最近有乜野戲睇？齊數8月必睇電影，6部賣座電影總有一套岩你睇～～

暑假一向係猛片聚集嘅檔期，小編就為大家mark定8月好戲清單，動作、催淚、搞笑片都有齊，更有唔少大家熟悉嘅明星主演，邊一套岩你心水呢？

出貓特攻隊  （17/8上映）

泰國過億票房猛片！口碑票房同樣好嘅泰國校園電影，講述家境一般嘅主角Lynn憑屈機成績考入名校，IQ爆棚，原來諗出連串超乎想像嘅出貓方法，生意自此愈做愈大變跨國犯罪生意！

配上年輕靚仔靚女演員，令成套戲更加有睇頭！

電影橋段非常引人入勝，好啱暑假睇！不過睇完唔好返學跟住做呀～～（笑）

軍艦島 （10/8）

宋仲基主演已經係必睇嘅理由啦？韓國影壇年度史詩戰爭動作大片，上映24小時突破百萬觀影人次，成為韓國影史上最高開畫票房，仲勁過《屍殺列車》！

由最強導演柳昇完執導，蘇志燮、宋仲基同黃晸玟等最強卡司主演，講述日本殖民統治時期，被日軍強制徵用嘅400多位百姓重返自由，逃離軍艦島嘅故事〜

宋仲基飾演獨立軍人領袖，決心潛入軍艦島將400多名絕望礦工拯救出嚟，展開大逃亡！好型好熱血呀～～oppa真係好適合做軍人啊！

銀魂 （17/8上映）

未上映已經引起熱議，因為人物造型同場景還原度都超高！雲集當紅明星：小栗旬飾坂田銀時、菅田將暉飾新八、橋本環奈飾神樂等等，大家都好期待點神還原《銀魂》搞笑抵死又莫名熱血嘅Style！

千年一遇美少女橋本環奈今次可謂不顧形象，反眼挖鼻挑戰顏藝！原著有咁多fans支持，相信電影版都大把捧場客呀～～

再見亦是狗朋友 （24/8上映)

感人催淚之作，入場前預備一盒紙巾吧！故事講述狗仔貝利一生出嚟就對自己存在意義感到困惑，經歷四次輪迴冒險：由男孩伊雲救回來收養嘅金毛尋回犬、幫助警察執行任務嘅德國牧羊犬、萌爆小哥基同大型混種犬，當中有笑有淚～～

狗仔感人戲從來都有種莫名吸引力，見到同人類個種交流，淨係睇簡介已經覺得感動！

打死不離3父女（ 24/8 上映）

相信大家都睇過《作死不離3兄弟》同《來自星星的PK》啦？印度首席巨星阿米爾罕又有新作啦〜今次《打死不離3父女》全球票房高達2.7億美元，成為史上最賣座印度片！

電影改編自印度首位女摔跤冠軍嘅傳奇故事，講述3父女一條心，為夢想打破男尊女卑嘅社會觀念，誓要用一面金牌回應各種攻擊性輿論！

阿米爾罕仲為咗呢套戲而增肥，去到97公斤重，花咗五個月時間，迅速瘦身成功，搖身一變成為肌肉猛男，體脂僅有9.6%。個種敬業精神同堅持，好值得大家學下！

殺破狼．貪狼（25/8上映）

時隔12年，2005年《殺破狼》原班人馬打造續集！導演由葉偉信回歸執導，並由洪金寶擔任動作導演，演員找來古天樂、林家棟，還有國際武打巨星Tony Jaa、大陸武打演員吳樾等等，延續首集獨特嘅武打風格！

故事講述香港警察李忠志（古天樂 飾）知道女兒芝（陳漢娜 飾）係泰國旅遊期間莫名失蹤，即親赴泰國報警求助，後來發現案中有案，並開始意識兇手背後神秘勢力唔係咁易對付，展開連場追截搏鬥！

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）