「山寨謝霆鋒」3年勁賺逾7位數 曾經「扮出禍」? 網民羨稱真係靠樣食飯

「山寨謝霆鋒」3年勁賺逾7位數 曾經「扮出禍」? 網民羨稱真係靠樣食飯

生活熱話
By Moon Lam on 25 Jul 2022
Digital Content Writer

內地經常出現同某啲名人似樣而爆紅嘅人﹐今次就就有位「山寨謝霆鋒」靠模仿謝霆鋒致富!3年內買車又買樓,高達7位數人民幣嘅房屋以現金一次付清,撞樣名人真係咁好賺?

抖音 @黄寧Photo from 抖音 @黄寧

#憑撞樣名人致富

來自內地湖南嘅「山寨謝霆鋒」名叫黃寧,係北京外國語大學畢業,曾經做過模特兒,而佢係十幾年前已經開始模仿謝霆鋒,多年來累積唔少人氣,更憑模仿致富!據說佢嘅代言費高達50萬人民幣,而出席活動唱首歌都要收10萬人民幣!難怪可以做到3年內買車又買樓,以現金係長沙市買咗一間300萬人民幣嘅屋,連食都富貴過人!

微博圖片Photo from 微博圖片

#專業模仿謝霆鋒

網民大讚佢「演繹」咗謝霆鋒後生時嘅樣貌,但其實佢只係比本人後生4歲,佢嘅側面同下顎線同謝霆鋒最似,加上打扮、角度,加上太陽眼鏡等配飾,達到起碼同霆鋒有90%相似,仲曾經拎過最佳模仿秀獎!不過講到正面其實同霆鋒一啲都唔似樣,更可以話係普通路人樣,估唔到可以憑側面似謝霆鋒搵食!

黃寧正面相,同霆鋒真係完全唔似Photo from 微博圖片

微博圖片Photo from 微博圖片

微博圖片Photo from 微博圖片

佢係抖音不時會針享自己煮野食嘅片段,佢留住同霆鋒後生時相似嘅髮型、戴住耳釘、身穿黑色簡單款嘅T-shirt或者黑色同白色嘅恤衫,配樂仲特登用返霆鋒嘅歌,煮餸時真係同醉心研究廚藝嘅霆鋒好相似架!有網民更以「側霆鋒」稱呼佢,而佢似乎都知道自己嘅側面係「流量密碼」,上載嘅片段幾乎清一色都係佢嘅側面,而露出正面又或者賣廣告嘅片段就無乜人Like!

「流量密碼」就係只靠側面?Photo from 抖音 @黄寧

#曾險「扮出事」

模仿咗謝霆鋒十幾年,當然都試過差啲「扮出事」,2011年佢以「謝霆鋒」嘅名義參與一間房地產公司嘅剪綵活動,引來眾人嘩然,有人覺得佢稱得上係專業嘅演員,亦有好多粉絲嘅反對聲音,而謝霆鋒嘅唱片公司英皇娛樂當時就出聲明表示會保留追究法律嘅權利;2018年內地又出現唔少「謝霆鋒表演」,而英皇再次發聲明澄清,表示佢地侵犯霆鋒嘅個人名譽權同肖像權,雖然爭啲「扮出禍」,但佢咁多年來依舊堅持以模仿謝霆鋒黎賺錢!

微博圖片Photo from 微博圖片

而佢仲試過同謝霆鋒本人同台演出,呢個機會真係唔係人人有,連本人都大讚佢真係幾似樣!雖然有網民佩服佢嘅行為,不過多數網友多數都表示雖然同明星撞臉可以獲得關注,不過長期依賴人地黎獲得知名度只會令自己失去自我!

分唔分到邊個先係真係霆鋒呢?Photo from 微博圖片

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

相關文章:41歲謝霆鋒挑戰凌空轉呼拉圈!超強腰力震驚網民!重溫6大騎呢行為

更多相關文章

金像獎2022|85歲謝賢奪影帝,謝霆鋒被斥唔孝順:親生仔不如林家棟

《第40屆香港電影金像獎》於ViuTV舉辦頒獎典禮,四哥謝賢以85歲之齡奪得「最佳男主角」,成為該獎項最年長得主。致辭時林家棟喺四哥身旁照顧佢,獲網民大讚係暖男,而親生仔謝霆鋒卻被指唔見人,網友鬧爆:「好心照顧下爸爸啦!」

《第40屆香港電影金像獎》於ViuTV舉辦頒獎典禮,四哥謝賢以85歲之齡奪得「最佳男主角」,成為該獎項最年長得主。Photo from 《第40屆香港電影金像獎》

謝賢繼「終身成就獎」後,再奪金像獎「最佳男主角」

停辦兩年後金像獎終於舉辦實體頒獎典禮,成為全城熱話。每年「最佳男主角」呢個獎項都係頒獎禮重頭戲,今年由謝賢憑《殺出個黃昏》嘅演出,首次坐上影帝寶座!

停辦兩年後金像獎終於舉辦實體頒獎典禮,成為全城熱話。

謝賢憑《殺出個黃昏》嘅演出,首次坐上影帝寶座!Photo from 《第40屆香港電影金像獎》

現年85歲嘅謝賢,人稱「四哥」,佢喺50年代出道,至今已從影70年。四哥於2019年《第38屆香港電影金像獎》曾奪得「終身成就獎」,佢今年憑一套戲喺《第28屆香港電影評論學會大獎》、《香港電影導演會2021年度獎項》、《第40屆香港電影金像獎》分別攞到「最佳男演員」、「最佳男主角」等3大獎項。

現年85歲嘅謝賢,人稱「四哥」,佢喺50年代出道,至今已從影70年

林家棟全程悉心照顧謝賢

廣告
廣告

四哥演技獲獎項肯定,佢出席金像獎時全程由林家棟傍到實,喺台下林家棟就坐喺四哥隔離,到宣佈四哥獲獎後,林家棟亦扶實佢上台領獎,四哥致謝辭又陪伴在側,大讚佢:「香港金像獎史上攞最佳男主角會全場起身拍手掌嘅,你係第一個!」

四哥演技獲獎項肯定,佢出席金像獎時全程由林家棟傍到實Photo from 《第40屆香港電影金像獎》

台下林家棟就坐喺四哥隔離Photo from 《第40屆香港電影金像獎》

宣佈四哥獲獎後,林家棟亦扶實佢上台領獎Photo from 《第40屆香港電影金像獎》

四哥致謝辭林家棟又陪伴在側,大讚佢:「香港金像獎史上攞最佳男主角會全場起身拍手掌嘅,你係第一個!」Photo from 《第40屆香港電影金像獎》

當四哥拉底口罩致辭時,林家棟細心幫佢拉返上去,佢之後幫手解釋:「因為(頒獎禮)人多,醫生叮囑唔好(除口罩)。」佢又問四哥仲有無咩想同觀眾講,兩人感情如父子親厚。

當四哥拉底口罩致辭時,林家棟又細心幫佢拉返上去Photo from 《第40屆香港電影金像獎》

林家棟之後解釋:「因為(頒獎禮)人多,醫生叮囑唔好(除口罩)。」Photo from 《第40屆香港電影金像獎》

林家棟問四哥仲有無咩想同觀眾講Photo from 《第40屆香港電影金像獎》

謝霆鋒出post恭喜謝賢,被網友斥唔關心爸爸

當日四哥兒子謝霆鋒有份參演嘅《怒火》亦獲得多個獎項,不過霆鋒未有出席頒獎禮,但得知電影奪獎後,佢都有喺微博、Facebook發文祝賀台前幕後人員。作為仔仔,霆鋒亦喺Facebook祝賀四哥:「恭喜老豆😎」,但微博佢淨係出post恭喜《怒火》奪「最佳電影」。

霆鋒亦喺Facebook祝賀四哥成影帝:「恭喜老豆😎」Photo from 謝霆鋒Facebook

微博謝霆鋒淨係出post恭喜《怒火》奪「最佳電影」。Photo from 謝霆鋒微博

對於四哥攞獎但佢又唔喺身旁陪伴,唔少網友留言指佢唔關心爸爸:「點解唔一齊出席支持下」、「外國人可能仲以為呢個係無兒無女嘅演員」,又暗指林家棟更似謝賢親生仔:「你真係有老豆心啦林家棟」

對於四哥攞獎但謝霆鋒又唔喺身旁陪伴,唔少網友留言指佢唔關心爸爸Photo from 《鋒味2018》

網友留言呼籲謝霆鋒多啲關心謝賢Photo from 謝霆鋒Facebook

網民暗指林家棟更似謝賢親生仔Photo from 謝霆鋒Facebook

但亦有網友指父子平時相處點滴唔需要拍上網畀人睇,兩人自己知個仔孝順就得。其實謝霆鋒6月尾嘅時候有喺香港出席活動,但7月即返內地工作,預告自己無法出席金像獎頒獎禮。佢最近亦有喺微博分享隔離日常。

其實謝霆鋒6月尾嘅時候有喺香港出席活動,但7月即返內地工作,預告自己無法出席金像獎頒獎禮Photo from 《鋒味2018》

謝霆鋒最近亦有喺微博分享隔離日常。Photo from 謝霆鋒微博

謝霆鋒奪影帝時曾爆料寸爸爸無攞過獎

早於11年前謝霆鋒就已經攞過金像獎「最佳男主角」,當年喺台上致謝辭時亦有提起爸爸謝賢喺佢細個時候會問佢:「你知唔知我已經拍咗幾百部電影!」當佢18歲攞咗金像獎新人獎時就拎咗個獎擺喺枱面寸爆爸爸:「你拍過咁多套戲,有無攞過金像獎。」

謝霆鋒就已經攞過金像獎「最佳男主角」Photo from 《第30屆香港電影金像獎》

謝霆鋒憶述自己18歲攞咗金像獎新人獎時就拎咗個獎擺喺枱面寸爆爸爸:「你拍過咁多套戲,有無攞過金像獎。」Photo from 《鋒味2018》

不過霆鋒表示知道爸爸喺屋企睇電視,佢指希望爸爸唔好將呢番說話擺喺心入面,原諒佢一個不知天高地厚嘅小朋友:「老竇,你先係最佳男主角!」霆鋒曾於節目中指爸爸謝賢老年因為無好好嘅計劃人生,經常都唔快樂,成日話自己「等死」。

霆鋒表示知道爸爸喺屋企睇電視,佢指希望爸爸唔好將呢番說話擺喺心入面,原諒佢一個不知天高地厚嘅小朋友:「老竇,你先係最佳男主角!」Photo from 《第30屆香港電影金像獎》

霆鋒曾於節目中指爸爸謝賢老年因為無好好嘅計劃人生,經常都唔快樂,成日話自己「等死」。Photo from 《第40屆香港電影金像獎》

之前四哥都有上霆鋒嘅節目做嘉賓,兩父子互窒十分有趣,相信佢哋嘅感情都好好。

之前四哥都有上霆鋒嘅節目做嘉賓,兩父子互窒十分有趣Photo from 《因為是朋友呀》

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel