說希望你能幫我照顧好他(賭王),因為我也沒辦法照顧他到老,所以(賭王同三太)才在一起的。」稱賭王係三太嘅初戀,佢指喺賭王呢個咁複雜嘅家庭,三太咁多年承受好多壓力,大讚媽媽好偉大。

超蓮指重點係唔係三太主動搵賭王,而係賭王先鍾意三太Photo from 《不止於她第二季》

超蓮稱大太太幫佢哋製造機會:「(大太太)跟我媽說希望你能幫我照顧好他(賭王),因為我也沒辦法照顧他到老,所以(賭王同三太)才在一起的。」Photo from 《不止於她第二季》

超蓮表示賭王係三太嘅初戀,佢指喺賭王呢個咁複雜嘅家庭,三太咁多年承受好多壓力,大讚媽媽好偉大。Photo from 《不止於她第二季》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel