【Brother全新日系藍牙標籤機Hello Kitty機身超可愛~家用收納/返學/商用必備+書展優惠!】

【Brother全新日系藍牙標籤機Hello Kitty機身超可愛~家用收納/返學/商用必備+書展優惠!】

生活熱話 精選購物
By Twinky Chan on 19 Jul 2022
Project Editor

相信唔少媽媽對於「整理」、「收納」都略懂一二,畢竟東西擺放整齊,井然有序能帶嚟恬靜同療癒感。若然大家想屋企保持條理或小朋友學懂分類,小編力推一樣大人小朋友都必會愛上嘅收納神器。佢就係Brother全新推出嘅P-Touch Cube藍牙電子標籤機PTP300BTKN,細細一部就可以將物品分清楚、小朋友嘅個人物件亦易於辯認,最正嘅係能連接專屬標籤設計App 「Design&Print 2」,利用內置範本、字體自定標籤款式~機身仲有唔同公仔畀你揀,包括人見人愛嘅Hello Kitty、角落小夥伴想快人一步入手?就要把握7月20日至7月26日喺書展嘅Brother攤位,到時會推出書展優惠價(原價HK698)兼購買PTP300BTKN即送Hello Kitty超輕碳纖防UV縮骨雨傘一把 (價值HK169)^

 

#最美標籤機,唔再翻箱倒櫃搵嘢~人人變收納達人

要整理當然由小物開始,但好多時候,執拾完很快就打回原形~呢個時候,P-Touch Cube標籤機系列就啱哂大家,佢能應用喺日常唔同Moments,無論係家中各櫃桶、一式一樣嘅收納盒內嘅日用品、小朋友返學嘅文儀用品或者工作上嘅文檔,只要貼上標籤就一目了然,超易辨認,唔再需要翻箱倒櫃咁搵,加上可以列印3.5/6/9/12mm四種唔同寬度嘅標籤,方便大家因應唔同需要使用~仲要絲帶都印到,送禮就更加有感啦!

無論家用收納、返學或工作,只要貼上標籤,東西就一目了然,超易辨認!Photo from Brother

新推出嘅PTP300BTKN淨白機身夠晒日系,細細部,相信追求簡潔嘅外型控一定愛不釋手!機身仲要係新形象登場嘅Hello Kitty,絕對滿足到童趣感十足嘅大人同小朋友用!於書展期間,各款P-Touch Cube藍牙電子標籤機PTP300BT都會以優惠價發售,而購買新推出嘅Hello Kitty款更另外送Hello Kitty超輕碳纖維防UV縮骨雨傘一把,價值HK169^!Hello Kitty迷唔好錯過啦~

全新藍牙電子標籤機PTP300BTKN機身印有萌爆Hello Kitty,大人小朋友一定鍾意!Photo from Brother

 

#專屬標籤設計App「Design&Print 2」~強大功能自製標籤更有感!

另外,不得不提PTP300BT嘅驚喜升級功能,佢係Brother首部智能手機專用嘅日系標籤機,只要用藍芽連接專屬標籤設計App  「Design&Print 2」就可享受多功能體驗及自定標籤嘅樂趣。Android™ 及iOS都兼容嘅「Design&Print 2」內置多款日常場景設計範本,當中包括廚房、收納、家庭辦公室、禮物等,令大家使用起嚟更方便快捷~而且備有多款唔同風格嘅字款、外框同超個1000款插圖,令你每一個標籤既實用同時,又不失視覺享受!仲可以同小朋友一齊製作屬於自己嘅標籤,增加親子時光!

 

而升級咗嘅 「Design&Print 2」仲有唔少貼心功能,包括文字掃描功能,免打字超方便~仲有强大嘅翻譯功能,支援100種以上嘅語言互譯,就連最熟悉嘅廣東話都可以,啱晒商戶製作說明標籤畀唔同人士閱讀!除咗文字輸入,大家仲可以喺「Design&Print 2」將URL、圖像、動畫等變成QR Code標籤列印加雲端分享𠻹,真係簡單易用又實用性爆登!

專屬標籤設計App 「Design&Print 2」內置強大功能,絕美範本、翻譯、雲端分享一一做到!Photo from Brother

 

#超耐用過膠保護標籤帶,點用都唔甩色~

PTP300BT唔單止智能十足,就連選用嘅Brother TZe過膠保護標籤帶都一絲不苟!考慮到大家各種用途而提供唔同顏色及尺寸,而標籤帶上亦有一層保護層,材質特意以防水、油、化學物質及抗高溫環境為賣點,完美做到防磨損或褪色!就算大家日日用酒精消毒抹都一樣無問題,真正超耐用!Brother嘅標籤帶黏力牢固之餘,撕落嚟仲唔會有殘膠,想隨時換標籤都超乾淨!仲要解析度高,打印出嚟嘅文字都唔會出現模糊嘅文字角!

Brother TZe過膠保護標籤帶,完美做到防磨損或褪色!超耐用!Photo from Brother

書展其他優惠仲包括另外兩款P-Touch Cube系列升級型號PTP710BTPTP910BT,分別支援加大寬度24mm及36mm標籤帶,能同時打印數張更多資料嘅標籤,使用時更靈活!而PTP910BT嘅解像度更去到360dpi,令資料顯示更清晰!

另外兩款P-Touch Cube系列升級型號PTP710BT及PTP910BT,支援加大寬度24mm及36mm標籤帶,使用時更靈活!Photo from Brother

 

#入門版PTD200,多款卡通人物畀你揀~

而Brother嘅標籤機一直深受大眾喜愛,喺書展期間除咗上文提及嘅P-Touch Cube系列有優惠之外,大人小朋友都喜愛嘅入門版PTD200系列都有書展優惠㗎!PTD200系列同樣輕巧易用,能夠以人體工學鍵盤輕鬆又快速地製作標籤!最正嘅係可以打印自己心愛嘅卡通圖案同邊框,當中Line Friends、多啦A夢、鬆弛熊同Snoopy款內置34種該款機身嘅可愛卡通圖案同22種邊框~而Hello Kitty款式更多達125種Hello Kitty圖案、22種Hello Kitty邊框同27款Emoji,設計出個人化又萌嘅標籤貼紙Easy啦!相信小朋友收到一定好開心,分分鐘仲會愛上整理、分類嘅習慣𠻹!

入門版PTD200系列推出多款可愛卡通人物機身,更內置卡通圖案同邊框,相信大人小朋友都喜愛!Photo from Brother

Brother有咁多款好玩、方便又實用嘅標籤機,無論家中定辦公使用,梗有一款啱心水~既可令日常生活物品整理更有條理、增加效率,又可以令小朋友一齊參與,建立良好習慣。各位家長、WFH朋友,一於趁書展優惠,入手自己喜歡嘅型號啦!

 

Brother@香港書展2022
日期:2022年7月20至7月26日
地點:香港會議展覽中心3C-C21至C23及3G-A35攤位
網址:https://www.brother.com.hk/

 

^禮品名額為240個,先到先得,送完即止。

 

Text:HolidaySmart
Featured for:Brother
Photos source:Brother

**本文章的圖片均經其本人或其公司授權,其他媒體不得轉載

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel