時空旅人大爆「平行時空」確實存在?!將會發現新星球!人類將面臨危機?

時空旅人大爆「平行時空」確實存在?!將會發現新星球!人類將面臨危機?

生活熱話
By Stephanie on 29 Jul 2022
Digital Content Writer

外界一直都盛傳唔少天馬行空嘅傳聞,其中大部分都圍繞住我哋嘅生活,包括:時空旅人、外星人等,未解之謎超多~最近,有「時空旅人」表示2023年將會出現平行世界,並發現全新星球「Azawz」?!事實上該星球其實一直都存在,而關於星球上嘅生物亦擁有各種傳聞!

近日網上流傳有關「平行時空」嘅傳聞,更有時空旅人大爆係真實存在?!Photo from 《寧靜海》

世界「未解之謎」傳聞超多~

關於世界嘅傳聞一直都多不勝數,包括:時空旅人、平行世界、外太空等,呢類型嘅傳聞仲經常成為劇集或者電影嘅題材,令唔少網民都覺得真係「難分真與假」~當中最近大熱嘅話題一定係「平行世界」,事關Netflix人氣美劇《怪奇物語》系列、MARVEL電影等就加入咗以上因素,都成功爆紅引起熱話!

世界不解之謎一直都係唔少人感興趣嘅話題~Photo from TVB

當中最近熱爆嘅Netflix原創劇《Stranger Things》系列加入咗有關「平行時空」等元素Photo from 《怪奇物語4》

大爆2023年將發現平行世界有新星球!

根據外媒報導,時空旅人表示喺2023年人類將會發現一個新星球,揚言喺平行世界嘅宇宙中存在一個名為「Azawz」嘅星球!而該星球上卻居住與人類唔同嘅「生物」,而佢哋甚至對人類帶有敵意。

有時空旅人大爆下年將會發現新星球?!Photo from 《寧靜海》

揚言新星球「生物」有陰謀?!

盛傳「Azawz」星球其實一直都存在「只係隱藏於地球內部嘅失落帝國」,但隨住時間嘅推移先被發現。而時空旅人仲話等到呢個星球出現後,人類會知道Azawz嘅「生物」背後掌控好多嘢,仲有指「911事件」策劃者就係佢哋?!

然而,時空旅人表示該星球上嘅「生物」心懷不軌?!Photo from 《淒厲人僧》

網民反應兩極

然而,外界對時空旅人嘅爆料抱持半信半疑嘅態度。唔少網民都相信宇宙萬物尚有好多人類尚未發掘到嘅事實,認為「平行世界」、「新星球」等的確有可能存在;但亦有網民覺得「時空旅人」只係利用那類型嘅話題作為炒作,吸引大眾關注。世界咁大,係咪真係有「平行世界」就真係各有睇法喇~

部份網民覺得「平行時空」、「外星人」等可能真實存在!Photo from 《ET》

有網民就覺得那類型嘅「預言」都只係為咗炒作Photo from 《校對女王》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

時空旅人指2022年地球將會面臨危機?!公開3大「重要」日子!約200萬人將神秘消失?

13 May , 2022

坊間經常都會流傳各種傳言~近日有一位自稱係「時空旅人」嘅抖音帳號就發佈一條預告影片,指地球將會於今年夏天面臨危機,並且會有多達大約200萬人突然消失;仲列出咗3個今年嘅重要日子,並揚言會有新嘅生物降臨地球?!

廣告
廣告

大家相信呢個世界上有從未來穿越過來嘅「時空旅人」嗎?Photo from 《信義》劇照

自稱「時空旅人」抖音用戶

唔知大家又相唔相信呢個世界上有時空穿梭嘅「未來人」呢?!一直以「時空旅人」自稱嘅抖音用戶Kawhi Leonard (@thehiddengod1) 經常都會上載有關外星人、世界末日等相關嘅影片;日前佢就上載咗一條影片而引起熱議!

一位自稱係「時空旅人」嘅抖音用戶經常都上載唔同嘅傳言!Photo from 《The King:永遠的君主 》

表示2022年地球將會面臨危機?!

「時空旅人」Kawhi 表示今年夏天地球將會面臨前所未有嘅挑戰,爆發一連串接近世界末日嘅危機,仲列出咗2022年嘅3個「重要」日子,分別係7月14日、8月9日以及10月3日,希望警惕大家!

自稱來自未來嘅時空旅人「Kawhi Leonard」表示2022年夏天地球會面臨危機?!Photo from thehiddengod @抖音

仲列出咗3個日子Photo from thehiddengod @抖音

列出3個日期警惕大眾

從影片中所講,喺7月14日美國將會經歷史上最強嘅地震,仲會因此而導致美國土地出現大裂痕!而8月9日世界上將近約200萬人將會神秘消失,咁未好似MARVEL《復仇者聯盟》電影中嘅情節咁~

預言7月14日美國將會經歷前所未有嘅大地震?!Photo from 《你是我的確幸》

佢表示8月9日當日將會有約200萬人憑空消失,似乎同《復仇者聯盟》嘅劇情有啲相似?!Photo from 《復仇者聯盟:無限之戰》

網民反應大不同!

而今年10月3日就將會有一種名為「潛行者(Stalkers)」嘅不明物體來臨地球。然而,Kawhi就並冇講3件事是否有關聯,影片上載後獲得逾45萬個評論!大部分嘅網民都認為只係無稽之談,認為「時空旅人只係睇得太多科幻電影」等;然而亦有部份人認為萬事皆有可能,希望世界能夠一直和平~不過呢類型嘅傳聞都係「信則有,不信則無」,睇完要自行斟酌!

10月3日仲會有不明物體「潛行者」降落地球?!Photo from 《Stranger Things 3》

美國眾議院將舉行首個UFO主題聽證會!

另一邊廂,美國眾議院舉行59年來首個關於UFO嘅聽證會,並將於本月17日舉行!由於上年美國國家情報總監上載咗一份長達9頁嘅報告,當中提及144宗UFO目擊個案;而眾議院情報委員會主席Adam Schiff希望能夠藉此機會等美國市民了解一直以來嘅謎團~

美國眾議院將會喺5月17日舉行關於UFO嘅聽證會!Photo from 電影《長江7號》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel