張敬軒深夜現身勸唔好通宵排隊 暖心舉動竟被粉絲誤會? 網民反應兩極

張敬軒深夜現身勸唔好通宵排隊 暖心舉動竟被粉絲誤會? 網民反應兩極

生活熱話 娛樂新聞
By Moon Lam on 21 Jul 2022
Digital Content Writer

人稱軒公既張敬軒一向都無乜負面新聞,不過最近佢既粉絲群組竟然因為佢親身阻止粉絲通宵排隊而發生罵戰,網友更係討論區分享指軒公直線回覆粉絲不滿,直言係幫人教女!

張敬軒IG @hinscheungPhoto from 張敬軒IG @hinscheung

張敬軒千字文回應粉絲

近日係LIHKG討論區有網民貼出張敬軒回覆粉絲既留言,大讚軒公唔怕得罪粉絲,「勇氣可加」同埋有行動力,又指佢既行為係為左改善「追星」既風氣同秩序。圖片可見有一位粉絲表示接受唔到張敬軒鼓勵其他粉絲做唔啱既行為,不過軒公就以千字文解釋自己既原意,更指呢位粉絲「斷章取義」!

LIHKG討論區截圖Photo from LIHKG討論區截圖

半夜現身勸粉絲離開

綜合網民既講法,早前張散軒舉行活動,有一班粉絲就通宵排隊,但求可以係活動一開始就入場,不過呢日竟然提前見到軒公,據知張敬軒係專登過黎活動地點勸喻呢班通宵排隊既粉絲離開,原因係擔心佢地既人身安全,亦唔想粉絲們既父母擔心,更指如果粉絲有咩損失蝕底「唔知點同你地老竇老母交代」。

張敬軒IG @hinscheungPhoto from 張敬軒IG @hinscheung

樓主就話軒公一番苦心似乎被粉絲誤會,以為佢係支持粉絲通宵排隊,因此係社交平台表示對軒公大感失望,所以軒公先會回應自己既原意。

張敬軒IG @hinscheungPhoto from 張敬軒IG @hinscheung

有網民就提到早前張敬軒既活動不時有不法之徒出現,有中年男子因為人多而乘機向軒公既女粉絲「抽水」,又或者唔守秩序,而軒公係留言亦提到近幾次同粉絲見面都有男性用肢體騷擾女粉絲,佢想保證出席者既安全,所以先會出現。

張敬軒IG @hinscheungPhoto from 張敬軒IG @hinscheung

網民反應兩極

唔少網民都認為出名錫粉絲既軒公點會鼓勵粉絲通宵排隊,原來係呢位粉絲唔係現場而會錯意,由粉絲變左Hater,又指軒公既行為非常窩心,如果自己係現場既粉絲應該會好開心,乖乖地聽話返屋企。網民亦話軒公係唔想有更多誤會發生,所以先打咁多字黎回覆呢位粉絲。

LIHKG討論區截圖Photo from LIHKG討論區截圖

LIHKG討論區截圖Photo from LIHKG討論區截圖

LIHKG討論區截圖Photo from LIHKG討論區截圖

LIHKG討論區截圖Photo from LIHKG討論區截圖

不過亦有網民覺得軒公呢個做法的確會令人誤會,以為通宵排隊偶像就會黎探班,可能會令下次活動更多人為左見佢而通宵排隊。亦有網友話軒公既做法未必改變到追星通宵排隊既風氣,粉絲願意咁做亦無問題。

LIHKG討論區截圖Photo from LIHKG討論區截圖

LIHKG討論區截圖Photo from LIHKG討論區截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

冼靖峰不獲邀任張敬軒演唱會嘉賓,軒公寄語做好作品比做嘉賓更有意義

廣告
廣告

31 May 2022

張敬軒26場《張敬軒THE NEXT 20 演唱會》終於順利完結,最近就有傳嘉賓名單無邀請《聲夢傳奇》冼靖峰(Archie),令到對方嘅粉絲不滿!

張敬軒IG @hinscheungPhoto from 張敬軒IG @hinscheung

張敬軒嘅紅館個場受疫情影響令場次延期,近日終於完成補場,重開後軒公繼續邀請唔少新生代歌手做嘉賓。

JER IG @jeremylaousPhoto from JER IG @jeremylaous

有超強人氣Mirror成員嘅姜濤、Jer、Ian、女團COLLAR、張天賦MC、Tyson Yoshi,唱作人Gareth.T(湯令山)、陳蕾、吳林峰,樂隊ToNick、Dear Jane等,連未出道素人Arvin Tsans都係嘉賓之一。令到「今晚邊個做演唱會嘉賓」成為熱話!

陳蕾IG @pantherchanPhoto from 陳蕾IG @pantherchan

ToNick IG @tonick_officialPhoto from ToNick IG @tonick_official

而來自《聲夢傳奇》嘅學員冼靖峰不嬲都當張敬軒偶像,比賽時更被指由髮型、衣著外形甚至到唱腔都充滿張敬軒嘅影子。

有網民就整合咗話佢唔係似張敬軒,而係模仿張敬軒Photo from 網上討論區截圖

有冼靖峰嘅粉絲就不滿張敬軒邀請咁多樂壇新血,但係就無邀請佢!佢認為軒公明知冼靖峰係自己嘅粉絲,冼靖峰又被人攻擊,張敬軒作為前輩應該比機會佢,邀請佢做嘉賓,不過言詞間提到冼靖峰當時並非身處香港,又話有心一早邀請咗,似乎有啲矛盾。

聲夢傳奇通訊群組截圖Photo from 聲夢傳奇通訊群組截圖

係順利完結演唱會後張敬軒接受媒體訪問,記者提及點解無邀請冼靖峰,張敬軒話對方有搵佢,希望呢幾日嘅新聞唔會影響到佢,同時寄語冼靖峰都要加油,做多啲好作品比觀眾比起做嘉賓更有意義,可能將來會有合作機會,仲要磨練應對傳媒同同粉絲維繫。

張敬軒IG @hinscheungPhoto from 張敬軒IG @hinscheung

冼靖峰嘅個人粉絲群組入面嘅成員就強烈指責有人冒認係冼靖峰嘅粉絲,又話真正嘅粉絲係哂呢個群組,而係「睇聲夢時學會入群」口出狂言嘅根本唔係佢地嘅一份子,佢地根本無討論過呢件事,又係群組內呼籲大家做好份內事支持Archie就夠!

冼靖峰fans通訊群組截圖Photo from 冼靖峰fans通訊群組截圖

網上討論區嘅網民就話張敬軒回應得非常得體同厚道!不過網民又密切留意聲夢嘅非官方討論群組,發現有聲夢嘅支持者以小氣簿形式記低「呢兩年某些人如何對待聲夢」,發帖以騎呢組合四怪形容Error完全唔識得尊重人,又以黑面先生形容古天樂,最後仲以張公公形容軒公,覺得張敬軒嫌棄緊聲夢出身嘅人。網民話軒公一番寄語真係比埋聲夢同Archie嘅粉絲睇。

網上討論區截圖Photo from 網上討論區截圖

冼靖峰曾經參加《全民造星2》但成績一般,後來參加第一屆《聲夢傳奇》入圍最後5強,年初推出首支個人單曲《一個人的幸運》正式出道。但出席一個網上直播音樂會時失言,講咗一句「03年姐係沙士死剩種呀?」,引起大批網民反感。

Youtube截圖Photo from Youtube截圖

連搵過冼靖峰出席活動嘅電訊商都立刻割蓆,出聲明話佢只係出席過一次活動,並唔係品牌代言人!

3 網站截圖Photo from 3 網站截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel