蔡淇俊為澄清「中途轉基」傳聞,自爆已婚多年!罕提與陳自瑤當年緋聞!

蔡淇俊為澄清「中途轉基」傳聞,自爆已婚多年!罕提與陳自瑤當年緋聞!

娛樂新聞
By Stephanie on 20 Jul 2022
Digital Content Writer

38歲蔡淇俊離巢後到內地發展,並轉戰飲食界開餐廳做老闆;不過佢近日被爆與男性友人親密拖手唱K,隨即引起「中途轉基」嫌疑,引起熱議。最近,佢向網民否認傳聞,仲突然自爆已經結婚,嚇親一眾網民!

蔡淇俊近日被網民懷疑「轉基」,而佢就留言表示自己已婚,仲提及過往同陳自瑤嘅緋聞?Photo from 蔡淇俊抖音

蔡淇俊入行多年 事業發展平平

藝人蔡淇俊成功憑俊俏外貌以及優越身高,喺2001年參加「至型bug仔」比賽奪冠而入行,並喺2004年出演青春偶像劇《赤沙印記@四葉草.2》首度擔任做男主角,因此而變得為人熟悉!不過喺拍完劇後,佢都未能夠爆紅,被安排擔任《放學ICU》其中一位主持,曝光率大大減少。後來佢曾被安排出演《同事三分親》,事業看似有起色,但人氣亦隨住劇集播畢而消逝。

2004年,蔡淇俊首次擔任《赤沙印記@四葉草.2》嘅男主角Photo from 《赤沙印記@四葉草.2》

2007年,蔡淇俊出演處境劇《同事三分親》,當時人氣曾一度飆升Photo from 《同事三分親》

2014年轉戰飲食業

2014年,蔡淇俊宣佈離巢北上發展轉戰飲食界,佢先於廣東佛山投資50萬開米線店,指當時內地舖租比香港便宜好多。直到2017年,佢已經成功喺內地開咗5間米線及火鍋店,生意發展順利!

2014年,離巢後嘅蔡淇俊北上開米線店,生意發展得唔錯~Photo from 蔡淇俊抖音

被爆與男性友人親密唱K

早前,蔡淇俊上載與男性友人十字緊扣,親暱地唱歌嘅影片,仲因此令網民懷疑佢「中途轉基」,一度引起熱議。不過佢事後喺留言區回覆「談感情我只牽愛人的手,對友情我只喝兄弟的酒。」,令網民更加感到疑惑;而佢就解釋會與好友拖手全因飲咗酒!

蔡淇俊近日上載與男友人拖手唱歌嘅影片Photo from 蔡淇俊抖音

只見蔡淇俊與同性好友十指緊扣唱歌~Photo from 蔡淇俊抖音

惹網民猜測「轉基」?!

有網民就直接詢問蔡淇俊「你鐘意咗男人?」,而佢就激動回覆「呸呸呸,怎麼可能」;而佢解釋自己已經結婚,令唔少網民都感到驚訝!

影片隨即引起網民猜測,以為佢已經「中途轉基」?Photo from 蔡淇俊抖音

2015年蔡淇俊已與圈外女友結婚

廣告
廣告

事實上,蔡淇俊喺2015年曾對外宣佈與圈外女友呂藝甯結婚,二人婚後育有3名小孩。但由於佢平時好少會公開同家人嘅生活照,十分低調,又難怪網民會忘記佢已婚嘅消息嘅~除此之外,佢過往仲因為經常與姚子羚合作擔任婚紗模特兒,曾被誤會係姚子羚老公。

其實蔡淇俊喺2015年宣佈與圈外女友結婚!(圖為佢與姚子羚擔任婚紗模特兒嘅照片)Photo from 姚子羚IG

蔡淇俊向網民坦承已經結婚Photo from 蔡淇俊抖音

過往與陳自瑤緋聞最為人熟悉!

其實蔡淇俊入行後甚少傳出緋聞,當中佢同陳自瑤嘅戀情最為人熟悉!二人當年因為拍攝《赤沙印記@四葉草.2》而被爆擦出愛火,戀情維持咗大約4年就結束。雖然二人從未正面回應過戀情,但今次有網民留言「這不就是陳自瑤的前男友嗎?」,而佢回覆「我不認。」

當年拍攝《四葉草2》嘅時候,就傳出蔡淇俊同陳自瑤熱戀嘅傳聞Photo from 《赤沙印記@四葉草.2》

有網民直接詢問佢係咪同陳自瑤拍過拖,佢就回覆「唔認」Photo from 蔡淇俊抖音

近年熱愛健身及扮女裝?!

而近年熱衷於經營抖音帳號嘅蔡淇俊,除咗熱愛健身操fit身型之外,仲嘗試過扮女仔,吸引大眾關注~只見身穿女裝嘅佢戴上假髮,配上超濃嘅妝容,少女味十足;但當擁有健碩肌肉嘅佢一開始跳舞時,畫風就變得極奇怪!

蔡淇俊熱愛健身,保持健碩嘅身型Photo from 蔡淇俊抖音

蔡淇俊曾經扮女裝拍片Photo from 蔡淇俊抖音

仲開始喺度跳舞,嚇親網民Photo from 蔡淇俊抖音

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel