5無港男住公屋竟自稱人生勝利組 獨特三觀惹熱論 未到45歲計劃半退休?

5無港男住公屋竟自稱人生勝利組 獨特三觀惹熱論 未到45歲計劃半退休?

時事熱話 生活熱話
By Moon Lam on 03 Aug 2022
Digital Content Writer

唔少人為樓為車、為老婆仔女窮盡一生,但只有極少數人先係「人生勝利組」! 不過近日就有一位年過40嘅單身中佬係網上分享另類人生觀,認為自己嘅「五無人生」比起其他人嘅理想生活更舒服?

《大叔的愛》劇照Photo from 《大叔的愛》劇照

近日有一位年過40嘅男網友係香港討論區以「未到45歲已準備好半退休了」為題,發文分享自己嘅人生觀,表示自己無妻兒,亦無車無樓無學位,不過就有公屋同7位數字儲蓄,更補充存款全部都係自己儲返黎,平均一個月儲$5000,一年就有6萬,20年自然有100萬。

《大叔的愛》劇照Photo from 《大叔的愛》劇照

生涯規劃:離職後開始「半退休生活」

佢提到任職公司正在走下坡,所以佢打算係公司結業後實行「半退休生活」,搵一份同居住地方鄰近嘅工作,又指最近問咗做保安嘅朋友,係屋邨兼職做保安都有$50一個鐘,只係想間中做下有收入,夠自己食住用,唔洗動用佢嘅儲蓄又唔洗交貴租,加上好彩嘅話投資股票賺少少又或者收股息,完全足夠生活,佢更自豪稱「係香港,有公屋真係人生勝利組,呢句野無錯!」

《回魂夜》劇照Photo from 《回魂夜》劇照

佢其後又提到上年有位未滿70歲嘅親戚離世,有一兒一女,為子女辛苦大半生,但佢地結婚後都搬哂出去,得返樓主親戚孤伶伶一個人住,病發時仲返緊工,樓主回顧親戚嘅一生,指佢人生「得返工作、工作同工作」,而佢嘅子女仲要因為一筆為數不大嘅遺產而反目,令樓主覺得「錢夠使,其實就OK,唔使再多」。

《大叔的愛》劇照Photo from 《大叔的愛》劇照

工作與生活平衡

於是樓主反思後就假設「人生70歲, 頭20年係讀書, 之後25年係工作, 最後25年就應該忠於自己」,好多人為咗仔女或者層樓而做物質嘅奴隸,而自己並無呢啲束縛,搵再多錢都無用,直言「點解我仲要做到65歲退休?」指如果無咩病痛,之後嘅人生會過得好舒服。

《大叔的愛》劇照Photo from 《大叔的愛》劇照

佢表示自己現時坐車來回已經用咗3個鐘,加上工作、瞓覺、食飯,每日嘅私人時間只得2、3個鐘,有人甚至係工作期間連私人時間都放棄埋。有人質疑樓主退休仲要每日仲花8個鐘工作係咪自相矛盾,樓主就反駁話係「半退休」生活,工作同生活取得平衡,稱「時間自主先係最重要」,一份鄰近居住地點嘅工可以慳唔少搭車時間,每日可用時間就有6個鐘!佢又解釋做保安係唔想同社會脫節,又有些許收入應付生活開支,重點係「享受生活之餘又有份無壓力嘅工作」。

《回魂夜》劇照Photo from 《回魂夜》劇照

獨特感情觀

樓主自稱無妻兒,亦無打算要成家立室,原來感情觀源自家人,佢提到自己細佬妹都無打算要下一代,連媽咪都無反對佢嘅睇法!作為長子佢計劃百年歸老後會將財產留比細佬妹,亦表示自己會請屋企人旅遊、食自助餐,俗語有話:「不孝有三,無後為大」,樓主都覺得自己講唔上好孝順,但只要屋企人覺得幸福快樂就得,唔需要旁人指指點點。

《大叔的愛》劇照Photo from 《大叔的愛》劇照

對於有人問樓主「點解唔需要女朋友」、「無小朋友無家庭樂」,甚至質疑樓主一事無成、又窮又悶,被女性嫌棄,佢就以「傻的嗎」回應,指自己非常享受單身,唔想要妻兒黎管住自己,可能仲要受佢地氣,又話唔少人為咗子女操勞大半生,「真係搵嚟辛苦」,又表示人生唔一定要結婚、生兒育女,言語間仲經常提到自己養咗三隻貓,令佢覺得根本唔需要另一半,稱「一個人嘅幸福同成就,唔係用兒女,或者有無間屋做標準 」,指尊重各人有不同價值觀,但只係佢自己唔需要。

《爺爺與貓》劇照Photo from 《爺爺與貓》劇照

心態豁達笑看生死

樓主對於生老病死亦非常看得開,稱人生最好「唔好有大病痛,唔好太長命」,同意網民健康最重要嘅睇法,指比錢做gym不如work life balance,生活輕鬆心情好,自然會健康啲,樓主甚至計劃好如果不幸患上重症都唔會醫,只需要減輕痛楚嘅藥物,死後財產除咗留比細佬妹嘅能捐則捐,骨灰就直接撤係海,更指「墓同碑都唔要,反正十年廿年後都無人嚟拜」

《孤獨的美食家》劇照Photo from 《孤獨的美食家》劇照

樓主自問識感恩,亦都非常知足,指自己活得快樂係因為唔同人計較,亦無咩慾望(包括物質同女人),重要嘅係無嘅野都唔會羨慕。樓主一開始就自稱「五無」,當然同常人「人生勝利組」嘅定義相距甚遠,不過佢亦自稱「我嘅人生真係好唔完美」,不過就活得快樂,無經濟壓力下做自己想做嘅事,過想過嘅生活,佢唔想做老婆奴、樓奴,只想做貓奴,閒來無事可做「係屋企陪下啲貓玩不知幾爽」。

《爺爺與貓》劇照Photo from 《爺爺與貓》劇照

網民意見

雖然有唔少網民質疑樓主嘅諗法,始終覺得需要有老婆仔女先至係人生,甚至有網民覺得有一千萬都唔敢退休,又或者覺得樓主呢個諗法係一事無成又唔上進。不過都有唔少網民認同樓主嘅價值觀,並表示羨慕,「最重要唔係長命,而係健康,行得走得做自己鍾意做嘅事」,「樓主用自己方式達到自己財務自由,真心羨慕樓主」,不過要做到樓主心態咁豁達亦非易事呀!

《孤獨的美食家》劇照Photo from 《孤獨的美食家》劇照

即睇樓主與別不同人生觀節錄:

廣告
廣告

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

香港討論區截圖Photo from 香港討論區截圖

Text: HolidaySmart Editorial (小編公告:如果讀者有任何關於美食、旅遊、玩樂、或者任何新奇有趣事物嘅資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男千字文公審侍應非禮食客 餐廳公開CCTV還原真相 為員工平反

20 Jul 2022

早前有一位男網友公審一間天水圍餐廳的男職員,指該名職員非禮其女朋友,起初網民都支持事主為女友出頭,直至大前日(17日),涉事餐廳公開當日CCTV片段力證員工清白,網民看完後風向大轉,認為該情侶無理取鬧。

有男網民投訴餐廳員工非禮其女友。Photo from 樂湖刀削麵FB

男網民千字文公審餐廳職員。Photo from FB天水圍群組

港男網上公開餐廳名字及其員工外貌。Photo from 《東張西望》

男網民投訴侍應送餐時非禮其女友

上星期五(15日),一名男網民於FB「天水圍群組」寫千字文投訴一間天水圍餐廳的員工非禮其女友,並公開該餐廳的名字及該員工的照片。男網民指該員工在店內送餐及清理飯桌期間,連續三次藉故非禮其女友,認為該員工刻意貼近女方背部「抽水」,頭兩次二人選擇啞忍,直到第三次便大聲指責該員工:「你痴得我太貼啦,喂你係咪有心嫁?第三次啦巳經!」雖然該員工有馬上道歉,但事主認為該員工是病態抽水的慣犯,不想有下個女性受害,所以決定放上網公審對方。

餐廳公開片段還員工清白

大前日(17日)該餐廳公開40多分鐘的CCTV片段,還原事件經過,指出該員工並非故意接觸女事主身體,但鑑於店舖地方淺窄,加上該員工身形壯闊,即使盡量避開,亦難以避免有碰撞。該餐廳亦發文表示並非偏幫員工,只因非禮是很嚴重的指控,所以有責任搞清楚真相,更邀請女事主到店舖一同處理此事,但對方未有任何回覆。

餐廳公開CCTV片段還員工清白。Photo from 樂湖刀削麵 fb

網民風向180度轉變

最初男網友發文公審該餐廳職員時,不少網民表示支持,指該員工有問題,但自餐廳公開cctv片段後,網民紛紛為該員工平反,認為他不是故意的。網民更開始指責該情侶,指男友明明可以調位避免麻煩,但卻不做,又批評女事主的坐姿奇怪,指二人不想被搭枱但堅持坐4人枱,是自私的行為。其後男網民更刪除了於「天水圍群組」發佈的投訴貼文。

網民留言為店員平反。Photo from 樂湖刀削麵 FB

網民留言為店員平反。Photo from 樂湖刀削麵 FB

情侶道歉希望平息事件

涉事員工表示當知道自己被「公審」時,感到很大壓力,甚至不敢再上班,其非禮指控更侮辱了他的人格,同時感謝老闆公開cctv為自己平反。老闆更強烈譴責情侶的行為,指他們憑一己想法「公審」其員工,並要求他們道歉。該情侶昨晚指事件持續發酵,網民的言論亦對自己生活造成很大影響,希望盡快平息事件,並為自己衝動網上「公審」他人一事道歉,亦相約店方溝通,一同解決事件。

店員表示被「公審」後壓力很大。Photo from YouTube留言

事主電話致電《東張西望》尋求幫肋。Photo from 《東張西望》

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel