東張西望|老人院女負責人想將86歲伯伯財產據為己有?要求與家姐結婚!利用美人計成功奪取歡心?

東張西望|老人院女負責人想將86歲伯伯財產據為己有?要求與家姐結婚!利用美人計成功奪取歡心?

時事熱話 生活熱話
By Stephanie on 14 Jul 2022
Digital Content Writer

早前《東張西望》曾報導有關聾啞女被女保安奪取公屋單位一事,估唔到同類事件再次出現!最新一集節目組訪問陳太太,佢指二伯因為生病曾短暫居住於老人院。然而,老人院負責人阿玲突然向佢哋提議俾二伯假結婚,希望可以俾佢姐姐申請來港,後來仲變本加厲要求二伯將房屋賣俾佢哋?!

最新一集《東張西望》陳太就表示二伯被老人院負責人慫恿與家姐結婚?!Photo from 《東張西望》

2019年二伯因患病短暫於老人院居住

陳太太(化名)表示多年裡啊經常都會去探望獨居嘅二伯,同佢感情十分好。直到2019年二伯生病,所以陳太太就喺附近尋找一間老人院,希望俾佢暫住養病。然而,二伯入住老人院不久後卻發生各種事情!

陳太表示同二伯本身關係融洽,經常都會探望獨居嘅佢。Photo from 《東張西望》

老人院負責人要求二伯同姐姐假結婚?!

有一日,老人院負責人「阿玲」居然向陳太建議俾二伯假結婚,希望可以俾佢家姐順利申請來港居住;其後突然叫二伯將房屋賣咗俾佢哋,不過陳太就堅拒賣樓,指二伯好返之後將會搬回家中居住。眼見以上嘅方法都並唔可行,「阿玲」就開始施展「美人計」,各種行為都令陳太睇到好嬲!

2019年,二伯因為生病所以佢哋就尋找附近嘅老人院,俾佢好好養病Photo from 《東張西望》

陳太憶述有一次見到「阿玲」親密地坐喺床邊摟住二伯嘅腰,而陳太立刻詢問「點解要咁」,而對方就指二伯因為扭傷條腰需要攙扶。過咗5個月後,二伯亦痊癒回到家中居住,點知「阿玲」依然不停私底下聯絡二伯獻殷勤,目的就係為咗要對方收留剛剛來港嘅家姐「阿娟」!

阿玲曾經親暱地摟住二伯條腰,指因為對方扭傷腰先咁做?!Photo from 《東張西望》

喺二伯離開老人院後,阿娟依然不停聯絡對方,目的係想對方收留家姐!Photo from 《東張西望》

目的只為二伯收留剛來港家姐「阿娟」!

「阿玲」不停向二伯講述家姐可憐嘅處境,而二伯就從來都冇答應過要收留「阿娟」。然而,對方卻突然搬咗入二伯屋企住;而二伯就表示「佢直接搬晒啲傢俬上嚟」,亦覺得報警處理十分麻煩,所以任由對方繼續居住。

阿玲不停向二伯講家姐嘅處境非常可憐!Photo from 《東張西望》

而二伯就表示對方突然就搬咗去佢屋企居住!Photo from 《東張西望》

而阿娟就繼續喺二伯屋企住,至於有冇交租亦唔太清楚!Photo from 《東張西望》

二人突然開聯名帳戶,並轉移二伯資產到戶口!

更不尋常嘅事情再次發生!二伯嘅銀行戶口本身係同陳太嘅兒子聯名所開嘅,裡面大約有一百萬;但陳太發現二伯竟然同阿娟一齊聯名開咗第二個戶口!陳太指阿娟同二伯聯名嘅戶口本身只係得$2,000,一個星期後就將二伯原先嘅聯名戶口取消咗,並將所有金額轉到二人全新嘅戶口。

二伯同阿娟聯名開咗新戶口,初時只係得二千幾蚊!Photo from 《東張西望》

但係過咗幾日,阿娟就將二伯本身嘅聯名戶口取消咗,仲將裡面嘅100萬轉入全新開嘅戶口入面!Photo from 《東張西望》

陳太發現阿娟真正身份?!

由於二伯本身就非常著重金錢,陳太認為佢並唔會無緣無故將金錢轉到剛剛認識嘅女人手中,所以佢亦更加懷疑對方係有目的地接近二伯!其後,佢喺二伯屋企發現阿娟嘅手寫筆記,裡面寫咗唔少「行銷策略」,包括:「倒行逆施」、「用方向解決問題」等,似乎非常有計劃?!

陳太表示二伯一向都非常著重金錢嘅去向,咁樣嘅行為十分反常!Photo from 《東張西望》

之後,陳太喺二伯屋企發現阿娟嘅行銷筆記?!Photo from 《東張西望》

與二伯排期結婚!

而陳太就坦承自從阿娟搬咗去同二伯居住,佢哋同二伯嘅關係亦逐漸疏遠「想搵二伯,阿娟都會話佢唔喺屋企」,甚至連二伯住院都並唔知情!而阿娟仲向佢哋展示與二伯嘅擬結婚通知書,表示已經排期打算上年年尾結婚。

而阿娟入住二伯屋企後,陳太亦同二伯嘅關係變得疏離?!Photo from 《東張西望》

直到有一日,阿娟向佢哋展示擬結婚通知書!Photo from 《東張西望》

二伯向陳太堅稱:從沒答應結婚!

陳太曾詢問二伯是否與阿娟發展成情侶關係,而佢就否認「阿玲催我快啲出院,話搞緊同阿娟結婚嘅嘢」,事實上二伯表示從來冇答應要同阿娟結婚!

二伯堅拒否認同阿娟係情侶關係,仲話被催促盡快出院結婚!Photo from 《東張西望》

陳太就話二伯話並冇答應過要結婚!Photo from 《東張西望》

廣告
廣告

但二伯似乎同阿娟關係不錯?!

另一邊,節目組就獲得一段二伯喺醫院時同阿娟嘅視訊對話,情況似乎又同陳太所講嘅有啲唔同?!只見阿娟熱情咁話「今日見到你(二伯)我好開心」、「一個星期淨係可以見你一次」等,而二伯亦表現得十分受落。

節目組獲得一段阿娟與二伯嘅視訊對話!Photo from 《東張西望》

只見阿娟好熱情咁話要把握同二伯見面嘅機會,並且會帶食物探訪佢;二伯亦似乎非常開心Photo from 《東張西望》

二伯住院期間,阿娟不停要求做二伯監護人!

陳太曾當面與阿娟對質,當對方卻一直唔肯出聲。與此同時,86歲嘅二伯當時被發現患上早期嘅認知障礙,令陳太更擔心二伯會因此而做錯決定!而阿娟繼續「變本加厲」,要求成為二伯嘅監護人,而陳太就質疑對方做監護人只係為咗「操控」二伯嘅所有財物?!

86歲嘅二伯後期被發現有初期認知障礙!Photo from 《東張西望》

而阿娟仲不停寫信俾二伯主治醫生,希望成為對方嘅監護人!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望︳利穎怡直擊新宿譚仔三哥!受訪者不滿發文爆拍攝事前未通知店方

29 Jun , 2022

日本6月10日宣布恢復外國遊客入境,但只限旅行團,自由行暫未開放,早前《東張西望》主持利穎怡隨開關後首個香港往日本的旅行團出發,到北海道和東京採訪,行程共7日,期間到了位於新宿的譚仔三哥拍攝,不過有受訪者表示拍攝未經店方許可,在全不知情的狀態下被「上電視」,感到非常無奈,事件引起網民熱烈討論。

利穎怡與團隊到位於新宿的譚仔三哥拍攝。Photo from 《東張西望》節目

利穎怡與團隊隨旅行團出發,到北海道和東京採訪。Photo from 利穎怡IG

事主被出鏡超無奈

事源利穎怡找到一名當兼職的香港留學生訪問,留學生表示在當地做「譚仔姐姐」人工高,時薪有1300日元(約港幣$75),事後受訪者在Facebook發文表示不滿,暗指對方採訪手法有問題「冇同過我講我會上電視」、「全間舖頭冇人知TVB會嚟拍野」、「我真係好想死無啦啦被上東張西望」、「我打份工㗎咋你放過我啦」

團隊找了一名當兼職的香港留學生訪問。Photo from 《東張西望》節目

網民質疑團隊非法採訪

不少網民批評《東張西望》此做法不尊重店主和店員,表示在日本入店拍攝基本都要先經對方同意,亦有人質疑團隊用旅遊簽證進行非法採訪,加上日本有肖像權,未經對方許可攝錄屬違法行為,有人建議事主報警提告節目組,更有網民叫利穎怡出來解釋交代事件,不過兩者均未有回應。

有網民質疑節目非法進行採訪活動。‵Photo from 連登討論區

《東張西望》採訪手法有問題?

《東張西望》採訪手法向來備受爭議,利穎怡上月採訪美孚新邨「老鼠屋」事件時被受訪者襲擊,事件引起全城關注,有人認為受訪者打人顯然有錯,但亦有人指利穎怡窮追不捨的訪問手法不恰當,被襲是咎由自取。事後利穎怡在IG發長文回應事件,自言因此事留下陰影,一度暫停外景採訪工作。

利穎怡上月採訪美孚新邨「老鼠屋」事件被襲。Photo from 《東張西望》節目

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel